ED raids on Pratap Sarnaik : ईडीच्या चौथ्या आदेशानंतरही विहंग सरनाईक चौकशीला गैरहजर, कारवाईची शक्यता
महत्त्वाचं म्हणजे विहंग याला आतापर्यंत अनेकवेळा समन्स बजावण्यात आले आहेत. सोमवारी त्याला चौथा समन्स बजावण्यात आला होता.
मुंबई : शिवसेना आमदार प्रताप सरनाईक यांच्या घर आणि कार्यालयावर ईडीच्या अधिकाऱ्यांनी धाड टाकल्यानंतर (ED raids on Pratap Sarnaik) त्यांच्या कुटुंबाची वारंवार चौकशी सुरू आहे. आमदार प्रताप सरनाईक यांचा मुलगा विहंग सरनाईक (Vihang Sarnaik) याचीदेखील ईडीकडून चौकशी करण्यात आली. पण आज म्हणजेच मंगळवारी विहंग सरनाईक चौकशीसाठी गैरहजर असल्याची माहिती समोर आली आहे. विहंग याला ईडी अधिकाऱ्यांनी चौकशीसाठी हजर राहण्यास सांगीतल होतं. पण तो गेलाच नसल्याचं सांगण्यात येत आहे. (Vihang Sarnaik absent from inquiry even after EDs fourth order, possibility of major action)
सूत्रांनी दिलेल्या माहितीनुसार, ईडीने समन्सद्वारे विहंगला चौकशीसाठी येण्यास सांगितलं होतं. पण तरीदेखील तो गैरहजर राहिला. महत्त्वाचं म्हणजे विहंग याला आतापर्यंत अनेकवेळा समन्स बजावण्यात आले आहेत. सोमवारी त्याला चौथा समन्स बजावण्यात आला होता. यानुसार आज 1 डिसेंबर रोजी सकाळी 11 ते 1 या वेळेत त्याला हजर राहायला सांगण्यात आलं होतं. पण विहंग चौथ्या समन्सनंतरही ईडी कार्यलयात हजर झाला नाही. यामुळे आता ईडी विहंग याच्यावर कडक कारवाई करण्याची असल्याची शक्यता वर्तवण्यात येत आहे.
खरंतर, टॉप ग्रुप आर्थिक गैरव्यवहार प्रकरणात शिवसेनेचे आमदार प्रताप सरनाईक यांना पुन्हा एकदा ईडीने समन्स बजावला आहे. प्रताप सरनाईकांसह मुलगा विहंग सरनाईक यालाही ईडीने समन्स बजावला आहे. त्यात प्रताप सरनाईक यांना ईडीच्या चौकशीसाठी हजर राहण्याचे आदेश दिले. पण तरीही विहंग सरनाईक चौकशीसाठी गैरहजर राहिला.
ईडीने मंगळवारी (25 नोव्हेंबर) प्रताप सरनाईक आणि त्यांचे सुपुत्र विहंग आणि पूर्वेश सरनाईक यांच्या घर आणि कार्यालयावर छापे मारले होते. त्यानंतर विहंग यांची ईडीने पाच तास चौकशी केली. त्यानंतर प्रताप सरनाईक यांनाही नोटीस बजावून ईडीने चौकशीसाठी बोलावले होते. मात्र, आपण परदेशातून आल्याने आठ दिवस आपल्याला सक्तीने क्वारंटाईन राहावं लागत आहे. शिवाय विहंगची पत्नीही आजारी आहे. त्यामुळे मला चौकशीला उपस्थित राहता येणार नाही, असं सरनाईक यांनी ईडीला कळवलं होतं.
यानंतर आता आठ दिवसांनी प्रताप सरनाईकांना ईडीने पुन्हा एकदा समन्स जारी केला. यात ईडीकडून चौकशीसाठी हजर राहण्याचे आदेश दिले होते. दरम्यान विहंग सरनाईक यांना ईडीनं दोन वेळा समन्स बजावलं आहे. मात्र ते चौकशीला हजर झाले नाहीत. त्यामुळे त्यांची पुन्हा एकदा ईडीकडून चौकशीसाठी होऊ शकते, असे सांगितले जात आहे. ही चौकशी टॉप ग्रुप आर्थिक गैरव्यवहार प्रकरणी होण्याची शक्यता व्यक्त केली जात आहे.
इतर बातम्या –
आमदार प्रताप सरनाईक यांचा मुलगा विहंगला ईडीकडून पुन्हा चौकशीसाठी बोलावलं जाण्याची शक्यता
Money Laundering Case | आज विहंग सरनाईकांना पुन्हा ईडीचे समन्स
VIDEO : सेना प्रवक्त्यांना लक्ष्य केलं जातंय, प्रताप सरनाईक प्रकरणी संजय राऊतांची प्रतिक्रिया@rautsanjay61 @PratapSarnaik @CMOMaharashtra @ShivsenaComms pic.twitter.com/GWF418eZma
— TV9 Marathi (@TV9Marathi) November 24, 2020
(Vihang Sarnaik absent from inquiry even after EDs fourth order, possibility of major action)