Healthy Cooking Oil | जेवणासाठी कोणते खाद्य तेल सुरक्षित? वाचा खाद्यतेलांचे फायदे-तोटे

मुंबई : बहुतेक लोक स्वयंपाकात खूप तेल वापरतात. आपण जेवण बनवताना कोणत्या प्रकारचे तेल वापरतो यावर आपले आरोग्य बर्‍याच प्रमाणात अवलंबून असते. केवळ तेलाचे वाणच नाही, तर त्याचे प्रमाण आणि वापरण्याच्या पद्धतीचा देखील आरोग्यावर मोठा परिणाम होतो (Benefits and side effects of Cooking oil).

मोहरीच्या तेलाव्यतिरिक्त शेंगदाणा तेल, ऑलिव्ह ऑईल आणि खोबरेल तेल अशी बरीच तेलं स्वयंपाकात वापरली जातात. तथापि, या सर्व तेलांमध्ये भिन्न गुणधर्म आहेत. बिग बुक ऑफ हेल्दी कुकिंग ऑईलची लेखिका लिसा हॉवर्ड यांनी टाईम वेबसाईटशी बोलताना कोणते खाद्यतेल आरोग्यासाठी चांगले आहे आणि कोणते वाईट यावर चर्चा केली. चला तर या तेलांबद्द्ल जाणून घेऊया…

ऑलिव्ह ऑईल

कुकिंग एक्स्पर्ट स्वयंपाकासाठी ऑलिव्ह ऑईल सर्वात निरोगी मानतात. विशेषत: अतिरिक्त व्हर्जिन ऑलिव्ह ऑईलमध्ये ते शिजवलेले अन्न सर्वात चांगले आहे, कारण ते पूर्णपणे शुद्ध असते. अतिरिक्त व्हर्जिन ऑलिव्ह ऑईलवर प्रक्रिया आणि शुद्धीकरण केले जात नाही. ज्यामुळे त्याची गुणवत्ता खूप चांगली आहे. यात मोनोअनसॅच्युरेटेड फॅटची मात्रा आणि पॉलिअनसॅच्युरेटेड फॅटी अॅसिडसची मात्रा चांगली असते, जे हृदयासाठी चांगले असतात.

खोबरेल तेल

नारळ तेल अर्थात खोबरेल तेलात हाय सॅच्युरेटेड फॅटची मात्र अधिक असते. म्हणून या तेलाच्या वापराबद्दल भिन्न मते आहेत. सॅच्युरेटेड फॅट आरोग्यासाठी चांगले नसते, परंतु काही तज्ज्ञांच्या मते यात निरोगी पदार्थ शिजवून खाल्ल्यास कोलेस्ट्रॉलचे प्रमाण कमी करता येते. कुकिंग एक्स्पर्ट लिज वेनंडी म्हणतात, ‘आपल्या शरीरालाही काही प्रमाणात संतृप्त चरबीची आवश्यकता असते. म्हणून त्याचा वापर कमी प्रमाणात केला जाऊ शकतो.’(Benefits and side effects of Cooking oil)

सूर्यफूल तेल

सूर्यफूल तेलामध्ये व्हिटामिन ई जास्त प्रमाणात आढळते. एक चमचे सूर्यफूल तेलामध्ये 28 टक्के व्हिटामिन ई असते. त्याला चव नाही, म्हणून या तेलात शिजवलेल्या अन्नाला तेलाची चव येत नाही. या तेलात ओमेगा-6 फॅटी अॅसिड असतात. ओमेगा-6 फॅटी अॅसिडस् शरीरासाठी आवश्यक आहेत, परंतु अत्यधिक वापरामुळे शरीरात जळजळ होऊ शकते.

व्हेजिटेबल तेल

व्हेजिटेबल तेल वनस्पतीद्वारे मिळवले जाते. या तेलाचा फायदा त्यात कोणत्या प्रकारचे पदार्थ शिजवले जातात त्यावर अवलंबून आहे. हॉवर्ड यांच्या मते, व्हेजिटेबल तेलावर प्रक्रिया केली जाते आणि त्यास परिष्कृत केले जाते ज्यामुळे त्याची चव आणि पोषण कमी आहे. हे तेल शरीरातील चांगले आणि वाईट कोलेस्टेरॉल दरम्यान संतुलन राखते, परंतु जास्त प्रमाणात सेवन केल्याने शरीराला हानी पोहोचते.

शेंगदाणा तेल

शेंगदाणा तेलातील आहार आरोग्यासाठी फायदेशीर आहे. त्याची चवही चांगली आहे. शेंगदाणा तेलाचे बरेच प्रकार आहेत. यात मोनोअनसॅच्युरेटेड फॅट भरपूर प्रमाणात आहे. चवीबरोबरच त्याचा सुगंधही चांगली आहे.

(Benefits and side effects of Cooking oil)

हेही वाचा :

Lemon Tea | कडाक्याच्या थंडीत हंगामी आजारांपासून बचाव करेल ‘लेमन टी’, वाचा याचे फायदे…#LemonTea | #lemon | #Health | #goodfood https://t.co/ErCqelvmhn

— TV9 Marathi (@TV9Marathi) January 15, 2021