AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

त्याने माझी फसवणूक केली, मुलीखातर मला..; संजय कपूरच्या पत्नीचा खुलासा

लग्नाच्या सुरुवातीच्या काळात संजय कपूरने फसवणूक केल्याचं महीपने सांगितलं. त्या घटनेनंतर मुलगी शनायाला घेऊन त्या घराबाहेर पडल्या होत्या. महीप आणि संजय यांच्या लग्नाला आता 27 वर्षांचा काळ झाला आहे. या दोघांना शनाया ही मुलगी आणि जहान हा मुलगा आहे.

त्याने माझी फसवणूक केली, मुलीखातर मला..; संजय कपूरच्या पत्नीचा खुलासा
Maheep Kapoor and Sanjay KapoorImage Credit source: Instagram
| Updated on: May 13, 2024 | 3:54 PM
Share

अभिनेता संजय कपूरची पत्नी महीप कपूरने 2022 मध्ये ‘फॅब्युलस लाइव्स ऑफ बॉलिवूड वाइव्स’ या नेटफ्लिक्सवरील वेब सीरिजमध्ये तिच्या खासगी आयुष्याविषयी खुलासा केला होता. संजयने नात्यात फसवणूक केल्याचं तिने सांगितलं होतं. आता नुकत्याच दिलेल्या एका मुलाखतीत महीप आयुष्यातील त्या कठीण काळाविषयी मोकळेपणे व्यक्त झाली. पतीच्या फसवणुकीनंतरही वैवाहिक नात्यात कायम राहण्याचा निर्णय का घेतला, यामागचं कारण तिने सांगितलं. ‘झूम’ या वाहिनीला दिलेल्या मुलाखतीत महीप म्हणाली, “मला असं वाटतं की लोकांना त्यांच्या चौकटीतून बाहेर येऊन समोरच्या व्यक्तीकडे बघायची इच्छाच नसते. त्या व्यक्तीच्या जागी राहून गोष्टी समजून घेण्यास ते तयार नसतात. प्रत्येकाला ब्रेक द्या, प्रत्येकजण परफेक्ट नसतो, प्रत्येकजण आयुष्यात कधी ना कधी चूक करतोच”, असं ती म्हणाली.

या मुलाखतीत महीपची मैत्रीण आणि चंकी पांडेची पत्नी भावना पांडे म्हणाली, “ती तिच्या निर्णयाशी कम्फर्टेबल आहे. तो तिचा पर्याय आहे.” मुलांसाठी घरातील वातावरण सकारात्मक ठेवणं किती महत्त्वाचं असतं, यावरही महीपने जोर दिला. “तुम्ही याबद्दल तुमचं मत मांडू शकता, पण त्याबद्दल अगदीच नकारात्मक होऊ नका. माझीही काही मतं आहेत, पण त्याबद्दल मी पूर्णपणे नकारात्मक नाही. कोणतीही मदत लागली तर आपले आईवडील आपल्यासोबत आहेत, याची जाणीव कायम मुलांना असायला हवी. त्यांच्याकडे तो कम्फर्ट झोन असणं आवश्यक असतं आणि हे त्यांच्यासाठी सुरक्षित क्षेत्र आहे, हे त्यांना माहित असणं आवश्यक असतं”, असं ती पुढे म्हणाली.

संजय किंवा तुझ्यापैकी सर्वांत कठोर पालक कोण आहे, असा प्रश्न विचारला असता महीपने क्षणाचाही विलंब न करता संजयचं नाव घेतलं. “संजय मुलांप्रती कठोर आहे. यामागचं कारण मला असं वाटतं की, त्याने अनेक महिलांना डेट केलंय. त्याने हे जे काही केलंय, त्यामुळे तो त्याच्या मुलीबद्दल अधिक घाबरून आहे. हे सत्य आहे. तो शनायाबाबत वेडा होईल. माझ्या मुलाबाबत त्याला इतकी भीती नाही. पण शनायाबाबत मला त्याला सांगावं लागतं की जरा शांत हो. मग मला समजलं की तो असा विचार करत असेल की एखाद्या मुलाने तिच्यासोबत तेचं केलं तर काय होईल? तो वडील म्हणून खूप कठोर आहे पण हळूहळू तो जरा शांत होतोय”, असं तिने सांगितलं.

2022 मध्ये नेटफ्लिक्सवरील वेब सीरिजमध्ये संजय कपूरच्या फसवणुकीबाबत महीप म्हणाली होती, “माझ्या लग्नाच्या सुरुवातीच्या काळात संजयने नात्यात माझी फसवणूक केली. तेव्हा मी शनायाला घेऊन बाहेर पडले. मी स्वत:साठी तो निर्णय घेतला होता. पण माझ्या हातात नुकतीच जन्मलेली मुलगी होती. एक महिला म्हणून आणि एक आई म्हणून मी मुलीला प्राधान्य दिलं. माझ्या मुलीला वडिलांचं प्रेम मिळावं ही भावना मनात होती. जर मी त्यावेळी हे नातं मोडलं असतं तर मी आयुष्यभर पश्चात्ताप केला असता. कारण आता जेव्हा माझी मुलं माझ्या घरी येतात, माझा पती जेव्हा घरात येतो, तेव्हा त्यांच्यासाठी ती जागा सर्वांत सुंदर असते. ती शांतता अनुभवणं त्यांची गरज आहे आणि तीच शांतता संजय मलाही देतो.”

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी