Maharashtra Election Results 2024: मुंबई कोणाची? मुंबईतील या सर्व विजयी उमेदवारांची यादी पाहून ठरवा

mumbai election result: मुंबईतील ३६ जागांपैकी १९ जागांवर भाजपने उमेदवार उभे केले होते. त्यात त्यांचे १५ उमेदवार विजयी झाले. उद्धव ठाकरे यांनी २२ जागा लढवल्या होत्या. त्यात १० जागांवर त्यांचे उमेदवार विजयी झाले. एकनाथ शिंदे यांच्या शिवसेनेने १४ जागी उमेदवार दिले होते. त्यांना ६ ठिकाणी यश आले.

उद्धव ठाकरे आणि देवेंद्र फडणवीस

Jitendra Zavar | Updated on: Nov 24, 2024 | 1:19 PM

Mumbai Election Result: महाराष्ट्रातील विधानसभा निवडणुकीचा निकाल शनिवारी आला. या निकालात महायुतीला प्रचंड बहुमत मिळाले. राज्यातील सर्व विभागात महायुतीचे वर्चस्व दिसले. परंतु मुंबई कोणत्या शिवसेनेची? मुंबई कोणत्या पक्षाची याचा निकाल या निकालाने दिला आहे. मुंबई विभागात विधानसभेच्या एकूण 36 जागा आहे. त्यापैकी काही ठिकाणी शिवसेना (शिंदे) विरुद्ध शिवसेना (ठाकरे) अशीच लढत आहे. काही ठिकाणी भाजप विरुद्ध ठाकरे सेना लढत झाली. मनसेही निवडणूक मैदानात होती. आता मुंबईत नेमकी कोणाची ताकद सर्वाधिक आहे हे या निवडणुकीतून स्पष्ट झाले आहे.

मुंबईत भाजपचे वर्चस्व

मुंबईतील ३६ जागांपैकी १९ जागांवर भाजपने उमेदवार उभे केले होते. त्यात त्यांचे १५ उमेदवार विजयी झाले. उद्धव ठाकरे यांनी २२ जागा लढवल्या होत्या. त्यात १० जागांवर त्यांचे उमेदवार विजयी झाले. एकनाथ शिंदे यांच्या शिवसेनेने १४ जागी उमेदवार दिले होते. त्यांना ६ ठिकाणी यश आले. काँग्रेसला तीन, अजित पवार यांच्या राष्ट्रवादीला एक आणि समाजवादी पक्षाला एक जागा मिळाली. राज ठाकरे यांच्या मनसेला एकही जागा मिळाली नाही.