Maharashtra News LIVE : आज सुप्रीम कोर्टात शिवसेनेच्या पक्ष, चिन्हावर सुनावणी
Maharashtra News LIVE : आजही सुप्रीम कोर्टात शिवसेनेच्या पक्ष चिन्हावर सुनावणी होणार आहे. आजच्या सुनावणीकडे सगळ्यांचं लक्ष लागलं आहे. ठाकरेगटाच्यावतीने कपिल सिब्बल यांनी युक्तीवाद केला.
LIVE NEWS & UPDATES
-
लळींग कुरणातील प्रसिद्ध धबधबा ओसंडून वाहू लागला; पर्यटकांचे आकर्षण वाढले..
धुळे पश्चिम वनक्षेत्रातील लळींग कुरण परिसरातील लांडोर बंगला येथील प्रसिद्ध धबधबा संततधार पावसामुळे प्रवाहित झाला असून ओसंडून वाहत आहे. दीड महिन्याच्या प्रतीक्षेनंतर धबधबा सुरू झाल्याने पर्यटकांमध्ये उत्साहाचे वातावरण आहे. सातपुडा पर्वतरांगांतील हिरवाईने नटलेले लळींग कुरण हे धुळे जिल्ह्यातील प्रमुख पर्यटनस्थळ असून, विशेषतशनिवार-रविवार आणि श्रावण महिन्यात येथे मोठ्या प्रमाणात पर्यटकांची गर्दी होत असते..
-
मुंबईतील कुर्ला बस डेपो रोडवरील खड्ड्यांमुळे नागरिक हैराण
सततच्या पावसामुळे रस्त्यावर अनेक ठिकाणी मोठे आणि खोल खड्डे पडले असून वाहनचालकांसह पादचाऱ्यांचीही गैरसोय. विशेषतः बस डेपो परिसरातील रस्ता अत्यंत खराब झाल्याने वाहतुकीचा वेग मंदावला असून दररोज वाहतूक कोंडीची समस्या निर्माण होत असल्याची तक्रार. स्थानिक नागरिकांनी अनेकदा तक्रारी करूनही अद्याप खड्डे बुजविण्याचे काम सुरू झाले नसल्याचा आरोप. पावसाचे कारण देत मनपाकडून केवळ पाहणी केली जाते, मात्र प्रत्यक्ष दुरुस्ती होत नसल्याची नाराजी व्यक्त केली जात आहे.
-
-
आयुष्मान भारत आणि महात्मा फुले जनआरोग्य योजनेतील संशयास्पद दाव्यांची SIT मार्फत चौकशी
आयुष्मान भारत-प्रधानमंत्री जनआरोग्य योजना आणि महात्मा ज्योतिराव फुले जनआरोग्य योजना अंतर्गत दाखल झालेल्या 15,407 संशयास्पद आरोग्य विमा दाव्यांची सखोल चौकशी करण्यासाठी महाराष्ट्र सरकारने विशेष तपास पथक (SIT) स्थापन केले आहे. २०२४ ते २०२६ या कालावधीतील संशयास्पद दाव्यांमध्ये मोठ्या प्रमाणावर अनियमितता आढळल्याने हा निर्णय घेण्यात आला आहे.
-
शिवसेनेच्या पक्ष, चिन्हावर आज पुन्हा सुनावणी
काल सर्वोच्च न्यायालयात शिवसेनेच्या पक्ष, चिन्हावरील सुनावणी पार पडली. ठाकरे गटाकडून कपिल सिब्बल यांनी युक्तीवाद केला. आज सर्वोच्च न्यायालयात पक्ष, चिन्हावर पुन्हा सुनावणी होणार आहे.
कल्याण-डोंबिवलीत युतीत ‘पक्षांतर वॉर’ सुरु आहे. शिवसेनेला भाजपचा मोठा धक्का. ठाकुर्लीत शिवसेनेच्या शेकडो कार्यकर्त्यांचा भाजपमध्ये पक्ष प्रवेश. युती धर्म कोणी पाळला नाही हे नंतर ठरवू. मात्र आम्ही एक नेले तर चार आणू भाजप जिल्हाध्यक्ष नंदू परब यांचा शिवसेनेला इशारा. एका आठवड्यात तिसऱ्यांदा भाजपने शिवसेनेच्या कार्यकर्त्यांचा पक्षप्रवेश केल्याने युतीतील वाद आणखी तीव्र होण्याची शक्यता. नाशिक जिल्ह्यातील घाटमाथ्यावर पुन्हा जोरदार पावसाचा इशारा. हवामान विभागाचा नाशिकच्या घाटमाथ्यासाठी ‘यलो अलर्ट’ जारी. उर्वरित भागात हलक्या ते मध्यम सरींचा अंदाज. गेल्या 2 दिवसापासून पावसाचा जोर कमी झाल्याने धरणांमधील पाण्याचा विसर्ग टप्प्याटप्प्याने कमी. गंगापूर धरणातून सुरू असलेला विसर्ग काल सकाळपासून कमी करण्यात आला. नाशिक जिल्ह्यातील बहुतांश धरणांतील पाणीसाठा 90 टक्क्यांच्या पुढे.
Published On - Aug 06,2026 8:43 AM
