राजमा, चणे आणि डाळीत ‘या’ 3 गोष्टींचा करा वापर, जेवल्यावर कधीच होणार नाही ॲसिडिटी

आपले आरोग्य राहण्यासाठी आपण आहारामध्ये चविष्ट पदार्थांचे सेवन करत असतो. अशातच जेव्हा आपण चणे, राजमा किंवा डाळ खातो तेव्हा आपले पोट भरते पण काही लोकांना यांच्या सेवनानंतर पोट फुगणे, गॅस किंवा बद्धकोष्ठता यासारख्या समस्यांना तोंड द्यावे लागते. ही समस्या विशेषतः अशा लोकांसाठी सामान्य होते ज्यांची पचनशक्ती थोडी कमकुवत असते किंवा ज्यांना फायबरयुक्त पदार्थ अचानक जड वाटू लागतात. चणे आणि राजमा प्रथिने आणि फायबरने समृद्ध आहेत. शकतात, परंतु जर ते योग्यरित्या शिजवले नाहीत किंवा त्यात काही गोष्टींचा वापर केला नाहीत तर ते आपल्या आरोग्यासाठी फायद्याऐवजी नुकसानदायक ठरू शकतात.

अशातच चांगली गोष्ट म्हणजे तुम्ही जेव्हा राजमा किंवा चणे तसेच डाळी शिजवता तेव्हा फक्त या तीन स्वयंपाकघरातील गोष्टींचा वापर करून तुम्ही बद्धकोष्ठतेपासून मुक्तता मिळवू शकता. तर यावेळी सोशल मीडिया इन्फ्लुएंसर आणि न्यूट्रिशनिस्ट पलक नागपाल यांनी त्यांच्या इंस्टाग्राम अंकाऊटवर एक पोस्ट शेअर केली आहे. ज्यामध्ये राजमा, चणे आणि डाळी बनवण्याची योग्य पद्धत सांगितली आहे, त्यानंतर तुम्हाला बद्धकोष्ठता किंवा गॅस सारख्या समस्या सतावणार नाही.

पोषणतज्ञांनी स्वयंपाक करण्याची योग्य पद्धत सांगितली

पोषणतज्ञ पलक नागपाल यांनी त्यांच्या इंस्टाग्रामवर एक व्हिडिओ पोस्ट केली आहे. यामध्ये त्या सांगत आहेत की, चणे, डाळ किंवा राजमा खाल्ल्यानंतर तुम्हाला पोट फुगणे, गॅस होणे, बद्धकोष्ठता यासारख्या तक्रारी असतील तर त्या शिजवण्यापूर्वी त्यात हिंग, अदरक, आणि ॲपल सायडर व्हिनेगर या गोष्टींचा वापर करावा.

https://www.instagram.com/reel/DHbRjDkS7uy/?utm_source=ig_embed&ig_rid=ec3a2715-54a2-40df-a148-fda6516cfbc2

स्वयंपाक करताना या 3 गोष्टींचा वापर करा

पोषणतज्ञ पलक नागपाल पुढे म्हणाल्या की, उडीद डाळ, चणा डाळ, चवळी आणि तूर डाळ यासारख्या काही प्रकारच्या डाळी इतर डाळींपेक्षा थोड्या जड असतात. ही समस्या बहुतेकदा अशा लोकांना होते ज्यांची पचनशक्ती कमकुवत असते किंवा ज्यांचे आतडे कमकुवत असतात. ही समस्या निर्माण होऊ नये यासाठी या डाळी शिजवताना काही सोपे मार्ग त्यांनी सांगितले की, डाळी रात्रभर भिजवा जेणेकरून ते मऊ आणि पचण्यास सोपे होतील. भिजवताना पाण्यात १ टेबलस्पून ॲपल सायडर व्हिनेगर टाका. डाळी शिजवताना त्यात आले आणि हिंगाचा वापर करा. हे पचन सुधारण्यास आणि गॅस प्रतिबंध करण्यास मदत करतात.

कसे काम करता?

अ‍ॅपल सायडर व्हिनेगर पोटातील आम्लता संतुलित करते आणि पाचक एंजाइम सक्रिय करते. तर हिंग हा भारतीय स्वयंपाकघरातील एक मसाला आहे जो प्रत्येक पचन समस्यांसाठी फायदेशीर आहे. अदरक हे एक नैसर्गिक पचन सुधारक देखील आहे. ते आतड्यांना आराम देते आणि अन्न लवकर पचण्यास मदत करते.

(डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)