रेखाचा पहिला सिनेमा 10 वर्ष अकडला! 17 वर्षांनी मोठ्या अभिनेत्यासोबत दिला किसिंग सीन.. तुम्हील पाहिला का?

रेखाने बॉलिवूडमधील तिच्या दीर्घ आणि यशस्वी कारकीर्दीत अनेक सुपरस्टार्ससोबत काम केले आणि अनेक उत्कृष्ट चित्रपट दिले. रेखाची आई पुष्पावली ही तमिळ आणि तेलुगू चित्रपटसृष्टीतील प्रसिद्ध अभिनेत्री होती. आई अभिनेत्री असल्यामुळे रेखानेही लहान वयातच चित्रपटांमध्ये काम करण्यास सुरुवात केली. रेखाने तिच्या पहिल्या चित्रपटात 17 वर्षे मोठ्या अभिनेत्यासोबत काम केले आणि एका किसिंग सीनमुळे खळबळ उडाली. त्या वेळी तिचे वय फक्त 15 वर्षे होते.

ही दिग्गज अभिनेत्री आज 10 ऑक्टोबर 2025 रोजी आपला 71 वा वाढदिवस साजरा करत आहे. तिचा जन्म चेन्नई येथे 10 ऑक्टोबर 1954 रोजी झाला होता. रेखा आता अभिनय क्षेत्रात सक्रिय नसली, तरी तिच्या काळात ती बॉलिवूडमधील मोठे नाव होती. रेखाने बॉलिवूडमध्ये यशाचे शिखर गाठले. पण, हा प्रवास तिच्यासाठी सोपा नव्हता. अहवालानुसार, पहिल्याच चित्रपटाच्या सेटवर रेखाच्या सहकलाकार विश्वजीत चटर्जीने तिच्यावर जबरदस्ती केली होती. त्यानंतर ती रडू लागली होती.

वाचा: एका आयटम साँगमुळे संपलं असतं माधुरीचं करिअर, बाळासाहेबांनी मिटवलेलं प्रकरण काय?

17 वर्षे मोठ्या अभिनेत्यासोबत दिला होता किसिंग सीन

रेखाच्या पहिल्या चित्रपटाचे नाव ‘अनजाना सफर’ ठेवण्यात आले होते. दिग्दर्शक कुलजीत पाल यांनी रेखाची आई पुष्पावलीशी बोलल्यानंतर तिला या चित्रपटासाठी निवडले होते. यासाठी रेखा मुंबईत आली होती आणि ती जुहूच्या अजंता हॉटेलच्या खोली क्रमांक 115 मध्ये थांबली होती. ‘अनजाना सफर’मध्ये रेखा आणि विश्वजीत चटर्जी यांच्यातील एका किसिंग सीनचे चित्रीकरण झाले होते, ज्यामुळे बराच वाद निर्माण झाला होता. आजही त्या किसिंग सीनची चित्रपटसृष्टीत खूप चर्चा होते.

10 वर्षे चित्रपट अडकला

रेखा आणि विश्वजीत यांचा चित्रपट 1969 मध्ये सुरू झाला होता, पण त्यातील किसिंग सीनमुळे तो सेंसर बोर्डात 10 वर्षे अडकून राहिला. अखेर एका दशकाच्या प्रदीर्घ प्रतीक्षेनंतर त्याचे नाव बदलून प्रदर्शित करण्यात आले. त्याचे नवे नाव ‘दो शिकारी’ ठेवण्यात आले आणि तो 1979 मध्ये प्रदर्शित झाला, पण हा चित्रपट फ्लॉप ठरला. मात्र, यापूर्वीच रेखा बॉलिवूडमध्ये मोठे नाव बनली होती आणि त्या वेळी ती अव्वल अभिनेत्रींमध्ये गणली जात होती.