दिग्दर्शकावर गंभीर आरोप, 18 वर्षीय तरुणीवर बलात्कार, ‘ती’ म्हणाली, ‘उद्ध्वस्थ केलं, सर्वांसमोर मला…’

गेल्या काही दिवसांपासून इंडस्ट्रीमध्ये महिलांवर होणारे अत्याचार समोर येत आहेत. अभिनेत्री त्यांच्यासोबत झालेल्या अत्याचार सांगत, न्याय मिळण्याची मागणी करत आहेत. न्यायमूर्ती हेमा समितीचा अहवाल समोर आल्यानंतर मल्याळम इंडस्ट्रीत खळबळ उडाली आहे. अनेक अभिनेत्रींनी धक्कादायक खुलासे केल्यानंतर 90 च्या दशकातील केरळ सिनेविश्वातील प्रसिद्ध आणि लोकप्रिय अभिनेत्रीने धक्कादायक खुलासा केला आहे. अभिनेत्रीने दिग्दर्शकावर मानसिक, शारीरिक आणि लैंगिक छळाचे आरोप केले आहे. अभिनेत्रीवर जेव्हा अत्याचार होत होते तेव्हा अभिनेत्री फक्त 18 वर्षांची होती.

अभिनेत्री दिलेल्या माहितीनुसार, ती तामिळ सिनेमासाठी शुटिंग करत होती. तेव्हा अभिनेत्री फक्त 18 वर्षांची होती. तेव्हाच अभिनेत्रीला वाईट परिस्थितीचा सामना करावा लागला. सांगायचं झालं तर, दिग्दर्शकाने मुलगी म्हणत स्वतःच्या पत्नीसमोर अभिनेत्रीसोबत करार केला होता. शुटिंग दरम्यान, अभिनेत्रीचं लैंगिक शोषण झालं. नुकताच झालेल्या मुलाखतीत अभिनेत्रीने धक्कादायक खुलासा केला.

अभिनेत्रीने अनेक वर्षांनंतर केलेला धक्कादायक खुलासा…

दिग्दर्शकावर गंभीर आरोप करत अभिनेत्री म्हणाली, ‘माझ्याकडून त्याला एक मुल हवं होतं. तेव्हा मी फर्स्ट ईयरमध्ये होती. माझ्या कुटुंबियांना इंडस्ट्री आणि अभिनयाबद्दल काहीही माहिती नव्हतं. रंगभूमीमुळे मला तामिळ सिनेविश्वात काम करण्याची संधी मिळाली होती. अभिनेत्री रेवती माझ्यासाठी प्रेरणा होती. तेव्हा ती माझ्या घराजवळ राहायची. त्यामुळे मी देखील दिग्दर्शकाच्या पत्नीसमोर स्क्रिन टेस्ट दिली.’

‘दिग्दर्शक त्याच्या पत्नीसमोर मला चांगली वागणूक द्यायचा. मला जेवण द्यायचे, मिल्कशेकचं आमिष दाखवत माझ्यासोबत बोलण्याचा प्रयत्न करायचा. एकदा त्याची पत्नी नव्हती. त्या माणसाने मुलगी म्हणत माझं चुंबन घेतलं. काय होतंय मला काहीही कळलं नाही. सर्वकाही मला माझ्या मित्रांना सांगायचं होतं, पण मी सांगू शकली नाही. माझ्याकडून चूक झाली… मला सतत असं वाटतं होतं. कळत नव्हतं त्या माणसासोबत कसा व्यवहार करू…’

‘हळू-हळू दिग्दर्शकाने माझं शारीरिक आणि लैंगिक शोषण करण्यास सुरुवात केली. सतत माझा फायदा देऊन त्याने मला उद्ध्वस्त केलं. बळजबरी त्याने माझ्यावर बलात्कार केला. या दरम्यान देखील तो मला मुलगी म्हणत होता. हे सर्व जवळपास 1 वर्ष सुरु होतं. मी तेव्हा कॉलेजमध्ये होती त्यानं माझं आयुष्य उद्ध्वस्त केलं आहे.’ असं देखील अभिनेत्री म्हणाली.

अभिनेत्रीने सांगितलं की, केरळ सरकार अभिनेते, दिग्दर्शक आणि निर्मात्यांविरुद्ध दाखल झालेल्या लैंगिक शोषणाच्या तक्रारींची चौकशी करण्यासाठी स्थापन करण्यात आलेल्या विशेष तपास पथकाला आरोपीचे नाव जाहीर करेल.