लॉकडाऊनमध्ये सर्व उद्योग बंद असतानाही सक्तीने बिल वसुली : चंद्रकांत पाटील

मुंबई : “कोविड काळात औद्योगिक क्षेत्राला मोठ्या संकटाचा सामना करावा लागला. पंतप्रधान नरेंद्र मोदींच्या नेतृत्वाखाली केंद्र सरकारने उद्योजकांना भरीव मदत केली. पण महाराष्ट्र सरकारने उद्योजकांना कवडीचीही मदत केली नाही,” अशी टीका भाजप प्रदेशाध्यक्ष चंद्रकांत पाटील यांनी केली. पुण्यात आयोजित भाजप उद्योजक आघाडीच्या बैठकीत ते बोलत होते (Chandrakant Patil criticize Thackeray Government on Industrial Bill during Lockdown).

चंद्रकांत पाटील म्हणाले, “कोविड काळात औद्योगिक क्षेत्राला मोठ्या संकटांचा सामना करावा लागला. त्यामुळे त्यांना या संकटातून बाहेर काढण्यासाठी मोदींच्या नेतृत्वाखाली केंद्र सरकारने अनेक उपाययोजना केल्या. उद्योजकांना आपले रिटर्न्स फाईल करण्यासाठी मुदतवाढ दिली. त्याचबरोबर कर्जावरील व्याज माफ करुन मोठा दिलासा दिला. पण राज्य सरकारने उद्योजकांना कवडीचीही मदत केली नाही. लॉकडाऊनमध्ये सर्व इंडस्ट्री बंद असतानाही त्यांच्याकडून पाणीपट्टी वसुल केली. वीजेचा वापर झालेला नसतानाही सक्तीने बिले वसूल केली.”

कोरोनाच्या काळातील अनेक समस्या उद्योग आघाडीने सोडवल्या. लघु उद्योजकांच्या अनेक मागण्या मोदी सरकारच्या कार्यकाळात पूर्ण करण्यात आल्या आणि त्यांना विविध सुविधा देण्यात आल्या. pic.twitter.com/oaeSiCQFAU

— Chandrakant Patil (@ChDadaPatil) February 11, 2021

“राज्य सरकारने विविध कर वसूल केले. मात्र राज्य सरकारने रिक्षावाले, फेरीवाले, उद्योजक कोणालाही मदत केली नाही. मग कोविडमध्ये सरकारने केलं काय?” असा सवालही चंद्रकांत पाटलांनी उपस्थित केला.

कोविड काळातील उद्योजकांचे वीजबिल आणि पाणीपट्टी माफ करण्यासाठी आठ ते सव्वा आठ हजार कोटींची गरज आहे. उद्योग क्षेत्राची पाणीपट्टी आणि वीज बिल माफ व्हावीत यासाठी उद्योग आघाडीने राज्य सरकारकडे मागणी करावी, अशी सूचनाही त्यांनी उद्योजकांना केली.

या बैठकीला भाजप प्रदेश संघटनमंत्री विजय पुराणिक, उद्योग आघाडीचे प्रदेश संयोजक प्रदीप पेशकार, सहसंयोजक सुधीर धुत्तेकर, अर्चना वाणी, पुणे शहर संयोजिका अमृता देवगांवकर, पश्चिम महाराष्ट्र संयोजक संजय अरणके यांच्यासह उद्योग आघाडीचे सर्व पदाधिकारी उपस्थित होते.

हेही वाचा :

भाजपनं हातगुण, पायगुण पहात रहावा, ती त्यांची संस्कृती, आमचा कर्तुत्वावर विश्वास : भाई जगताप

मनसेत अमराठी नेत्यांचा सहभाग चांगली गोष्ट, युती शक्य, पण… चंद्रकांतदादांनी अट सांगितली

‘गिर गये तो भी टांग उपर’, विनायक राऊतांचा चंद्रकांत पाटलांवर निशाणा

व्हिडीओ पाहा :

Chandrakant Patil criticize Thackeray Government on Industrial Bill during Lockdown