Maharashtra News LIVE : ज्यांनी आमचा बाप काढला, आम्ही त्यांचा..; गोकुळ गीतेंच्या विजयानंतर नाशिकमध्ये बॅनरबाजी
Maharashtra News LIVE Updates: नाशिकच्या भोंदू अशोक खरात प्रकरणात 20 मार्च 2026 पासून 11 गुन्ह्यांचा एसआयटीमार्फत तपास सुरू आहे. 18 मार्चपासून खरात विविध गुन्ह्यांत पोलिस कोठडी आणि न्यायालयीन कोठडीत आहे.
LIVE NEWS & UPDATES
-
गोकुळ गीते यांच्या विजयानंतर नाशिकमध्ये कार्यकर्त्यांकडून बॅनरबाजी
गोकुळ गीते यांच्या विजयानंतर नाशिकमध्ये कार्यकर्त्यांकडून बॅनरबाजी करण्यात आली. या बॅनरवर ‘ज्यांनी आमचा बाप काढला, आम्ही त्यांचा बाप पाडला’ असा आशय आहे. विधान परिषदेच्या निवडणुकीत अपक्ष उमेदवार गोकुळ गीते यांच्या वडिलांबाबत वक्तव्य केल्याने त्यांनी उमेदवारी अर्ज कायम ठेवला होता. निवडणुकीतील विजयानंतर गोकुळ गीते यांचे बॅनर चर्चेत आले आहेत.
-
नाशिकमध्ये भोंदू अशोक खरात याच्याविरुद्ध खटल्याला आजपासून सुरुवात
नाशिकमध्ये भोंदू अशोक खरात याच्याविरुद्ध खटल्याला आजपासून सुरुवात होणार आहे. नाशिक शहरात नोंद असलेल्या अत्याचारांच्या गुन्ह्याच्या खटल्याला सुरुवात होणार आहे. नाशिक सत्र न्यायालयात ही सुनावणी होणार असून सरकारने विशेष सरकारी वकील उज्ज्वल निकम यांची नियुक्ती केली आहे. उज्ज्वल निकम यांच्यासोबतच अहिल्यानगरचे वकील परिमल फळे यांची सहायक विशेष सरकारी वकील म्हणून नियुक्ती करण्यात आली आहे. खरात प्रकरणात 20 मार्चपासून 11 गुन्ह्यांचा एसआयटीमार्फत तपास सुरू आहे.
-
-
नागपुरात चौदा वर्षीय मुलीचा बालविवाह प्रशासनाने वेळेत हस्तक्षेप करून रोखला
नागपुरात जयताळा परिसरात सुरू असलेला चौदा वर्षीय मुलीचा बालविवाह प्रशासनाने वेळेत हस्तक्षेप करून रोखला. चाइल्डलाइनच्या हेल्पलाइनवर मिळालेल्या माहितीमुळे कारवाई झाली. हळदीचा कार्यक्रम पार पडला होता, तर लग्नाची तयारी अंतिम टप्प्यात होती. महिला व बाल विकास विभाग, जिल्हा बाल संरक्षण कक्ष, चाइल्डलाइन आणि प्रतापनगर पोलिसांचं पथक घटनास्थळी पोहोचलं. कागदपत्रांच्या पडताळणीत मुलगी अल्पवयीन असल्याचं स्पष्ट झालं. समुपदेशनानंतर दोन्ही कुटुंबांनी विवाह थांबविण्यास सहमती दर्शविली.
-
नागपूरच्या न्यूरॉन रुग्णालयात डॉ. ईश्वरचंद्र चांदेवार यांचा संशयास्पद मृत्यू
नागपूरच्या प्रसिद्ध न्यूरॉन रुग्णालयात डॉ. ईश्वरचंद्र चांदेवार यांचा त्यांच्या कक्षातच संशयास्पद स्थितीत मृतदेह आढळून आला. मृत डॉक्टरच्या कक्षात काही इंजेक्शन आढळल्याने इंजेक्शनचा ओव्हरडोज झाल्यामुळे मृत्यू झाल्याचा संशय व्यक्त केला जात आहे. डॉ. चांदेकर आयुर्वेदिक डॉक्टर होते आणि ते न्यूरॉन हॉस्पिटलमध्ये वैद्यकीय अधिकारी म्हणून कार्यरत होते. काल सकाळी त्यांनी रुग्णालयातील नियमित कामं आटोपल्यानंतर त्यांच्या कक्षात विश्रांतीसाठी गेले. बराच वेळ त्यांनी दार न उघडल्यामुळे सहकाऱ्यांनी पोलिसांना सूचना दिली. पोलिसांनी दार उघडल्यावर डॉ. चांदेवार बेशुद्धावस्थेत आढळले. त्यांची तपासणी केल्यावर त्यांचा मृत्यू झाल्याचं स्पष्ट झालं.
