Tunisha Case: तुनिशाचा Unseen Video सोशल मीडियावर व्हायरल; ‘मिस्ट्री मॅन’सोबतच्या नात्यावरून प्रश्न उपस्थित

मुंबई: टीव्ही अभिनेत्री तुनिशा शर्माच्या आत्महत्येप्रकरणी दररोज नवनवीन खुलासे होत आहेत. तुनिशाने 24 डिसेंबर रोजी ‘अली बाबा: दास्तान-ए-काबुल’ या मालिकेच्या सेटवर गळफास घेऊन आत्महत्या केली होती. याप्रकरणी तुनिशाच्या आईने अभिनेता शिझान खानवर आरोप केले. तुनिशाच्या आईच्या तक्रारीनंतर शिझानला पोलिसांनी अटक केली. या अटकेनंतरही दोन्ही कुटुंबीयांकडून पत्रकार परिषद घेत आरोप-प्रत्यारोप झाले. यादरम्यान आता तुनिशाचा एक जुना व्हिडीओ सोशल मीडियावर व्हायरल होत आहे.

सोशल मीडियावरील या व्हिडीओमध्ये तुनिशा तिचा मित्रा गौरव भगतसोबत पहायला मिळतेय. या व्हिडीओमध्ये दिसतंय की तुनिशाला एअरपोर्टवर सोडण्यासाठी गौरव येतो. आपल्या खास मैत्रिणीला निरोप देताना गौरव भावूक होतो. दोघं एकमेकांना घट्ट मिठी मारतात आणि गौरव तुनिशाला सावरण्याचा प्रयत्न करतो. या व्हिडीओवरून नेटकरी तुनिशावर प्रश्न उपस्थित करू लागले आहेत.

‘जर तुनिशा गौरवसोबत असती तर आज हा दिवस आला नसला. दोघं एकमेकांसोबत खुश होते’, असं एकाने लिहिलं. तर ‘हा व्लॉग पाहून असं दिसतंय की गौरव तुनिशावर खूप प्रेम करायचा. मात्र तिने शिझानच्या मागे लागून आत्महत्या केली’, असं दुसऱ्या युजरने म्हटलंय. ‘जर तुनिशा याच्याशी ब्रेकअप झाल्यानंतर खचली नाही. तर सहा महिने शिझानसोबत राहून ती कशी काय खचू शकते’, असा सवालही नेटकऱ्यांनी केला.

तुनिशा आणि गौरवचा व्हिडीओ-

तुनिशाच्या आत्महत्येनंतर तिचा मित्र गौरव पूर्णपणे खचला होता. अभिनेत्रीच्या आठवणीत त्याने एक व्हिडीओसुद्धा शेअर केला होता. ज्यामध्ये तो तुनिशासोबत पहायला मिळाला. ‘ही रिल नेहमीच मला स्वत:ला एडिट करायची होती. आज मी ते काम पूर्ण केलं. मात्र मला तुझी खूप आठवण येतेय’, असं त्याने कॅप्शनमध्ये लिहिलं होतं.