कोरोनाची लस संपूर्ण देशवासियांना मोफत मिळणार; केंद्रीय आरोग्यमंत्र्यांची मोठी घोषणा

कोरोनाची लस मोफत मिळणार की विकत मिळणार? याकडे संपूर्ण देशवासियांचं लक्ष लागलेलं असतानाच केवळ दिल्लीतच नव्हे तर संपूर्ण देशात कोरोना लसीचं मोफत वितरण केलं जाणार असल्याची मोठी घोषणा केंद्रीय आरोग्य मंत्री डॉ. हर्षवर्धन यांनी केली आहे. (corona vaccine will get free everyone says Dr. Harsh Vardhan)

भीमराव गवळी | Updated on: Jan 02, 2021 | 12:30 PM

नवी दिल्ली: कोरोनाची लस मोफत मिळणार की विकत मिळणार? याकडे संपूर्ण देशवासियांचं लक्ष लागलेलं असतानाच केवळ दिल्लीतच नव्हे तर संपूर्ण देशात कोरोना लसीचं मोफत वितरण केलं जाणार असल्याची मोठी घोषणा केंद्रीय आरोग्य मंत्री डॉ. हर्षवर्धन यांनी केली आहे. त्यामुळे कोरोनाबाधितांसाठी मोठा दिलासा मिळाला आहे. (corona vaccine will get free everyone says Dr. Harsh Vardhan)

कोरोना लसीचं कोणत्याही क्षणी वितरण केलं जाण्याची शक्यता असल्याने संपूर्ण देशभरात टिकाकरणाचे ड्राय रन घेतले जात आहे. दिल्लीतही या ड्राय रनचं आयोजन करण्यात आलं होतं. त्याचा आढावा घेण्यासाठी केंद्रीय आरोग्य मंत्री डॉ. हर्षवर्धन गुरु तेग बहादूर सिंग रुग्णालयात आले होते. यावेळी त्यांना कोरोनाची लस दिल्लीतील जनतेलाच मोफत मिळणार आहे का? असा प्रश्न पत्रकारांनी विचारला. त्यावर केवळ दिल्लीतच नव्हे तर संपूर्ण भारतातील जनतेला ही लस मोफत देण्यात येणार असल्याचं त्यांनी सांगितलं. चार राज्यात ड्राय रन करण्यात आलं असून त्याचा फिडबॅक मिळाला आहे. लसीकरणाच्या नव्या गाईडलाईन्स जारी करण्यात आल्या होत्या. त्यात सर्व राज्य आणि केंद्रशासित प्रदेशात आज ड्राय रन घेण्याच्या सूचना करण्यात आल्या होत्या. त्यानुसार हे ड्राय रन सुरू असून यावेळी नियमांचं पालन केलं जात आहे, असं डॉ. हर्षवर्धन यांनी सांगितलं.

लोकांनी कोणत्याही अफवांवर विश्वास ठेवू नये. व्हॅक्सीन सुरक्षित ठेवण्यावर आमचा भर आहे. पोलिओ लसीकरणाच्यावेळी अनेक प्रकारच्या अफवा पसरल्या होत्या. तरीही लोकांनी लस टोचून घेतली आणि भारत पोलिओमुक्त झाला होता, याकडेही त्यांनी लक्ष वेधले. देशाला लसीकरणाचा अनुभव आहे. कोरोनाची लस जनतेच्या सुरक्षेसाठी आहे. त्यामुळे कोणत्याही चुकीच्या गोष्टींवर विश्वास ठेवू नका, असंही त्यांनी सांगितलं.

दरम्यान, दिल्लीत 1994मध्ये पल्स पोलिओचं अभियान हाती घेण्यात आलं होतं. त्यावेळी सुमारे 10 लाख मुलांना पोलिओची लस देण्यात आली होती. हा कार्यक्रम अत्यंत यशस्वी ठरला होता. त्यामुळे पोलिओ लसीकरणाच्या वेळी काम करणाऱ्या स्वयंसेवी संस्था, नागरिक समाज संघटना आणि इतरांन सोबत घेण्याच्या सूचनाही त्यांनी यावेळी दिल्या. (corona vaccine will get free everyone says Dr. Harsh Vardhan)

लस मोफत मिळावी, टोपेंनी केली होती मागणी

कोरोनाची लस मोफत द्यायची की विकत द्यायची याबाबत केंद्र सरकारने कोणतंच स्पष्टीकरण केलेलं नाही. पण केंद्र सरकारने ही लस मोफत द्यावी, अशी मागणी महाराष्ट्राचे आरोग्य मंत्री राजेश टोपे यांन केली होती. केंद्र सरकारने दिलेल्या व्हॅक्सीन दिल्यानंतर त्याची अमलबजावणी करण्याचं काम महाराष्ट्र सरकार करेल, असंही ते म्हणाले होते. (corona vaccine will get free everyone says Dr. Harsh Vardhan)