जगातल्या या 5 देशांच्या प्रमुखांची झोप उडाली, केव्हाही हत्या होण्याची सतावतेय भीती

एकीकडे सिरीयाचे राष्ट्राध्यक्ष अहमद अल शरा इस्राईलच्या हल्ल्यानंतर देशातून पसार झाल्याची बातमी आहे. अशा दावा आहे की त्यांनी दमिश्क सोडले आहे. इस्राईलने सिरियावर मोठा हल्ला केल्यानंतर ते जीव वाचवून पळाले आहेत. एकट्या सिरीयाच्या राष्ट्रप्रमुखांनाच नाही जगातील तैवान, इराण, येमेन आणि आर्मेनिया यांच्या राष्ट्राध्यक्षांच्या डोक्यावर मृत्यूची तलवार टांगती आहे. या देशांच्या प्रमुखांच्या सुरक्षेत वाढ केली आहे.त्यांना सार्वजनिक ठिकाणी जाण्यावर निर्बंध लादले आहेत.

इराणपाठोपाठ इस्राईलने आता सिरियाकडे मोर्चा वळवला आहे. याचे कारण स्वेदा शहरातील ड्रूज आणि बेदौईन गटातील होत असलेल्या झडपांना दिले जात आहे. या दरम्यान सिरियाचे वृत्तपत्र अल मायादीन याने असा दावा केला आहे की सिरियाचे राष्ट्राध्यक्ष अल शरा यांनी दमिश्क सोडले आहे.ते तुर्कीला गेले असावेत असे म्हटले जात आहे. अल शरा यांच्या आधी असलेल्या राष्ट्राध्यक्ष अल असद यांनाही रशियात आश्रय घ्यावा लागला होता.

देश आणि त्यांच्या प्रमुखांना धोका

1- अहमद अल शरा, सीरिया

अहमद अल शरा यांनी इस्राईलपासून जीवाचा धोका सतावत आहे. वास्तविक सिरियाच्या स्वेदा शहरात भडकलेल्या हिंसेत बळी ठरलेल्या ड्रुज गटामुळे इस्राईल संतापला आहे. एक दिवस आधीच त्याने दमिश्कमध्ये राष्ट्राध्यक्षांच्या निवासाजवळ ड्रोन डागून एक प्रकारे सावधानतेचा इशारा दिला होता. याशिवाय इस्राईलची गुप्तहेर एजन्सी मोसाद टार्गेट किलींगमध्ये प्रसिद्ध आहे. इराणमध्ये संपूर्ण जगाने याची चुणूक पाहीली आहे. अशात सिरियातही राष्ट्राध्यक्ष अहमद अल शरा यांना इस्राईलच्या आडून कोणी विरोधक किंवा शत्रू आपले काम तमाम करेल भीती सतावत आहे. त्यामुळे ते देश सोडून पसार झाल्याचे म्हटले जात आहेत.

2- लाई चिंग ते, तैवान

तैवानचे राष्ट्राध्यक्ष लाई चिंग ते यांच्या अडचणीही कमी होण्याचे नाव घेत नाहीएत. त्यांना चीनकडून जीवाचा धोका आहे.चीनने त्यांना अनेकदा धमकी मिळाली आहे. त्यांच्यावर चायना पॉलीसीची अवहेलना केल्याचा आरोप लागत आहे. चीनी सैन्य आणि गुप्तचर संघटना त्यांच्या विरोधात कट रचत असल्याचा संशय आहे. याशिवाय लाई चिंग यांना तैवानमधील चीन समर्थकांकडूनही धोका आहे.

3- अली खामेनेई, इराण

इराणचे सर्वोच्च लीडर अली खामेनेई यांना तर इस्राईलकडून धोका आहेच. अलिकडे इस्राईलने इराणच्या अनेक वरिष्ठ कमांडरचा टार्गेट किलींगमध्ये खात्मा केला आहे. त्यानंतर खामेनेई यांना अनेक दिवस बंकरचा आश्रय घ्यावा लागला. ते बंकरमधून सरकार आणि युद्ध हाताळत होते. कठोर धार्मिक शासन, जनतेतील रोष याचाही त्यांना धोका आहे. इस्राईलच्या मोसाद शिवाय मुजाहिदीन ए खल्क सारख्या विरोधी गटांकडूनही त्यांना धोका आहे.

4- रशद अल अलीमी, येमेन

रशद अल अमीनी येमेनचे राष्ट्राध्यक्ष आहेत,त्यांना हुती बंडखोरांकडून सर्वाधिक धोका आहे. देश अस्थिर असल्याने येमेनच्या अनेक भागांवर हुतीचा अड्डा जमला आहे. याआधीही हुतींनी अनेक नेत्यांची हत्या केली आहे. त्यामुळे ते येमेन प्रमुखांना ठार करु शकतात. येमेनमध्ये सातत्याने होणारी हल्ले आणि सत्ता संघर्षाने येथील स्थिती बिकट आहे.मध्य पूर्वेत ज्याप्रकारची स्थिती आहे. येमेनचे हुती ज्याप्रकारे इस्राईल आणि अमेरिकेला टार्गेट करीत आहेत. त्या दोन्ही देशांकडूनही येमेनचे राष्ट्राध्यक्ष रशद अल अलीमी यांना धोका आहे.मात्र दोन्ही देशांनी अद्यापर्यंत तरी त्यांना धमकी दिलेली नाही.

5. निकोल पशिनयान, आर्मेनिया

आर्मेनियाच्या पंतप्रधान निकोल पशनियान यांची देखील झोप उडाली आहे. नागोर्नो कराबाख युद्धात हार आणि रशियांशी फाटल्याने त्यांच्या हत्येची त्यांनी भिती सतावत आहे. निकोल यांना प्रामुख्याने अंतर्गत विरोध आणि आर्मिनियन तसेच सैन्यातील गटाकडून धोका आहे. याआधी २०२१ मध्ये त्यांच्यावर हल्ला होणार होता, त्यातून ते वाचले. त्यांच्या राजीनाम्याची अनेकदा मागणी झाली आहे.