उन्हाळ्यात बडीशेपचे पाणी पिणं फायदेशीर कि चावून खाणं अधिक चांगलं? जाणून घ्या

भारतीय स्वयंपाकघरात तुम्हाला अनेक प्रकारचे मसाले मिळतील. त्यापैकी एक म्हणजे बडीशेप. बडीशेपच्या बाबतीत हे अगदी खरे आहे की ती दिसायला लहान असली तरी त्याचे अनेक फायदे आहेत. अन्नाची चव वाढवण्यासाठी, आरोग्यासाठी आणि माउथ फ्रेशनर म्हणून याचा मोठ्या प्रमाणात वापर केला जातो. बडीशेप हा आपल्या सर्व सामान्यांसाठी एक मसाला असू शकतो पण आयुर्वेदानुसार त्याचे अनेक फायदे आहेत. ते तुमच्या आरोग्यासाठी औषधासारखे काम करते.

बडीशेपचे सेवन तसेच सर्वाधिक वापर करत असलेले लोकं अनेकदा गोंधळलेले असतात की त्यांनी बडीशेपचे पाणी प्यावे की ते चावून खावे? दोघांपैकी कोणते आरोग्यासाठी जास्त फायदेशीर ठरेल? या सर्व प्रश्नांची उत्तरे आपण या लेखाद्वारे जाणून घेणार आहोत. त्याआधी आपण त्याचे गुणधर्म काय आहेत ते जाणून घेऊ.

बडीशेपमध्ये आढळणारे पोषक घटक

बडीशेप हे पोषक तत्वांचे एक पॉवरहाउस आहे. त्यात व्हिटॅमिन सी, व्हिटॅमिन ए, व्हिटॅमिन ई, व्हिटॅमिन के, फोलेट, नियासिन, रिबोफ्लेविन असे विविध गुणधर्म असतात. ज्यांना पचन, बद्धकोष्ठता किंवा पोटाशी संबंधित समस्या आहेत ते याचे सेवन करू शकतात. अनेक संशोधनातून असे दिसून आले आहे की बडीशेपमध्ये थंडावा देणारा प्रभाव आहे, म्हणून काहीजण हे रिकाम्या पोटी किंवा जेवल्यानंतर माउथ फ्रेशनर म्हणून घेतात. सर्वप्रथम हे समजून घेणे महत्त्वाचे आहे की तुम्ही बडीशेप कशीही खाल्ली तरी ती तुम्हाला फक्त फायदेशीरच ठरेल. कारण त्याचे कोणतेही दुष्परिणाम नाहीत परंतु काही आजारांमध्ये ते खाण्यास मनाई आहे.

भिजवलेल्या बडीशेपमध्ये जास्त पोषक तत्वे असतात का?

बडीशेप चावल्याने अ‍ॅनेथोल तयार होते जे केवळ आपल्या पचनासाठी चांगले नसते तर तोंडाच्या दुर्गंधीपासून देखील आराम मिळतो. तर जेव्हा तुम्ही बडीशेप रात्रभर पाण्यात भिजत ठेवता. मग त्यात असलेले पोषक तत्व पाण्यात योग्यरित्या सोडले जातात आणि ते पाण्यात विरघळतात. ज्यामुळे त्यात अँटीऑक्सिडंट्स आणि लोहाचे गुणधर्म देखील वाढतात. फूड केमिस्ट्रीमध्ये प्रकाशित झालेल्या एका अहवालानुसार, भिजवलेल्या बडीशेपमध्ये कच्च्या बडीशेपपेक्षा जास्त पोटॅशियम, लोह आणि फ्लेव्होनॉइड्स असतात.

बडीशेप चावण्यापेक्षा पाणी पिल्याने वजन लवकर कमी होते

जर तुम्हाला बडीशेप जास्त खाण्याची सवय असेल तर बडीशेप चावण्याऐवजी त्याचे पाणी प्या. यामुळे जास्त खाण्याच्या समस्येपासून बऱ्याच प्रमाणात आराम मिळू शकतो. जेव्हा बडीशेप पाण्यात चांगली विरघळली जाते तेव्हा त्यात आढळणारे पोषक तत्व भूकेचे संप्रेरक नियंत्रित करण्यास मदत करतात. तसेच चावून खाल्ल्याने तुमचा श्वास ताजा राहतो पण त्याचा फारसा फायदा होत नाही.

त्वचा आणि शरीर डिटॉक्सिफाय करते

बडीशेपमध्ये अनेक पोषक घटक असतात जे तुमची त्वचा आणि शरीर डिटॉक्स करण्याचे काम करतात. बडीशेप चावून खाल्ल्याने आपल्याला भरपूर अँटीऑक्सिडंट्स मिळतात. सर्वांनाच बडीशेप चावणे आवडत नाही. दुसरीकडे, बडीशेपचे पाणी पचन्यास हलके असते. त्यात लिंबू आणि पुदिना टाकून तुम्ही ते आरामात या पाण्याचे सेवन करू शकता. कारण त्याची चवही चांगली असते. जर तुम्ही पाहिले तर, बडीशेप खाणे किंवा त्याचे पाणी पिणे… दोन्हीचे स्वतःचे फायदे आहेत. आरोग्य तज्ञांच्या सल्ल्याने तुम्ही सेवनाची पद्धत निवडू शकता.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)