शाहरुख खान याला काय झालंय? क्लिनिक बाहेर चेहरा लपवताना दिसला अभिनेता, व्हिडीओ व्हायरल

मुंबई | 18 जानेवारी 2024 : अभिनेता शाहरुख खान सध्या ज्याठिकाणी स्पॉट केलं जातं, अभिनेता त्याठिकाणी हुडी घावून आणि छत्रीने स्वतःचा चेहरा लपवताना दिसतो. सांगायचं झालं तर, चाहते आणि पापाराझींपासून स्वतःचा वाचवण्यासाठी शाहरुख खान सतत प्रयत्न करत असतो. पण एखाद्या कार्यक्रमात शाहरुख त्याच्या स्वागने एन्ट्री करतो आणि चर्चेत राहतो. तेव्हा शाहरुख स्वतःचा चेहरा लपवण्याचा प्रयत्न करत नाही. शाहरुख खान असं का करत आहे? असं चाहते कायम विचारत असतात. आता देखील शाहरुख याचा एक व्हिडीओ सोशल मीडियावर तुफान व्हायरल होत आहे. व्हिडीओमध्ये अभिनेता स्वतःचा चेहरा लपवताना दिसत आहे.

शाहरुख खान याला बुधवारी मुंबईतील एका क्लिनिक बाहेर स्पॉट करण्यात आलं. क्लिनिकमधून परतत असताना, पापाराझी आणि चाहत्यांनी अभिनेत्याला घेरलं.. प्रत्येक जण शाहरुख खान याची एक झलक पाहाण्यासाठी उत्सुक आणि प्रयत्न करत होता. मात्र अभिनेत्यासह सुरक्षा रक्षकांनी शाहरुखची एकही झलक दिसू नये यासाठी सर्व प्रयत्न केले. शाहरुखने आपला चेहरा हुडीने झाकलेला होता. याशिवाय एका सुरक्षा रक्षकाने अभिनेत्याला छत्रीने लपवलं होतं.

View this post on Instagram

A post shared by Voompla (@voompla)

शाहरुख खान याचा व्हिडीओ सोशल मीडियावर तुफान व्हायरल होत आहे. व्हिडीओवर कमेटं करत चाहते प्रतिक्रिया देत आहेत. एथ युजर म्हणाला, ‘शाहरुख खान अशा प्रकारे स्वतःचा चेहरा का लपवत आहे…’, दुसरा चाहता म्हणाला, ‘शाहरुख खान याने चाहत्यांसोबत फोटो का काढले नाहीत?’ सध्या सर्वत्र फक्त आणि फक्त शाहरुख खान याची चर्चा रंगत आहे. शिवाय शाहरुख याला क्लिनिकबाहेर स्पॉट करण्यात आल्यामुळे अनेक चाहत्यांनी चिंता देखील व्यक्त केली आहे…

शाहरुख खान याचे आगामी सिनेमे

2023 मध्ये शाहरुख खान याचे तीन सिनेमे मोठ्या पडद्यावर प्रदर्शित झाले. अभिनेत्याच्या तिन्ही सिनेमांनी बॉक्स ऑफिसवर तुफान कामगिरी केली. ‘पठाण’, ‘जवान’ आणि ‘डंकी’ सिनेमात शाहरुख खान याने मुख्य भूमिका बजावत चाहत्यांचं मनोरंजन केलं. चार वर्षांनंतर बॉलिवूडमध्ये पुन्हा पदार्पण केल्यामुळे शाहरुख खान याची तुफान चर्चा रंगली.

आता शाहरुख आणि सलमान खान एकत्र स्क्रिन शेअर करणार असल्याची चर्चा रंगत आहे. ‘टायगल व्हर्सेस पठाण’ सिनेमाची शुटिंग सुरु होणार असल्याची देखील चर्चा रंगत आहे. तर दुसरीकडे शाहरुख खान दिग्दर्शत संजय लिला भंसाळी यांच्या ‘इंशाल्लाह’ सिनेमात झळकणार असल्याची देखील चर्चा रंगत आहे. सिनेमाची शुटिंग 2024 मध्ये सुरु होणार असल्याची माहिती मिळत आहे.