IRB कडून राज्य सरकारकडे 6 हजार 500 कोटींचा पहिला हप्ता जमा
मुंबई-पुणे द्रुतगती मार्गावरील पथकरवसुली अधिकारासाठी 6 हजार 500 कोटी रुपयांचा पहिला हप्ता आयआरबी इन्फ्रास्ट्रक्चरकडून राज्य सरकारला देण्यात आला आहे.
मुंबई : ‘यशवंतराव चव्हाण मुंबई-पुणे द्रुतगती मार्गा‘वरील (IRB Cheque For Mumbai-Pune Expressway) पथकरवसुली अधिकारासाठी देय रकमेपैकी 6 हजार 500 कोटी रुपयांचा पहिला हप्ता ‘आयआरबी इन्फ्रास्ट्रक्चर’ कंपनीकडून राज्य सरकारला देण्यात आला आहे. उपमुख्यमंत्री अजित पवार यांनी एमएसआरडीसी आणि राज्य सरकारच्यावतीने मंत्रालयात याचा औपचारिक स्विकार केला (IRB Cheque For Mumbai-Pune Expressway).
मुख्यमंत्री उद्धव ठाकरे, नगरविकास तथा सार्वजनिक उपक्रममंत्री एकनाथ शिंदे, मुख्य सचिव अजोय मेहता, वित्त विभागाचे अतिरिक्त मुख्य सचिव मनोज सौनिक, एमएसआरडीसीचे व्यवस्थापकीय संचालक राधेश्याम मोपलवार, आयआरबी इन्फ्रास्ट्रक्चरचे अध्यक्ष आणि व्यवस्थापकीय संचालक वीरेंद्र म्हैसकर, स्टेट बँक आणि युनियन बँकेचे वरिष्ठ अधिकारी यावेळी उपस्थित होते.
यशवंतराव चव्हाण मुंबई-पुणे द्रुतगती मार्गावरील पथकरवसुलीसाठी आयआरबी इन्फ्रास्ट्रक्चर कंपनी आणि महाराष्ट्र राज्य रस्ते विकास महामंडळ (एमएसआरडीसी) यांच्यात पथकरवसुली संदर्भात 8 हजार 262 कोटी रुपयांचा करार झाला होता. पहिल्या वर्षी आयआरबीकडून सरकारला 6 हजार 500 कोटी, दुसऱ्या आणि तिसऱ्या वर्षी प्रत्येकी 850 कोटी, तसेच चौथ्या वर्षी 62 कोटी मिळणार आहेत (IRB Cheque For Mumbai-Pune Expressway).
ठाण्यातील दहा मजली कोविड रुग्णालयाचे मुख्यमंत्र्यांच्या हस्ते ऑनलाईन लोकार्पण https://t.co/9NzohR4T8e #thane #COVID19 @CMOMaharashtra @OfficeofUT
— TV9 Marathi (@TV9Marathi) June 17, 2020
संबंधित बातम्या :
अरविंद बनसोडे मृत्यू प्रकरण : गृहमंत्र्यांसह नितीन राऊतांचा दबाव, प्रकाश आंबेडकरांचा गंभीर आरोप
आमची काही नाराजी नाही, मुख्यमंत्र्यांसोबत सकारात्मक चर्चा : काँग्रेस
