उन्हाळ्यामध्ये ‘या’ टिप्स फाॅलो करा, चेहऱ्यावर येईल ग्लो

मुंबई : हिवाळा संपत आला असून आता उन्हाळ्याची चाहूल लागली आहे. उन्हाळ्यासाठी केवळ पोशाख बदलून चालणार नाही तर त्वचेची देखभालीकरिता दिनचऱ्या देखील बदलणे तितकेच गरजेचे आहे. हिवाळ्यातील त्वचेची देखभाल घेण्याची पध्दत आणि उन्हाळ्यातील त्वचेची देखभाल करण्याची पद्धत भिन्न आहे. वाढत्या तापमानाचा परिणाम त्वचेवर होत असून तेलकट टी झोन, पुरळ, मुरुम आणि ब्रेकआउट्सची शक्यता असते. (Follow these tips in summer, glow will come on your face)

त्वचा कोरडी होऊ न देता त्वचेच्या स्वच्छतेकडे लक्ष द्या. कोरफड, काकडी, चारकोल क्लीन्झरचा वापर करा. चांगल्या दर्जाच्या व्हिटॅमिन सी सेरमचा वापर करा जे आपल्या त्वचेला फ्री रॅडिकल्सपासून संरक्षण देतात किंवा त्वचेला संतुलित ठेवण्यात नक्की मदत करतील तसेच आपण कॉफी सीरमची निवड देखील करू शकता. आज आम्ही तुम्हाला सांगणार आहोत उन्हाळ्यात त्वचेची काळजी नेमकी कशी घ्यावी याबद्दल काही काही टिप्स…

-उन्हाळ्यात त्वचेला थंडावा देण्यासाठी आणि त्वचा काळवंडण्याची समस्या रोखण्यासाठी कच्च्या बटाट्याचे फेस पॅक खूप फायदेशीर आहे. हे फेस पॅक इतके प्रभावी आहे की आपण महागड्या क्रीमचा उपयोगही करणार नाही. आठवड्यातून केवळ एकदा हा उपाय करावा. दोन चमचे बटाट्याचा किस, एक चमचा चंदन पावडर, एक चमचा गुलाब पाणी. तिन्ही सामग्री एकत्र मिक्स करून फेस पॅक तयार करा. 30 ते 35 मिनिटे हे मिश्रण आपल्या चेहऱ्यावर लावा. हवे असल्यास आपण हे पॅक मान व खांद्यांवरही लावू शकता.

-जर आपल्याला चेहऱ्यावरील डाग काढून टाकायचे असतील, तर 1 चमचा चंदन पावडरमध्ये 2 चमचे दूध घालून पेस्ट बनवा. आता त्यात एक चमचा बदाम पावडर मिक्स करा. या तिन्ही घटकांना चांगले मिसळा आणि ही पेस्ट आपल्या चेहऱ्यावर लावा. कोरडी झाल्यानंतर चेहरा पाण्याने धुवा. यामुळे तुमची त्वचा चमकदार होईल व मुरुमांपासून मुक्तता मिळेल

-आपल्या चेहऱ्याला आणखी त्वचेला चमकदार बनवण्यासाठी आणि मुरुमांपासून कायमची मुक्तता मिळवण्यासाठी आपण 5 ग्रॅम चंदनमध्ये 2 ग्रॅम कापूर मिसळू शकता. आता त्यात एक चमचा गुलाब पाणी घाला आणि जाड पेस्ट बनवा. आता ही पेस्ट फेस पॅक प्रमाणे आपल्या चेहर्‍यावर लावा आणि 15 मिनिटे तशीच राहू द्या. पेस्ट पूर्णपणे कोरडी झाल्यानंतर, आपण आपला चेहरा साध्या पाण्याने धुवावा.

संबंधित बातम्या : 

Fitness Tips | वजन कमी करायचंय? ‘हा’ डाएट प्लॅन फॉलो करा नि लठ्ठपणापासून सुटका मिळवा!https://t.co/0poynwll2i#WeightLoss #Diet #Food

— TV9 Marathi (@TV9Marathi) December 23, 2020

(Follow these tips in summer, glow will come on your face)