फक्त 2.7 किलोमीटरसाठी ‘या’ देशात केला जातो विमान प्रवास, जाणून घ्या कुठे आहे सर्वात कमी अंतराची व्यावसायिक फ्लाईट
जगात एक असे ठिकाण आहे जिथे फक्त 90 सेकंदा करिता विमानाचे उड्डाण होते. चला जाणून घेऊया ते ठिकाण कोणते आहेत.
जेव्हा जेव्हा आपण विमान प्रवासाचा विचार करतो तेव्हा आपण अनेकदा देश किंवा परदेशात लांब प्रवास करण्याचा प्लॅन करत असतो. पण जगात असे एक ठिकाण आहे जिथे सर्वात कमी अंतराची व्यावसायिक फ्लाईट आहे. तर हे ठिकाण स्कॉटलंडमध्ये आहे. चला जाणून घेऊयात की किती अंतरासाठी विमान प्रवास केला जातो आणि हा प्रवास का सुरू करण्यात आला. तर हा विमान प्रवास ऑर्कने बेटांमधील दोन लहान बेटे आहेत. वेस्ट्रे आणि पापा वेस्ट्रे अशी या बेटांची नावे असून ही बेटं एकमेकांना जोडतो. या दोन्ही बेटांमधील एकूण अंतर फक्त 2.7 किलोमीटर आहे, तसेच येथील विमानतळ हे अनेक प्रमुख आंतरराष्ट्रीय विमानतळांच्या धावपट्टीच्या लांबीपेक्षा कमी आहे. ऑफिशियली फ्लाईटची वेळ 90 सेकंद आहे. अशातच जेव्हा वाऱ्याची स्थितीत अनुकूल असते तेव्हा हा प्रवास फक्त 53 सेकंदात होऊ शकतो.
ही फ्लाईट 1967 मध्ये सुरू झाली
स्कॉटलंडमध्ये ही फ्लाईट स्कॉटिश रीजनल विमान कंपनी लोगानएअर द्वारे चालवली जाते. तर या विमान प्रवासात लहान 10-सीटर ब्रिटन नॉर्मन आयलंडर विमान वापरले जाते, जे लहान टेकऑफ आणि लँडिंगसाठी योग्य आहे. तर हा विमान प्रवास 1967 पासून आजपर्यंत सुरू आहे. यामुळे ते केवळ जगातील सर्वात लहान व्यावसायिक उड्डाणच नाही तर सर्वात जास्त काळ चालणाऱ्या रीजनल एअर रूटपैकी एक आहे.
इतक्या लहान विमान प्रवासाची काय गरज आहे?
पहिल्यांदा आपण विचार केला तर फक्त दोन मिनिटांपेक्षा कमी वेळेसाठीही विमान प्रवास करणे योग्य नाही वाटत. परंतु या दोन्ही बेटांवर राहणाऱ्या सुमारे 70 ते 90 लोकांच्या कम्युनिटीसाठी हा विमान प्रवास खूप महत्त्वाचा आहे. कारण ही विमान सेवा तेथील लोकांसाठी लाईफ लाईन सारखी काम करते. बेटवासीयांना शेजारच्या बेटांवर आणि मुख्य ठिकाणी आरोग्यसेवा, शिक्षण आणि प्रशासकीय सेवा इतर काम करण्यासाठी हा प्रवास केला जातो.
शिक्षक, विद्यार्थी आणि वैद्यकीय व्यावसायिक या विमान प्रवासाचा वापर नियमितपणे करतात कारण ते अनेकदा या बेटांमधून प्रवास करतात. तसेच लांबच्या बेटावरील लोकांमध्ये, विश्वसनीय वाहतुकीशिवाय कमी अंतर देखील आव्हानात्मक असू शकते. फेरी सेवा असली तरी, त्यासाठी अंदाजे 20 ते 25 मिनिटे लागतात आणि अनेकदा खराब हवामानामुळे हा प्रवास होत देखील नाही.
पूल का बांधत नाही
भूप्रदेश, तेथील हवामान आणि कमी लोकसंख्या लक्षात घेता या दोन्ही बेटांमध्ये पूल बांधणे खूपच महाग ठरू शकतात. 100 पेक्षा कमी लोकसंख्येच्या समुदायासाठी त्यांच्या फायद्यांपेक्षा हा खर्च जास्त असेल. म्हणूनच एअरलिंक हा सर्वात व्यावहारिक आणि आर्थिकदृष्ट्या व्यवहार्य उपाय आहे.
