कंगनाची लवकरच ओटीटीवर एंट्री; डेटिंग रिअ‍ॅलिटी शो करणार होस्ट?
बॉलिवूडची क्वीन कंगना राणौत (Kangana Ranaut) आता चित्रपटानंतर लवकरच ओटीटीवर (ott) दिसणार आहे. मात्र ती जरी ओटीटीवर दिसणार असली तरी देखील ती इतर कलाकारांप्रमाणे वेब फिल्म किंवा सिरिजमध्ये (Web series) काम करणार नाही, तर ती एका रिअ‍ॅलिटी शोचे सूत्रसंचालन करणार असल्याची माहिती समोर येत आहे.
बॉलिवूडची क्वीन कंगना राणौत (Kangana Ranaut) आता चित्रपटानंतर लवकरच ओटीटीवर (ott) दिसणार आहे. मात्र ती जरी ओटीटीवर दिसणार असली तरी देखील ती इतर कलाकारांप्रमाणे वेब फिल्म किंवा सिरिजमध्ये (Web series) काम करणार नाही, तर ती एका रिअ‍ॅलिटी शोचे सूत्रसंचालन करणार असल्याची माहिती समोर येत आहे. कंगना एका ओटीटी रिअ‍ॅलिटी शोमध्ये होस्ट म्हणून दिसणार आहे. एकता कपूर या शोची निर्मिती करणार असल्याची माहिती समोर येत आहे. रिपोर्टनुसार, हा शो डेटिंग आणि रोमान्सवर आधारित आहे. कंगना करणार असलेल्या या शोची प्रेरणा ही लोकप्रिय अमेरिकन रिअ‍ॅलिटी डेटिंग शो टेम्पटेशन आयलंडपासून घेण्यात आल्याचे बोलले जात आहे. लवकरच एकता कपूर या शोची घोषणा करण्याची शक्यता असून, आतापर्यंतचा हा भारतातील असा पहिला शो असणार आहे.
पोस्ट व्हायरल
कंगनाने नुकतीच या संदर्भात एक पोस्ट केली होती. त्यामध्ये तिने म्हटले होते की, मी लेडी बॉस एकता कपूरसोबत पहिला शो होस्ट करण्यास उत्सुक आहे. कंगनाने या पोस्टमध्ये या शो संदर्भात फार काही माहिती दिली नव्हती, मात्र त्यानंतर काही वेळातच तिने ती पोस्ट डिलिट केली. मात्र तोपर्यंत ही पोस्ट सोशल मीडियावर चांगलीच व्हायरल झाली असून, कंगना आता तिचा हा नवा शो घेऊन कधी एकदा ओटीटी प्लॅटफॉर्मवर येते याची उत्सुकता तिच्या चहात्यांना लागली आहे.
‘धाकड’मध्ये साकारली एजंट अग्नीची भूमिका
दरम्यान थलायवी या चित्रपटात कंगना शेवटची दिसली होती. या चित्रपटामध्ये तिने जयललिता यांची भूमिका साकाराली होती. या चित्रपटाला संमिश्र प्रतिसाद मिळाला. लवकरच कंगनाचे ‘धाकड’ आणि ‘तेजस’ हे चित्रपट रिलीज होणार आहेत. धाकडमध्ये कंगना एजंट अग्नीची भूमिका साकारणार आहे. त्याचबरोबर ती तेजसमध्ये तेजस गिलची भूमिका साकारणार आहे. यासोबतच ती आता ओटीटीवर आपला पहिला शो घेऊन येणार आहे. या शोला तिचे चाहाते कसा प्रतिसाद देतात हे पहाणे महत्त्वपूर्ण ठरणार आहे.
संबंधित बातम्या
