घरच्या घरी शेवग्याच्या शेंगांपासून बनवा लोणचे, झटपट जाणून घ्या रेसिपी

शेवग्याची शेंग आरोग्यासाठी अत्यंत फायदेशीर आहे. लहान मुलांपासून मोठ्या माणसांपर्यंत सर्वांसाठी शेवग्याची शेंग अत्यंत लाभदायक आहे. शेवग्याची शेंग हाडांची मजबूती, मधुमेह नियंत्रण, पचन सुधारणे, रोगप्रतिकारशक्ती वाढवणे आणि यकृत/मूत्रपिंड शुद्ध करण्यासाठीअ त्यंत फायदेशीर आहे. अनेक जण त्यांच्या आहाराच शेवग्याच्या शेंगाचा समावेश करतात. पण फार कमी लोकांना माहिती आहे की, आंबा किंवा लिंबाप्रमाणेच शेवग्याच्या शेंगांपासून लोणचे बनवता येते. अनेक औषधी गुणधर्म असलेल्या शेवग्याच्या शेंगांचा लोणच्याच्या स्वरूपात वापर केल्याने पचनक्रिया सुधारते आणि रोगप्रतिकारशक्ती वाढते. शेवग्याच्या शेंगांचे लोणचे कसे बनवायचे असा प्रश्न तुम्हाला पडला असेल. तर शेवग्याच्या शेंगांपासून लोणचे बनवण्याची रेसिपी फार सोपी आहे.

लोणच्याचे अनेक प्रकार आहेत. पण तुम्ही शेवग्याचे लोणचे बनवू शकता का? शेवगा ही केवळ एक भाजी नाही, तर ते एक सुपर फूडसुद्धा आहे. आपण सहसा सांबार आणि आमटीमध्ये शेवग्याचा वापर करतो. पण आंबा किंवा लिंबाप्रमाणेच, तुम्ही शेवग्याचे स्वादिष्ट लोणचेसुद्धा बनवू शकता. तर जाणून घ्या अगदी सोप्या आणि स्वादिष्ट पद्धतीने शेवग्याच्या शेंगांपासून लोणचे तयार करण्याची रेसिपी….

शेवग्याच्या शेंगापासून लोणचे बनवण्यासाठी लागणारे साहित्य

शेवग्याच्या शेंगा

मोहरीची पावडर – 3 चमचे

लाल मिरची पावडर – 2 चमचे

हळद पावडर – 1/2 चमचा

मेथी – 1 चमचा

बडीशेप – 1/2 चमचा

कायम – 2 चिमटे

व्हिनेगर – 1 चमचा

तेल, मीठ – आवश्यकतेनुसार

शेवग्याच्या फोडी पाण्यात 5 मिनिटे उकळून पाणी काढून टाका. नंतर, एका काचेच्या बरणीत मोहरीची पूड आणि मीठ घालून, त्यात शेवगा कोमट पाण्यात ठेवा आणि 3 दिवसांसाठी बंद करून ठेवा. तीन दिवसांनी, जेव्हा लोणचे आंबट होईल, तेव्हा फोडी बाहेर काढून, धुवून 3-4 तास उन्हात वाळवा.

त्यानंतर एका कढईत तेल गरम करा, त्यात भाज्या घाला आणि गॅस बंद करा. तेल थंड झाल्यावर त्यात मोहरी, मेथी, हळद आणि इतर मसाले घालून एकत्र करा. त्यात सुक्या शेवग्याच्या शेंगांचे तुकडे, व्हिनेगर आणि चवीनुसार मीठ घालून चांगले मिसळा. तयार झालेले लोणचे वापरण्यापूर्वी 2 – 3 दिवस काचेच्या बरणीत साठवून ठेवता येते. हे भात किंवा चपातीसोबत खायला खूप चविष्ट लागते.