Shalmali Kholgade Wedding | फोटोंचा हटके हार, गायिका शाल्मली खोलगडे अडकली विवाह बंधनात!
गायिका शाल्मली खोलगडे (Shalmali Kholgade) हिने 22 नोव्हेंबर रोजी मुंबईत मिक्सिंग आणि मास्टरिंग इंजिनिअर असलेल्या फरहान शेखसोबत (Farhan Sheikh) सात फेरे घेतले आहेत. या जोडप्याने त्यांचे लग्न अतिशय गुप्त ठेवले होते.
मुंबई : गायिका शाल्मली खोलगडे (Shalmali Kholgade) हिने 22 नोव्हेंबर रोजी मुंबईत मिक्सिंग आणि मास्टरिंग इंजिनिअर असलेल्या फरहान शेखसोबत (Farhan Sheikh) सात फेरे घेतले आहेत. या जोडप्याने त्यांचे लग्न अतिशय गुप्त ठेवले होते. परंतु, आता 1 डिसेंबर रोजी इंडस्ट्रीतील त्यांच्या मित्रपरिवारासाठी खास रिसेप्शन आयोजित करण्याची त्यांची योजना आहे. ही जोडी गेल्या सहा वर्षांपासून रिलेशनशिपमध्ये होती.
नवविवाहित जोडप्याच्या जवळच्या एका सूत्राने माहिती देताना सांगितले की, ‘शाल्मली आणि फरहान यांना नेहमीच कमीत कमी लोकांच्या उपस्थितीत अतिशय खाजगी पद्धतीने हा महत्त्वाचा समारंभ करण्याची इच्छा होती. त्यांनी त्यांचा हा खास दिवस अतिशय खाजगी आणि मिनिमलिस्टिक ठेवण्यास प्राधान्य दिले. फक्त नोंदणीकृत विवाह करण्याची त्यांची इच्छा होती. परंतु, शेवटी त्यांच्या पालकांच्या आनंदासाठी त्यांनी घरच्या घरी काही विधी केले. त्याच दिवशी त्यांनी साखरपुडा देखील केला. या सोहळ्याला अवघ्या 15 जणांची उपस्थिती होती.
हटके वरमाला!
प्रत्येकाने या जोडप्यासोबत त्यांच्या या खास दिवसाचा आनंद साजरा केला. त्यांनी अतिशय साधे पोशाख परिधान केले होते. तर, त्याच्या वरमाला देखील हटके होत्या. यात कागदी फुलांसह चक्क त्यांचे काही फोटो गुंफलेले होते.
View this post on Instagram
कोण आहे शाल्मली खोलगडे?
अद्याप शाल्मलीने याबाबत माध्यमांना कोणतीही प्रतिक्रिया दिलेली नाही. शाल्मालीने ‘परेशान’ (इशकजादे), ‘दारू देसी’ (कॉकटेल) आणि ‘बलम पिचकारी’ (ये जवानी है दिवानी) यांसारखी अनेक हिट गाणी गायली आहेत. तिने म्युझिक रिअॅलिटी शो, ‘इंडियन आयडॉल ज्युनियर’ आणि ‘सूर नवा ध्यास नवा’ यांत परीक्षक पदाची धुराही सांभाळली होती.
मनोरंजन विश्वात लगीनघाई!
शोबिझ जगतातही लग्नसराईचा मोसम मोठ्या प्रमाणावर येऊन धडकत असल्याचे दिसत आहे. मागील काही काळात अनेक सेलिब्रिटी लग्नबंधनात अडकले आहेत, तर अनेकांची लग्ने येत्या काही दिवसांत आहेत. याची सुरुवात पत्रलेखा आणि राजकुमार राव यांच्या लग्नाने झाली. ही जोडी 15 नोव्हेंबर रोजी लग्न बंधनात अडकली. आता चाहते बॉलिवूडमधील पॉवर कपल कतरिना कैफ आणि विकी कौशल यांच्या येत्या 7 ते 9 डिसेंबर या तीन दिवसांच्या लग्नाची आतुरतेने वाट पाहत आहोत. यानंतर ‘पवित्र रिश्ता’ फेम अभिनेत्री लग्नबंधनात अडकणार आहे. अंकिता लोखंडेचा विवाह तिचा प्रियकर विकास (विकी) जैन याच्याशी 14 डिसेंबर रोजी होणार आहे. तर, माध्यम वृत्तानुसार, मौनी रॉय जानेवारीमध्ये सूरज नांबियारसोबत लग्नगाठ बांधणार आहे.
हेही वाचा :
Video | बापूंचा चरखा चक्क सलमान खानने चालवला! ‘अंतिम’च्या प्रमोशनसाठी ‘भाईजान’ साबरमती आश्रमात
