‘बच्चन कुटुंबाला निमंत्रण…’, करिश्मा कपूरच्या लग्नाचा Unseen व्हिडीओ, अनेक सेलिब्रिटी एकाच मंडपात
Karishma Kapoor | करिश्मा कपूरच्या लग्नाचा प्रचंड जुना व्हिडीओ आला समोर, श्रीदेवी यांनी वेधलं चाहत्यांचं लक्ष, चाहचे म्हणाले, 'तेव्हा सेलिब्रिटी देखील किती साधे होते...', करिश्मा कपूर आणि संजय कपूर यांचं लग्न फार काळ टिकलं नाही, पण व्हिडीओमध्ये दिसतायेत सर्व आनंदी चेहरे...
मुंबई | 1 मार्च 2024 : एककाळ असा होता जेव्हा अभिनेत्री करिश्मा कपूर हिने बॉलिवूडवर आणि चाहत्यांच्या मनावर राज्य केलं. अनेक सिनेमांमध्ये महत्त्वाची भूमिका साकारत करिश्माने चाहत्यांचं मनोरंजन केलं आणि यशाच्या शिखरावर पोहोचली. करियर यशाच्या शिखरावर असताना करिश्माने उद्योजक संजय कपूर याच्यासोबत लग्न केलं. दोघांच्या लग्नाचा एक व्हिडीओ सध्या सोशल मीडियावर तुफान व्हायरल होत आहे. व्हिडीओमध्ये अभिनेत्रीच्या लग्नासाठी संपूर्ण बॉलिवूड एकाच मंडपात दिसत आहे.
करिश्माने 2003 मध्ये संजय कपूर याच्यासोबत लग्न केलं. सध्या करिश्मा आणि संजय यांच्या लग्नाच्या व्हिडीओची चर्चा रंगली आहे. व्हिडीओमध्ये अभिनेता सलमान खान पासून अभिनेता विवेक ओबेरॉय याच्यापर्यंत अनेक सेलिब्रिटी दिसत आहेत. तर अनेकांचं लक्ष दिवंगत अभिनेत्री श्रीदेवी यांच्याकडे अनेकांच्या नजरा येऊन थांबल्या. व्हिडीओमध्ये जान्हवी कपूर देखील दिसत आहे.
View this post on Instagram
व्हिडीओमध्ये अनेक सेलिब्रिटी दिसत आहेत. पण करिश्माच्या लग्नाचं निमंत्रण बच्चन कुटुंबाला दिलं नव्हतं. कारण काही कारणांमुळे अभिषेक बच्चन आणि करिश्मा कपूर यांचा साखरपुडा मोडला होता. व्हिडीओवर चाहते लाईक्स आणि कमेंट करत आहेत. ‘पूर्वी सेलिब्रिटी देखील किती साधे असायचे…’ अशी कमेंट देखील चाहते करत आहेत.
करिश्मा कपूर हिच्या खासगी आयुष्याबद्दल सांगायचं झालं तर, करिश्मा हिने 2003 मध्ये लग्न केलं आणि 2005 मध्ये मुलीला जन्म दिला. त्यानंतर अभिनेत्रीने 2010 मध्ये मुलाला जन्म दिला. पण मुलांच्या जन्मानंतर देखील संजय आणि करिश्मा यांच्यातील वाद मिटत नव्हते. अखेर दोघांनी विभक्त होण्याचा निर्णय घेतला.
करिश्मा हिच्यासोबत घटस्फोट झाल्यानंतर संजयने प्रिया सचदेव हिच्यासोबत लग्न केलं. तर करिश्माने कधीच दुसऱ्या लग्नाचा विचार न करता सिंगल मदर म्हणून दोन मुलांचा सांभाळ करण्याचा निर्णय घेतला. सध्या सर्वत्र फक्त आणि फक्त करिश्मा कपूर हिची चर्चा रंगली आहे.
करिश्मा आता बॉलिवूडमध्ये सक्रिय नाही. पण अभिनेत्री कायम कोणत्या न कोणत्या कारणामुळे चाहत्यांंमध्ये चर्चेत असते. सोशल मीडियावर देखील अभिनेत्री कायम सक्रिय असते. सोशल मीडियावर स्वतःचे फोटो आणि व्हिडीओ पोस्ट करत अभिनेत्री चाहत्यांच्या संपर्कात राहण्याचा प्रयत्न करत असते.
