Beauty Tips: मान, कोपर आणि गुडघ्यांवरील काळपटपणा घालवायचाय?; ‘या’ 5 नैसर्गिक उपायांचा वापर कराच!
बहुतेक लोक आपल्या चेहऱ्याच्या त्वचेची काळजी घेतात. मात्र, हात आणि पायांच्या त्वचेकडे दुर्लक्ष करतात. यामुळे नेहमीच आपला चेहरा गोरा आणि हात-पाय काळे दिसतात. गोऱ्या चेहऱ्यासोबत काळवंडलेली मान, हात आणि पाय अतिशय वाईट दिसतात.
मुंबई : बहुतेक लोक आपल्या चेहऱ्याच्या त्वचेची काळजी घेतात. मात्र, हात आणि पायांच्या त्वचेकडे दुर्लक्ष करतात. यामुळे नेहमीच आपला चेहरा गोरा आणि हात-पाय काळे दिसतात. गोऱ्या चेहऱ्यासोबत काळवंडलेली मान, हात आणि पाय अतिशय वाईट दिसतात. पण, जर एकदा काळपटपणा आला तर तो लवकर जात नाही. जर तुमच्यासोबतही अशी कुठली समस्या असेल, तर ही समस्या दूर करण्यासाठी आम्ही तुम्हाला काही घरगुती उपाय सांगणार आहोत.(These 5 natural remedies will reduce the blackness of the neck, elbows and knees)
1. लिंबाचा रस नैसर्गिक ब्लीचिंग एजंट म्हणून काम करतो आणि मध त्वचेला हायड्रेटेड ठेवतो. एका भांड्यात लिंबाचा रस आणि मध समान प्रमाणात घ्या आणि ते चांगले मिसळा आणि कोपर, गुडघे किंवा जिथे काळेपणा असेल तिथे हलक्या हाताने मसाज करा. 15-20 मिनिटे सोडा आणि नंतर स्वच्छ पाण्याने धुवा. काही आठवड्यांनंतर हे पुन्हा करा, तुम्हाला मोठा फरक दिसेल.
2. बटाट्याचा रस त्वचेचा रंग हलका करण्यास मदत करतो आणि काळपटपणा दूर करतो. डार्क सर्कल काढण्यासाठी लोक बटाट्याचा रस वापरतात. परंतु आपण त्याचा वापर कोपर आणि गुडघ्यांचा काळसरपणा दूर करण्यासाठी देखील करू शकता. प्रभावित भागात लावा आणि 10-15 मिनिटे ठेवा. त्यानंतर स्वच्छ पाण्याने स्वच्छ धुवा.
3. नारळाचे तेल त्वचेचा टोन हलका करते. तुम्ही एक चमचा नारळाच्या तेलात लिंबाचे काही थेंब टाका आणि कोपर आणि गुडघ्यांची मालिश करा. यानंतर तेल तसेच राहूद्या. सुमारे 30 मिनिटांनंतर ते स्वच्छ करा. असे काही दिवस सतत केल्याने काळेपणाची समस्या बऱ्याच अंशी दूर होते.
4. एक चमचा ऑलिव्ह ऑईल आणि एक चमचा साखर यांच्या मदतीने स्क्रब तयार करा आणि हलक्या हाताने मसाज करा. ते 15 ते 20 मिनिटे सोडा. यानंतर पाण्याने स्वच्छ धुवा. साखर त्वचेवर जमा झालेल्या मृत पेशी काढून टाकण्याचे काम करते आणि ऑलिव्ह ऑईल त्वचेला आतून ओलावा प्रदान करते.
5. दहीमध्ये एक चमचा व्हिनेगर आणि बेसन मिसळून पेस्टप्रमाणे तयार करा. ही पेस्ट कोपर, गुडघे किंवा इतर प्रभावित भागात लावा. हलक्या हातांनी मालिश करा. 20 मिनिटांनंतर धुवा. असे रोज केल्याने काळेपणा कमी होण्याबरोबरच त्वचा खूप मऊ होईल.
टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)
संबंधित बातम्या :
Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!
Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..
Health care | सकाळी अनवाणी पायांनी गवतावर चालणे आरोग्यासाठी लाभदायी, वाचा याचे फायदे… https://t.co/xnbkgfB8Ea #HealthTips | #Barefoot | #HealthCare
— TV9 Marathi (@TV9Marathi) February 24, 2021
(These 5 natural remedies will reduce the blackness of the neck, elbows and knees)
