Mumbai Rains: गोवंडीत घर कोसळून 3 ठार, 7 जखमी; ढिगारा उपसण्याचे काम सुरू

गेल्या चार दिवसांपासून सुरू असलेल्या मुसळधार पावसामुळे गोवंडीत दुमजली घर कोसळले आहे. या दुर्घटनेत तीन जण ठार झाले असून सातजण जखमी झाले आहेत. (Mumbai Rains: 3 dead,7 injured after house collapses in Govandi)

building collapsed,Govandi,

TV9 मराठी डिजीटल टीम | Edited By: भीमराव गवळी | Updated on: Jul 23, 2021 | 10:58 AM

मुंबई: गेल्या चार दिवसांपासून सुरू असलेल्या मुसळधार पावसामुळे गोवंडीत दुमजली घर कोसळले आहे. या दुर्घटनेत तीन जण ठार झाले असून सातजण जखमी झाले आहेत. दुर्घटनेतील या सातही जखमींवर घाटकोपरच्या राजावाडी आणि सायन रुग्णालयात उपचार सुरू आहेत. त्यापैकी काहींची प्रकृती चिंताजनक असल्याचं सांगण्यात येतं. (Mumbai Rains: 3 dead,7 injured after house collapses in Govandi)

आज पहाटे 4 वाजून 58 मिनिटांनी ही दुर्घटना घडली. गोवंडीच्या शिवाजीनगरमधील बॉम्बे सिटी हॉस्पिटलजवळ ही दुर्घटना घडली. पहाटे सर्वजण साखर झोपेत असताना हे दुमजली घर कोसळले. त्यामुळे परिसरात एकच हाहाकार उडाला. घर कोसळण्याचा आवाज आणि ढिगाऱ्याखाली अडकलेल्यांच्या आक्रोशामुळे जागे झालेल्या शेजाऱ्यांनी घटनास्थळी धाव घेऊन तात्काळ मदतकार्यास सुरुवात केली. पोलीस आणि अग्निशमन दलाच्या जवानांनाही तात्काळ घटनास्थळी पाचारण करण्यात आलं. त्यानंतर रेस्क्यू ऑपरेशनला सुरुवात झाली. मात्र, पाऊस आणि अंधारामुळे मदत कार्यात व्यत्यय येत होता. तसेच हे घर दाटीवाटीच्या भागात असल्यानेही मदतकार्यात अडथळा येत होता.

सायन, राजावाडीत उपचार सुरू

या दुर्घटनेत एकूण 10 जण गंभीर जखमी झाले. या सर्वांना तात्काळ राजावाडी आणि सायन रुग्णालयात दाखल करण्यात आले. मात्र, उपचार सुरू असतानाच गंभीर जखमी झालेल्यांचा मृत्यू झाला. इतर सात जणांवर उपचार सुरू असून त्यापैकी काहींची प्रकृती चिंताजनक असल्याचं वैद्यकीय सूत्रांनी सांगितलं.

दुर्घटनेतील मृतांची नावे

नेहा परवेज शेख, वय 35 मोकर झबीर शेख, वय 80 शमशाद शेख, वय 40

जखमींची नावे

परवेज शेख, वय 50 अमिनाबी शेख, वय 60 अमोल धडाई, वय 38 समोल सिंग, वय 25 मोहम्मद फैजल कुरेशी, वय 21 नामरा कुरेशी, वय 17 शाहीना कुरेशी, वय 26 (Mumbai Rains: 3 dead,7 injured after house collapses in Govandi)