Skin care Tips : या सवयींमध्ये बदल करा नाहीतर कमी वयातच वृद्धत्वाची लक्षणे दिसतील!
आजच्या व्यस्त जीवनशैलीमुळे आपण त्वचेची काळजी घेऊ शकत नाही, ज्यामुळे वृद्धत्वाची चिन्हे दिसतात. आपण वयाआधीच वृद्ध दिसू लागतो.
मुंबई : आजच्या व्यस्त जीवनशैलीमुळे आपण त्वचेची काळजी घेऊ शकत नाही, ज्यामुळे वृद्धत्वाची चिन्हे दिसतात. आपण वयाआधीच वृद्ध दिसू लागतो. त्वचेवर सुरकुत्या आणि बारीक रेषा दिसू लागतात. वृद्ध होणे ही एक प्रक्रिया आहे जी आपण थांबवू शकत नाही, परंतु काळापूर्वी वृद्धत्वाची चिन्हे चेहऱ्यावर दिसणे ही त्रासदायक बाब आहे. वृद्धत्वाच्या चिन्हे दूर करण्यासाठी आपण काही बदल केले पाहिजे. (Follow these tips to avoid the signs of aging)
बराच वेळ स्क्रीन पाहणे
आपल्यापैकी बरेच जण आपला वेळ ऑनलाइन घालवतात. सतत मोबाईल, लॅपटाॅप आणि टॅबवर राहिल्याने आपल्या त्वचेवर याचा वाईट परिणाम होतो. यामुळे त्वचा लूज पडण्यास सुरूवात होते. तसेच यामुळे डोळ्यांखाली डाके सर्कल देखील होतात.
पुरेसे पाणी न पिल्यामुळे
आपले शरीर 60 टक्के पाण्याने बनलेले आहे आणि निरोगी जीवनशैली टिकवण्यासाठी ते खूप महत्वाचे आहे. पुरेसे पाणी न पिल्याने थकवा, बद्धकोष्ठता यासारख्या समस्या उद्भवू शकतात. डिहायड्रेशनमुळे बारीक रेषा आणि गडद वर्तुळांची समस्या वाढते. त्वचेला हायड्रेट ठेवण्यासाठी पुरेसे पाणी प्या. यामुळे त्वचा तरूण आणि चमकदार दिसेल.
जास्त साखर खाणे टाळा
त्वचेत कोलेजेन आणि इलेस्टिन या दोन मुख्य गोष्टी आहेत. ज्यामुळे त्वचा तंदुरुस्त राहण्यास मदत होते. एका अभ्यासानुसार, जास्त प्रमाणात साखर किंवा ग्लुकोजचे सेवन केल्याने कोलेजन आणि इलेस्टिन कमकुवत होते, ज्यामुळे त्वचेवर वृद्धत्वाची चिन्हे तयार होतात. यामुळे जास्त गोड पदार्थ खाणे टाळाच.
ताण आणि झोपेचा अभाव
आजच्या काळात बहुतेक लोक पुरेशी झोप घेत नाहीत. तसेच कामाच्या ताणामुळे सतत तणावाखाली राहतात. पुरेशी झोप न घेतल्याचा परिणाम आपल्या चेहऱ्यावर दिसून येतो. याशिवाय जास्त ताणामुळे, कॉर्टिसॉल हार्मोन सोडला जातो, ज्यामुळे आपली त्वचा अधिक तेलकट होते. यामुळे त्वचेवर मुरुम आणि बारीक पुरळ येतात.
सुरकुत्या
वयाआधी चेहऱ्यावर आलेल्या सुरकुत्या देखील वृद्धत्वाच्या समस्येचे चिन्ह आहे. काही लोक अनुवांशिकरित्या त्यास बळी पडू शकतात. या व्यतिरिक्त तंबाखूचे सेवन, सूर्यप्रकाशाचा अभाव, आहारविषयक सवयी आणि जास्त मद्यपान, हे देखील याला जबाबदार असू शकते.
संबंधित बातम्या :
Oily Skin | उन्हाळ्यात चेहरा तेलकट होतोय? ‘या’ गोष्टींचा वापर केल्यास सर्व समस्या होतील दूर!
Skin Care | त्वचेचेही असतात वेगवेगळे प्रकार, जाणून घ्या कोणता घरगुती स्क्रब ठरेल अधिक फायदेशीर!
Health care | सकाळी अनवाणी पायांनी गवतावर चालणे आरोग्यासाठी लाभदायी, वाचा याचे फायदे… https://t.co/xnbkgfB8Ea #HealthTips | #Barefoot | #HealthCare
— TV9 Marathi (@TV9Marathi) February 24, 2021
(Follow these tips to avoid the signs of aging)
