मोठी बातमी! NEET पेपरफुटीचं गुजरात कनेक्शन? रोहित पवार यांचा आरोपांचा धुरळा
Rohit Pawar on NEET Paper Leak Gujrat Connection: शरदचंद्र पवार राष्ट्रवादीचे आमदार रोहित पवार यांनी एक मोठा बॉम्ब टाकला आहे. नीट पेपर लीक प्रकरणात त्यांनी गंभीर आरोप केला आहे. नीट फेरपरीक्षेचा पेपरही अगोदरच फुटल्याचे आणि त्याचे गुजरात कनेक्शन असल्याचा मोठा आरोप त्यांनी केला आहे.
UG-NEET 2026 परीक्षेबाबत देशभरात वादंग उठले आहे. कॉक्रोच जनता पार्टीच्या आंदोलनानंतर धर्मेंद्र प्रधान यांची विकेट पडली. केंद्रीय शिक्षण मंत्री बदलला. पण आरोपांची राळ सुरूच आहे. नीटची फेर परीक्षा घेण्यात आली. त्याविषयी शरदचंद्र पवार राष्ट्रवादीचे आमदार रोहित पवार यांनी मोठा बॉम्ब टाकला आहे. त्यांच्या ताज्या आरोपांनी एकच खळबळ उडवून दिली आहे. नीट पेपर लीक पुनर्परिक्षेवरही त्यांनी प्रश्नचिन्ह उपस्थित केले आहे. त्यांनी या पेपरफुटीचं गुजरात कनेक्शन समोर आणले आहे. त्यांच्या आरोपांनी एकच खळबळ उडाली आहे.
ट्विटरवरून सरकारवर हल्लाबोल
आमदार रोहित पवार यांनी सोशल मीडिया प्लॅटफॉर्म एक्सवरून एक खळबळजनक ट्विट केले आहे. त्यात युजी नीटच्या फेर परीक्षेवरही मोठा आक्षेप घेण्यात आला आहे. फेरपरीक्षेचा पेपरही तीन दिवस अगोदरच फुटला आणि त्याचे गुजरात कनेक्शन समोर येत असल्याचा आरोप पवार यांनी केला आहे.
“NEET पेपर लीक झाल्यानंतर जी नवीन फेरपरीक्षा घेण्यात आली त्या परीक्षेचा पेपर देखील ३ दिवस आधीच गुजरातमधून फुटल्याच्या बातम्या समोर येत आहेत. हे सत्य असेल तर खूप अवघड आहे. तपास यंत्रणानी यासंदर्भात त्वरित खुलासा करावा आणि पेपर फुटला असेल तर कुठल्याही दबावाला बळी न पडता यामधील रॅकेट उघडकीस आणावं, ही विनंती. या पेपरफुटीसंदर्भात पुढं आलेले स्किन शॉट, मेल, संभाषण हे सगळं सोबत दिलेल्या लिंकवर गेल्यास पहावयास मिळेल.” असे ट्वीट आमदार रोहित पवार यांनी केले आहे. त्यांच्या या आरोपांनी एकच खळबळ उडाली आहे.
ही बातमी आताच ब्रेक झाली आहे. या बातमीला आम्ही अजुनही अपडेट करत आहोत. तुम्हाला सर्वात आधी माहिती पोहोचवण्याचा आमचा प्रयत्न आहे. त्यामुळे ह्या पेजला रिफ्रेश करत चला. तसेच आमच्या इतर स्टोरीज वाचण्यासाठी इथं क्लिक करा.