-
मातोश्रीबाहेर मंत्री नितेश राणे यांच्या वाढदिवसाचे बॅनर
मातोश्रीबाहेर मंत्री नितेश राणे यांच्या वाढदिवसाचे बॅनर लावण्यात आले आहेत. या बॅनरवर हिंदू गब्बरचा उल्लेख करण्यात आला आहे. उद्धव ठाकरे यांना डिवचणारे हे बॅनर लागले आहेत. मयूर बागोरिया यांच्या वतीने हे बॅनर लावण्यात आले आहेत. या बॅनरमध्ये भाजपच्या अनेक नेत्यांचे फोटो दिसत आहेत.
-
-
मुंबईत पावसाची दमदार हजेरी
मुंबईत पावसाने दमदार हजेरी लावली असून ढगाळ वातावरणानंतर सरी बरसल्या आहेत. यामुळे उकाड्यापासून नागरिकांना दिलासा मिळाला आहे. काळ्या ढगांच्या गर्दीनंतर दादरमध्ये पावसाचं आगमन झालं आहे. मुंबईतील अनेक भागात पावसाच्या सरी बरसत आहेत.
-
ओमराजे निंबाळकरांच्या शिवसेनेतील प्रवेशानंतर धाराशिव जिल्ह्यात ठाकरे शिवसेनेची पुनर्बांधणी
धाराशिव जिल्ह्यात खासदार ओमराजे निंबाळकर यांनी शिवसेनेत प्रवेश केल्यानंतर ठाकरे शिवसेनेच्या संघटनात्मक पुनर्बांधणीला वेग आला आहे. येत्या 26 जून रोजी उद्धव ठाकरे यांचा धाराशिव दौरा नियोजित असून त्याच्या पार्श्वभूमीवर जिल्हाभरात पक्ष पदाधिकारी आणि कार्यकर्त्यांच्या बैठकींचं आयोजन करण्यात आलं आहे.
-
विधान परिषदेच्या स्थानिक प्राधिकारी मतदारसंघांच्या 17 पैकी 16 जागा जिंकून महायुतीने मोठं यश संपादन केलं. महाविकास आघाडीला भोपळाही फोडता आला नाही. नाशिकमध्ये मात्र भाजप बंडखोराने शिंदे गटाच्या अधिकृत उमेदवाराचा पराभव केल्याने एकनाथ शिंदे यांच्या शिवसेनेला धक्का बसला आहे. भाजप आणि राष्ट्रवादी अजित पवार गटाच्या नगरसेवकांंनी विरोधात मतदान केल्यानेच शिंदे गटाच्या उमेदवाराचा पराभव झाल्याचा आरोप करण्यात येत आहे. अपेक्षेप्रमाणे महायुतीने घवघवीत यश मिळवलं असलं तरी नाशिकच्या निकालाने महायुतीतील संघर्ष समोर आला आहे. तर दुसरीकडे नाशिकच्या भोंदू अशोक खरात याच्याविरुद्ध खटल्याला आजपासून सुरुवात होणार आहे. नाशिक शहरात नोंद असलेल्या अत्याचारांच्या गुन्ह्याच्या खटल्याला सुरुवात होणार आहे. नाशिक सत्र न्यायालयात ही सुनावणी होणार असून सरकारने विशेष सरकारी वकील उज्ज्वल निकम यांची नियुक्ती केली आहे. यासह देश-विदेशातील, मनोरंजन, क्रीडा आणि इतर क्षेत्रातील अपडेट्स एका क्लिकवर जाणून घेण्यासाठी हा ब्लॉग फॉलो करा.
Published On - Jun 23,2026 8:12 AM
