फ्रिजवर या वस्तू कधीही ठेवू नयेत; अन्यथा होऊ शकतं मोठं आर्थिक नुकसान

घरातील वस्तूंची, उपकरणांची काळजी घेणे फार महत्त्वाचे असते. जसं की,  पंखा, एसी, फ्रिज किंवा अजून कोणत्या इलेक्ट्रॉनिक वस्तू. त्यांची वेळोवेळी सर्व्हिसिंग होणे देखील गरजेचे आहे. पण कधी कधी आपल्या चुकांमुळे देखील या वस्तू लवकर खराब होतात. आपणही काही गोष्टींची काळजी घेतली पाहिजे जेणेकरून आपल्या घरातील इेक्ट्ऱॉनिक्स उपकरणे खराब होणार नाहीत. जसं की फ्रिज. आपल्या काही सवयींमुळे फ्रिज लवकर खराब होऊ शकतो.

आपल्या स्वतःच्या चुकांमुळे रेफ्रिजरेटर अनेकदा खराब होतो

उन्हाळ्यात थंड पाण्यापासून ते फळे आणि भाज्या साठवण्यापर्यंत, आपल्याला नेहमीच आपल्या रेफ्रिजरेटरची आठवण येते. आपल्या स्वतःच्या चुकांमुळे रेफ्रिजरेटर अनेकदा खराब होतो. आणि तो खराब झाला की तो दुरुस्त करण्यासाठी खूप खर्च येतो आणि एकदा तो खराब झाला की, तो वारंवार खराब होतच राहतो.

रेफ्रिजरेटर साठवलेल्या वस्तू

पण तुम्ही कधी विचार केला आहे का की तुमचा रेफ्रिजरेटर सतत का खराब होत राहतो? रेफ्रिजरेटर खराब होण्याची अनेक कारणे आहेत. यापैकी एक कारण म्हणजे त्यावर साठवलेल्या वस्तू. लोक अनेकदा सजावटीच्या आणि दैनंदिन वापराच्या वस्तू त्यांच्या रेफ्रिजरेटरच्या वर ठेवतात, परंतु त्यांना हे कळत नाही की यामुळे त्याचे नुकसान होऊ शकते. जर तुमचा रेफ्रिजरेटर वारंवार खराब होत असेल, तर या चुका करणे टाळलं पाहिजे. चला जाणून घेऊयात की कोणत्या वस्तू फ्रिजच्यावर ठेवणे टाळले पाहिजे.

चुकूनही फ्रिजवर या वस्तू ठेवू नका

पॉट किंवा प्लांटर – लोक अनेकदा त्यांच्या रेफ्रिजरेटरवर सजावट करण्यासाठी पॉट किंवा प्लांटर ठेवतात. जेणेकरून ते रिकामे दिसणार नाहीत. तथापि, वर जड वस्तू ठेवल्याने रेफ्रिजरेटर खराब होऊ शकतो आणि दुरुस्तीची देखील आवश्यकता भासू शकतो.

मायक्रोवेव्ह किंवा ओव्हन – आपण अनेकदा कमी वापरात असलेले मायक्रोवेव्ह ओव्हन रेफ्रिजरेटरच्या वर ठेवून देतो. तथापि, असे केल्याने तुमच्या रेफ्रिजरेटरचे आयुष्य कमी होऊ शकते कारण निर्माण होणारी उष्णता त्याच्या थंड होण्यावर परिणाम करते आणि त्याचे नुकसान होऊ शकते.

विद्युत उपकरणे – रेफ्रिजरेटरच्या वर लहान विद्युत उपकरणे ठेवल्याने शॉर्ट सर्किट होण्याचा धोका असतो. आणि सुरक्षिततेला धोका निर्माण होऊ शकतो. म्हणून, आपण या बाबतीत अत्यंत सावधगिरी बाळगली पाहिजे.

प्लास्टिक किंवा कापडी कव्हर – बहुतेक लोक त्यांच्या रेफ्रिजरेटरला झाकण्यासाठी त्यावर प्लास्टिक किंवा कापडी कव्हर ठेवतात. तथापि, यामुळे रेफ्रिजरेटरमधून निघणारी उष्णतेला यामुळे अडथळा निर्माण होतो. उष्णता बाहेर पडण्यापासून रोखली जाते. ज्यामुळे रेफ्रिजरेटर जास्त गरम होतो आणि नुकसान होण्याचा धोका वाढतो.

गरम अन्न किंवा डबे – बरेच लोक गरम अन्नाचे डबे जसे किंवा एखादा गरम भाजीचा टोप वैगरे नकळत फ्रिजवर ठेवून देतात. किंवा थेट रेफ्रिजरेटरमध्ये ठेवतात. याचा रेफ्रिजरेटरच्या कूलिंग कॉइलवर परिणाम होतो, ज्यामुळे रेफ्रिजरेटर लवकर खराब होतो.