‘या’ खास ‘ब्युटी ट्रीटमेंट’ मुळे श्रुती हसनच्या त्वचेला आलीय कमालीची चमक.. तुम्हीही जाणून घ्या, आणि करून पहा हे सौदर्यं वाढविणारे उपाय!

श्रुती हसन ब्युटी टिप्स : दिवसभराची व्यस्त दिनचर्या आणि बराच वेळ चेहऱ्यावर मेकअप करूनही श्रुती हसनची त्वचा खूप चांगली आणि निरोगी दिसते. श्रुती सोशल मीडियावर खूप सक्रिय आहे आणि तिच्या नवीन लूकने तिच्या चाहत्यांचे लक्ष वेधून घेते.

‘या’ खास ‘ब्युटी ट्रीटमेंट’ मुळे श्रुती हसनच्या त्वचेला आलीय कमालीची चमक.. तुम्हीही जाणून घ्या, आणि करून पहा हे सौदर्यं वाढविणारे उपाय!
‘या’ खास ‘ब्युटी ट्रीटमेंट’ मुळे श्रुती हसनच्या त्वचेला आलीय कमालीची चमक
Image Credit source: TV9
टीव्ही 9 मराठी डिजीटल टीम

| Edited By: वैजंता गोगावले, टीव्ही 9 मराठी डिजीटल टीम

Jun 27, 2022 | 11:31 PM

श्रुती हसन (Shruti Hassan) हिंदी बरोबरच साऊथ चित्रपटातील लोकप्रिय अभिनेत्री आहे. दिवसभराची व्यस्त दिनचर्या आणि बराच वेळ चेहऱ्यावर मेकअप करूनही श्रुती हसनची त्वचा खूप चांगली, निरोगी आणि चमकदार दिसते. श्रुती सोशल मीडियावर खूप सक्रिय असून, तिने काही दिवसापूर्वी सोशल मिडीयावर शेअर केलेल्या तिच्या फोटोज आणि तिच्या नवीन लूकने तिच्या चाहत्यांचे लक्ष वेधून घेते. श्रुतीची त्वचा बघून असे वाटते की तिने खूप महागडे पदार्थ वापरले असावेत, पण तसे नाही. श्रुतीला त्वचा निरोगी आणि चमकदार बनवण्यासाठी अधिकाधिक नैसर्गिक गोष्टींचा वापर (Use of natural things) करायला आवडतो. याशिवाय ती एक खास प्रकारची स्किन ट्रीटमेंटही घेते. काही काळापूर्वी, तिने स्वतः खुलासा केला होता की ती त्वचा चांगली ठेवण्यासाठी प्रगत रेडिओ फ्रिक्वेन्सी उपचार (radio frequency treatment) घेते. तुम्हाला माहित आहे का, काय आहे ही, अॅडव्हान्स रेडिओ फ्रिक्वेन्सी ट्रीटमेंट आणि त्याचे परिणाम.

अॅडव्हान्स रेडिओ फ्रिक्वेन्सी ट्रीटमेंट

अॅडव्हान्स रेडिओ फ्रिक्वेन्सी ट्रीटमेंटमुळे चेहरा आतून निरोगी होण्यास मदत होते. यामध्ये, नियंत्रित तापमानात त्वचेच्या थरांमध्ये खोलवर प्रवेश करताना ऊतक गरम केले जाते. हे कोलेजन, इलास्टिन आणि ग्राउंड पदार्थ सक्रिय करण्यास मदत करते. या ट्रीटमेंटद्वारे बारीक रेषा, खडबडीत त्वचा, सैल त्वचा, मुरुमांचे डाग, उघडे छिद्र इत्यादी समस्या बर्‍याच प्रमाणात बरे होऊ शकतात. अॅडव्हान्स रेडिओ फ्रिक्वेन्सी ट्रीटमेंट केल्यानंतर चेहऱ्यावरील ताजेपणा वाढतो आणि जबरदस्त ग्लो दिसून येतो.

या नैसर्गिक गोष्टींचाही वापर करा

एका मुलाखतीदरम्यान श्रुतीने सांगितले होते की, तिला त्वचेवर अधिकाधिक नैसर्गिक गोष्टी वापरायला आवडतात. फेस स्क्रब म्हणून ती चेहऱ्यावर बेकिंग सोडा आणि खोबरेल तेल लावते. बेकिंग सोडा प्रत्येकाच्या त्वचेला शोभत नसला तरी यासाठी तुम्ही एखाद्या तज्ज्ञाशी बोला, त्यानंतरच तुम्ही त्याचा वापर करा. याशिवाय ती रोज नैसर्गिक फेस मास्क वापरते. कधीकधी ती चारकोल फेस मास्क देखील लावते.

टॅनिंग काढण्यासाठी नारळाचे

त्वचेची टॅनिंग दूर करण्यासाठी श्रुती फक्त नारळाचे तेल वापरत नाही तर बटाट्याचा रस आणि गुलाबपाणी देखील वापरते. श्रुती रोज बाहेरून आल्यावर आधी मेकअप काढते. जेणेकरून झोपण्यापूर्वी तिची त्वचा अतिशय स्वच्छ राहते. यामुळे श्रुतीची त्वचा नेहमी अतिशय निरोगी आणि चमकदार राहते. श्रुती त्वचेसाठी लिंबाचा वापरही करत असल्याचे तिने सांगीतले. लिंबाचा वापर, त्वचेवरील डाग दूर करण्यासाठी केला जातो. लिंबू व्हिटॅमिन-सी ने समृद्ध असून, ते त्वचेवरील घान काढून टाकते आणि त्वचेला उजळ करण्यास प्रभावी ठरते.

हे सुद्धा वाचा


Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें