फक्त ओठांसाठीच नाही… सर्दी आणि खोकल्यासाठीही व्हॅसलीन आहे उपयुक्त, जाणून घ्या ‘हे’ 5 सर्वोत्तम उपयोग

हिवाळा सुरू झाला की प्रत्येकाच्या घरात व्हॅसलीन सहज सापडते. कारण थंडीच्या दिवसात वातावरणातील हवेत आर्द्रता कमी असते, ज्यामुळे त्वचा कोरडी आणि निर्जीव होते. ज्यामुळे ओठ तडकतात, पायांच्या टाचांना तडे जाणे आणि नाकाभोवतीची त्वचा देखील कोरडी पडते. व्हॅसलीन ज्याला पेट्रोलियम जेली असेही म्हणतात ते या सर्व समस्यांवर रामबाण उपाय आहे. व्हॅसलीन केवळ त्वचा मऊ करण्यास मदत करत नाही तर अनेक समस्यांपासून आराम देखील देते.

आपल्यापैकी अनेकजण फक्त ओठांवर व्हॅसलीन वापरतात, परंतु हे तुम्हाला कदाचित माहित नसेल की व्हॅसलीनचा वापर इतर समस्या दूर करण्यासाठी देखील केला जातो. आजच्या लेखात आपण व्हॅसलीनचे असे पाच उपयोग जाणून घेणार आहोत जे हिवाळ्यात खूप उपयुक्त ठरू शकतात.

कोरड्या ओठांसाठी नैसर्गिक मॉइश्चरायझर

हिवाळ्यात फाटलेले ओठांची समस्या सामान्य आहे. पण ते खूप वेदनादायक असू शकतात. कधीकधी ओठ इतके तडकू शकतात की त्यातून रक्तही येऊ शकते. व्हॅसलीन हा आराम मिळवण्यासाठी सर्वोत्तम उपाय आहे. ते ओठांवर एक संरक्षक थर तयार करते, ज्यामुळे ओठांवर ओलावा टिकून राहण्यास मदत होते.

सर्दीमुळे नाक बंद झाल्यास ही पद्धत वापरा

थंडीच्या दिवसात जेव्हा तुम्हाला सर्दी होते तेव्हा तुमचे नाक सारखे गळत राहते. यामुळे तुमच्या नाकाभोवतीची त्वचा कोरडी आणि लाल होऊ शकते. प्रभावित भागात व्हॅसलीन लावल्याने त्वचा मऊ होण्यास मदत होईल. पर्यायी व्हॅसलीन थोडे गरम करून त्याचा वास घेतल्याने देखील सर्दीपासून आराम मिळू शकतो.

भेगा पडलेल्या टाचांवर रामबाण उपाय

हिवाळ्यात टाचांना भेगा पडणे सामान्य आहे. मात्र जर त्यावर वेळीच उपचार केले नाहीत तर ते खूप वेदनादायक होऊ शकतात. या समस्येवर उपचार करण्यासाठी तुम्ही व्हॅसलीन वापरू शकता. झोपण्यापूर्वी तुमच्या टाचांना व्हॅसलीन लावा आणि मोजे घाला. काही दिवसांतच तुमच्या टाचा मऊ होतील.

परफ्यूम जास्त वेळ टिकवण्यासाठी व्हॅसलीन करते मदत

व्हॅसलीन केवळ त्वचेला मॉइश्चरायझ करत नाही तर परफ्यूम जास्त वेळ टिकवण्यास देखील मदत करते. परफ्यूम लावण्यापूर्वी तुमच्या मनगटांवर, मानेवर आणि कानांच्या मागे थोड्या प्रमाणात व्हॅसलीन लावा. त्याचा गुळगुळीत थर सुगंध टिकवून ठेवतो, ज्यामुळे परफ्यूमचा वास तासंतास टिकतो.

आयब्रो सेट करण्यासाठी नैसर्गिक जेल म्हणून व्हॅसलीनचा उपयोग

मेकअपमध्येही व्हॅसलीन खूप उपयुक्त आहे. जर तुमच्याकडे आयब्रो जेल नसेल तर तुम्ही व्हॅसलीन वापरू शकता. ब्रशने थोडेसे व्हॅसलीन घ्या आणि ते तुमच्या आयब्रोवर लावा. यामुळे आयब्रो केस सेट होण्यास मदत होते आणि तुमच्या आयब्रोला तीक्ष्ण, स्वच्छ लूक मिळतो.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)