AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

भर कार्यक्रमात अल्लू अर्जुनने वापरलेल्या ‘त्या’ शब्दावर आक्षेप; थेट पोलिसांत तक्रार

'पुष्पा 2: द रुल' हा चित्रपट थिएटरमध्ये प्रदर्शित होण्याआधीच अभिनेता अल्लू अर्जुन अडचणीत सापडला आहे. त्याच्याविरोधात पोलिसांत तक्रार दाखल करण्यात आली आहे. भर कार्यक्रमात अल्लू अर्जुनने त्याच्या चाहत्यांसाठी वापरलेल्या शब्दावर आक्षेप घेण्यात आला आहे.

भर कार्यक्रमात अल्लू अर्जुनने वापरलेल्या 'त्या' शब्दावर आक्षेप; थेट पोलिसांत तक्रार
Allu Arjun at Pushpa 2 trailer launch eventImage Credit source: ANI
| Updated on: Dec 02, 2024 | 10:10 AM
Share

अल्लू अर्जुनचा बहुप्रतिक्षित आणि बहुचर्चित ‘पुष्पा 2: द रुल’ हा चित्रपट येत्या 5 डिसेंबर रोजी प्रेक्षकांच्या भेटीला येणार आहे. गेल्या काही दिवसांपासून तो या चित्रपटाचं जोरदार प्रमोशन करतोय. मात्र प्रदर्शनापूर्वी अल्लू अर्जुनसमोर एक समस्या निर्माण झाली आहे. त्याच्याविरोधात श्रीनिवास गौड नावाच्या एका व्यक्तीने हैदराबादमधील जवाहर नगर पोलीस ठाण्यात तक्रार दाखल केली आहे. अल्लू अर्जुन गेल्या अनेक वर्षांपासून त्याच्या चाहत्यांना ‘आर्मी’ म्हणून हाक मारतो. मात्र ‘पुष्पा 2’निमित्त आयोजित केलेल्या एका कार्यक्रमात त्याने चाहत्यांना मारलेल्या याच हाकेवरून संबंधित व्यक्तीने तक्रार दाखल केली आहे.

अल्लू अर्जुनविरोधात पोलिसांत तक्रार

अल्लू अर्जुनविरोधात तक्रार करणारे श्रीनिवास हे ‘ग्रीन पीस एनवायर्नमेंट अँड वॉर हार्वेस्टिंग फाऊंडेशन’चे अध्यक्ष आहेत. “आम्ही टॉलिवूड स्टार अल्लू अर्जुनविरोधात तक्रार केली आहे. त्याच्या चाहत्यांसाठी ‘आर्मी’ हा शब्द न वापरण्याची आम्ही विनंती केली आहे. आर्मी हे अत्यंत आदराचं पद आहे. तेच आमच्या देशाची रक्षा करतात. त्यामुळे तुम्ही चाहत्यांशी तो शब्द वापरू शकत नाही. त्यांच्यासाठी इतर अनेक शब्द आहेत,” असं ते म्हणाले.

अल्लू अर्जुन नेमकं काय म्हणाला?

‘पुष्पा 2’च्या प्रमोशननिमित्त मुंबईत एका कार्यक्रमाचं आयोजन करण्यात आलं होतं. या कार्यक्रमात अल्लू अर्जुन म्हणाला, “माझे चाहते नाहीत, माझी आर्मी आहे. मी माझ्या चाहत्यांवर खूप प्रेम करतो. माझ्यासाठी ते एका कुटुंबासारखेच आहेत. ते माझ्या पाठिशी खंबीरपणे उभे राहतात, माझ्या आनंदात सहभागी होतात, जल्लोष साजरा करतात. ते माझ्या बाजूने आर्मीसारखेच खंबीर उभे राहतात. मी तुम्ही सर्वांवर खूप प्रेम करतो. तुम्हाला माझा आणखी अभिमान वाटेल असं काम मी भविष्यातही करत राहीन. हा चित्रपट जर खूप हिट ठरला तर मी त्याचं श्रेय माझ्या चाहत्यांना देईन.” श्रीनिवास यांनी त्यांच्या तक्रारीत अल्लू अर्जुनने वापरलेल्या ‘आर्मी’ या शब्दावर आक्षेप घेतला आहे.

सुकुमार दिग्दर्शित ‘पुष्पा 2: द रुल’ हा चित्रपट 2021 मध्ये प्रदर्शित झालेल्या ‘पुष्पा: द राइज’चा सीक्वेल आहे. येत्या 5 डिसेंबर रोजी हा चित्रपट थिएटरमध्ये प्रेक्षकांच्या भेटीला येणार आहे. यामध्ये अल्लू अर्जुन, रश्मिका मंदाना, फहाद फासिल यांच्या मुख्य भूमिका आहेत. पहिल्या चित्रपटातील भूमिकेसाठी अल्लू अर्जुनला सर्वोत्कृष्ट अभिनेत्याचा राष्ट्रीय चित्रपट पुरस्कार मिळाला होता.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी