AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

ईडी कोव्हिड घोटाळा खणून काढणार?, मुंबई महापालिकेच्या दोन बड्या अधिकाऱ्यांच्या घरावर सकाळीच छापेमारी

सुजीत पाटकर, सुरज चव्हाण आणि संजीव जयस्वाल यांच्या घरासह 16 ठिकाणी काल ईडीने छापेमारी केली होती. या छापेमारीनंतर आज दोन महत्त्वाच्या अधिकाऱ्यांच्या घरी छापेमारी करण्यात आली आहे.

ईडी कोव्हिड घोटाळा खणून काढणार?, मुंबई महापालिकेच्या दोन बड्या अधिकाऱ्यांच्या घरावर सकाळीच छापेमारी
bmc officersImage Credit source: tv9 marathi
| Edited By: | Updated on: Jun 22, 2023 | 8:03 AM
Share

मुंबई : मुंबईतील कोव्हिड घोटाळ्याप्रकरणी काल ईडीने 16 ठिकाणी छापेमारी केली. त्यात महापालिकेच्या अतिरिक्त आयुक्तांसह ठाकरे गटाशी संबंधितांचा समावेश होता. ईडीच्या छापेमारीमुळे एकच खळबळ उडाली आहे. ईडीने सुरू केलेल्या घोटाळ्याच्या चौकशीमुळे ठाकरे गट चांगलाच अडचणीत आलेला आहे. कालच्या छापेमारीनंतर ईडीची कारवाई थांबल्याचं वाटत असतानाच ईडीने आज सकाळीच मुंबई महापालिकेच्या दोन अधिकाऱ्यांच्या घरी छापेमारी केली आहे. हे दोन्ही अधिकारी अत्यंत महत्त्वाचे असून त्यांचा थेट कोव्हिडच्या टेंडर प्रक्रियेशी संबंध असल्याचं सांगितलं जात आहे. ईडीने केलेल्या या छापेमारीनंतर एकच खळबळ उडाली आहे.

काल ईडीने पालिकेचे तत्कालीन अतिरिक्त आयुक्त संजीव जयस्वाल यांच्या वांद्रे येथील निवासस्थानी छापेमारी केली होती. त्यानंतर खासदार संजय राऊत यांचे निकटवर्तीय सुजीत पाटकर यांच्या घरी छापेमारी करण्यात आली होती. ही छापेमारी सुरू असतानाच आदित्य ठाकरे यांचे खास सहकारी सुरज चव्हाण यांच्या चेंबूर येथील निवासस्थानीही ईडीने छापे मारल्याची बातमी आली. ईडीने या कोव्हिड घोटाळ्या प्रकरणी मुंबई, पुण्यातील एकूण 16 ठिकाणी छापेमारी केली.

साडे सोळा तास छापेमारी

ईडीने सुरज चव्हाण यांच्या घरी सकाळी 9 वाजता छापेमारी केली होती. सकाळी 9 वाजल्यापासून रात्री दीड वाजेपर्यंत ईडीचे धाडसत्र सुरू होतं. साडे सोळा तास ईडीने ही छापेमारी केली. त्यामुळे एकच खळबळ उडाली आहे. ईडीने यावेळी सुरज चव्हाण यांची कसून चौकशी केल्याचंही सांगितलं जात आहे. मात्र, या छापेमारीत ईडीच्या हाती काही महत्त्वाची कागदपत्रे सापडली की नाही याची माहिती मिळू शकली नाही. मात्र, या छापेमारीवर ठाकरे गटाकडून संताप व्यक्त करण्यात आला आहे.

सकाळी सकाळीच धाड

ईडीने आज सकाळी पालिकेचे तत्कालीन वैद्यकीय अधिकारी हरीश राठोड आणि तत्कालीन उपायुक्त रमाकांत बिरादार यांच्या निवासस्थानी धाड मारली आहे. दोघांच्याही घरात कसून चौकशी केली जात आहे. प्रत्येक कागदपत्रांची छाननी केली जात आहे. दोन्ही अधिकाऱ्यांची विचारपूस केली जात आहे. तसेच या दोन्ही अधिकाऱ्यांच्या घराबाहेर मोठा बंदोबस्त ठेवण्यात आला आहे. कुणालाही बाहेर जाऊ दिलं जात नाही. तसेच कुणालाही आत सोडलं जात नाहीये. हे दोन्ही अधिकारी या घोटाळ्यातील महत्त्वाचे असल्याचं सांगितलं जात आहे.

अजून अधिकारी रडारवर

सुजीत पाटकर यांच्या लाईफलाईन कंपनीला बेकायदेशीर कंत्राट देण्यात आलं होतं. टेंडर प्रक्रियेत पालिकेतील अधिकाऱ्याचा सहभाग होता का? याचा तपास सुरू करण्यात आला आहे. तसेच या अधिकाऱ्यांकडून या घोटाळ्याशी संबंधित आणखी माहिती घेण्याचाही ईडीकडून प्रयत्न सुरू आहे. मुंबई महापालिकेतील अजून काही अधिकारी ईडीच्या रडारवर असण्याची शक्यता वर्तवली जात आहे.

Follow Us
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण