बाळाची सवय बदलायचीये? झोपेत असताना फक्त 2 मिनिटं करा ‘हे’ काम
मुलांच्या वाईट सवयी बदलण्यासाठी तुम्हीही त्यांना चिडवता, ओरडता, रागावता का? मग आताच थांबा! ही फक्त दोन मिनिटांची थेरपी ते झोपल्यानंतर करून बघा. तुमच्या लक्षात येईल, मुले कशी सुधारतात.
मुलांना योग्य काय आणि अयोग्य काय हे शिकवणे पालकांसाठी नेहमीच एक मोठे आव्हान असते. अनेकदा लहान मुले आपल्या आई-वडिलांचे बोलणे नीट समजू शकत नाहीत किंवा ऐकत नाहीत. अशा वेळी त्यांना रागावणे किंवा ओरडणे हा सोपा मार्ग वाटतो. पण आता चिंता सोडा! ‘स्लीप टॉक थेरपी’ (Sleep Talk Therapy) नावाची एक अनोखी आणि प्रभावी पद्धत पालकांसाठी ‘गोल्डन टूल’ (Golden Tool) बनत आहे, ज्यामुळे तुम्ही मुलांना न रागावता त्यांच्या सवयी बदलू शकता.
ओरडल्याशिवाय सुधारतील मुलांच्या सवयी:
तुमचे मूल भीती, राग, संकोच, वाईट सवयी किंवा अभ्यासाशी संबंधित समस्यांनी ग्रासले आहे आणि तुम्हाला त्याचे वर्तन न रागावता सुधारायचे आहे, तर ‘स्लीप टॉक थेरपी’ नक्की वापरून पहा. ही एक अशी प्रक्रिया आहे, ज्यात मूल झोपल्यानंतर, जेव्हा त्याचे मेंदू ‘अल्फा-थेटा स्टेट’ (Alpha-Theta State) नावाच्या एका विशेष अवस्थेत असतो, तेव्हा पालक त्याच्याशी सकारात्मक गोष्टी बोलतात. या अवस्थेत मेंदू प्रश्न विचारल्याशिवाय गोष्टी थेट स्वीकारतो. मूल जरी गाढ झोपेत असले, तरी त्याचे मेंदू तुमच्या शब्दांवर प्रक्रिया करतो आणि यामुळे हळूहळू त्याच्या वर्तनात आणि सवयींमध्ये बदल होतो.
पालकांनी ही थेरपी कशी करावी?
माणूस झोपला तरी त्याचा मेंदू कधीच झोपत नाही. आपल्या मेंदूत ‘चेतन मन’ (Conscious Mind) आणि ‘अवचेतन मन’ (Subconscious Mind) असते. झोपताना मेंदूचा चेतन मन झोपी जातो, पण अवचेतन मन मात्र सक्रिय (Active) राहते. मेंदूचा हाच भाग आपल्या सवयी, वर्तन आणि भावनांना नियंत्रित करतो. जेव्हा तुम्ही मूल झोपले असताना त्याला सकारात्मक गोष्टी सांगता, तेव्हा त्या गोष्टी थेट त्याच्या अवचेतन मनात जातात आणि हळूहळू नवीन ‘बिहेवियर पॅटर्न्स’ (वर्तन पद्धती) तयार होतात. यामुळे नकळतपणे मुलाचे वर्तन आणि सवयी बदलू लागतात आणि चिमुकल्याचे व्यक्तिमत्व पालकांच्या अपेक्षेनुसार घडायला लागते.
3 ते 12 वर्षांच्या मुलांवर अधिक परिणामकारक:
‘स्लीप टॉक थेरपी’ जवळजवळ प्रत्येक वयोगटातील मुलांवर काम करते, परंतु विशेषतः 3 ते 12 वर्षांच्या मुलांवर याचा परिणाम अधिक चांगला दिसून येतो. या तंत्राने मुलांच्या अनेक समस्यांवर मात करता येते. उदाहरणार्थ, जर मुलाला अंधाराची भीती वाटत असेल, त्याला एकटे राहता येत नसेल, असुरक्षित वाटत असेल, आत्मविश्वासाची कमतरता असेल, तो खोटे बोलत असेल, जास्त राग किंवा हट्ट करत असेल, अभ्यासाचा ताण किंवा चिंता (Anxiety) असेल, नखे खाणे किंवा अंगठा चोखणे यांसारख्या सवयी असतील, झोपेत अंथरूण ओले करत असेल किंवा बोलण्यात संकोच वाटत असेल, तर या तंत्राचा खूप फायदा होतो. ही थेरपी मुलांच्या भावनिक आणि मानसिक आरोग्यासाठी अत्यंत उपयुक्त ठरू शकते.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
