शाहरुख खानने जेव्हा अनंत अंबानी यांना विचारली पहिली कमाई, मिळालेलं उत्तर म्हणजे…

अनंत अंबानी हे देशातील सर्वात श्रीमंत व्यक्ती आणि जगातील 9 व्या क्रमांकाचे श्रीमंत व्यक्ती मुकेश अंबानी यांचे सर्वात लहान पूत्र आहेत. अंबानी कुटुंब कायम कोणत्या न कोणत्या कारणामुळे चर्चेत असतं. अंबानी कुटुंबाचे अनेक बॉलिवूड सेलिब्रिटींसोबत देखील खास संबंध आहेत. अंबानी कुटुंब आणि अभिनेता शाहरुख खान यांचे देखील एकमेकांसोबत संबंध चांगले आहेत. अंबानी कुटुंबाच्या प्रत्येक कार्यक्रमात शाहरुख खान त्याच्या कुटुंबासोबत उपस्थित असतो. आता देखील अनंत अंबानी आणि शाहरुख खान याचा एक व्हिडीओ सोशल मीडियावर तुफान व्हायरल होत आहे.

व्हायरल होत असलेल्या व्हिडीओमध्ये अनंत अंबानी आणि शाहरुख खान त्यांच्या पहिल्या कमाईबद्दल बोलताना दिसत आहेत. रिपोर्टनुसार, अंबानी कुटुंबाने एका कार्यक्रमाचं आयोजन केलं होतं. आयोजित कार्यक्रमात दोघे एकमेकांच्या पहिल्या कमाईबद्दल बोलताना दिसत आहेत.

सर्वात आधी अनंत अंबानी किंग खान याला त्याच्या पहिल्या कमाईबद्दल विचारतात. यावर शाहरुख खान म्हणतो, दिल्लीमध्ये राहायला असताना सिनेमांचे तिकिट विकून अभिनेत्याने 50 रुपयांची कमाई केली होती. त्यानंतर शाहरुख याने अनंत अंबानी यांना त्यांच्या पहिल्या कमाईबद्दल विचारलं.

अनंत अंबानी यांनी पहिल्या कमाईबद्दल किंग खान याला जे उत्तर दिलं ते थक्क करणारं आहे. अनंत अंबानी म्हणाले, ‘राहूद्या तुम्हाला लाज वाटेल…’, सध्या सर्वत्र फक्त आणि फक्त अनंत अंबानी आणि शाहरुख खान यांच्या कमाईची चर्चा रंगली आहे.

शाहरुख खान आज आहे कोट्यवधी संपत्तीचा मालक

फोर्ब्सने जाहीर केलेल्या रिपोर्टनुसार, भारतात सर्वात जास्त कमाई करणाऱ्या अभिनेत्याच्या यादीत शाहरुख खान अव्वल स्थानी आहे. शाहरुख खान याची नेटवर्थ 6400 कोटी रुपयांपेक्षा अधिक आहे. अभिनेता एका सिनेमासाठी जवळपास 150 ते 200 कोटी रुपये मानधन घेतो. शिवाय चाहत्यांमध्ये शाहरुख खान याची असलेली क्रेझ दिवसागणिक वाढत आहे.

अनंत अंबानी यांच्याबद्दल सांगायचं झालं तर, फोर्ब्सनुसार, अनंत यांचे वडील मुकेश अंबानी हे 9.6 लाख कोटी रुपयांचे मालक आहेत. गेल्या काही दिवसांपासून अनंत अंबानी त्यांच्या खासगी आयुष्यामुळे चर्चेत आहेत.

काही दिवसांपूर्वी जामनगर याठिकाणी मोठ्या थाटात अनंत अंबानी आणि राधिका मर्चंट यांचा प्री-वेडिंग सेलिब्रेशन मोठ्या थाटात पार पडाला… प्री-वेडिंग सेलिब्रेशनसाठी अनेक सेलिब्रिटी आणि दिग्गज व्यक्तींनी हजेरी लावली होती. अनंत अंबानी आणि राधिका मर्चंट यांचं लग्न जुलैमध्ये होणार आहे.