Nagpur Accident | पारशिवनीत दोन दुचाकींची समोरासमोर धडक, दोन जण जागीच ठार

Nagpur Accident | पारशिवनीत दोन दुचाकींची समोरासमोर धडक, दोन जण जागीच ठार
पारशिवनी येथील मृतक कमलाकर मेंघरे व प्रकाश सावरकर
Image Credit source: tv 9

पारशिवनी तालुक्यातील करंभाडजवळ दोन दुचाकींची समोरासमोर धडकल्या. यात दोन्ही दुचाकीचालक ठार झाले. मृतकामध्ये माजी जिल्हा परिषद सदस्याचा समावेश आहे.

सुनील ढगे

| Edited By: गोविंद हटवार, टीव्ही 9 मराठी डिजीटल

Mar 17, 2022 | 9:48 AM

नागपूर : पारशिवनी पोलीस ( Parshivani Police) ठाण्याच्या हद्दीत ही घटना बुधवारी दुपारी घडली. करंभाडजवळ आमनेसामने दुचाकींची धडक झाली. यात माजी जि. प. सदस्य कमलाकर मेंघर (वय 63) (Kamlakar Menghar) व प्रकाश सावरकर (वय 28) या दोघांचा मृत्यू झाला. कमलाकर मेंघर आपली दुचाकी घेऊन करंभाड शिवारातील शेताकडे जात होते. करंभाडजवळ प्रकाश सावरकर हा निंबा येथील सूतगिरणी कंपनीकडून विरुद्ध दिशेने येत होता. प्रकाश कंपनीतून सावनेर ते पारशिवनी मार्गे (Savner to Parshivani) या महामार्गावर अतिशय जलदगतीने येत होता. प्रकाशची दुचाकी सुसाट असल्याने समोरील दुचाकीला पाहून त्याला वेग नियंत्रित करता आला नाही. यात कमलाकर मेंघर व प्रकाश सावरकर यांची सूत गिरणीजवळ आमनेसामने धडक झाली.

कमलाकर मेंघरे भाजपचे कार्यकर्ते

या अपघातात दोघेही गंभीर जखमी झाले. यापैकी प्रकाश सावरकर हा जागीच ठार झाला. घटनेची माहिती पोलिसांना मिळाली. पोलीस जखमी कमलाकर मेंघर यांना वैद्यकीय उपचारासाठी घेऊन जात होते. दरम्यान, रस्त्यातच त्यांचाही मृ्त्यू झाला. दोघांच्या मृतदेहांचे पारशिवनीतील ग्रामीण रुग्णालयात शवविच्छेदन करण्यात आले. कमलाकर मेंघर हे केंद्रीय मंत्री नितीन गडकरी यांचे निकटवर्तीय असल्याचं समजते.

सुसाट वेगाचे बळी

मृतक प्रकाश हा सुसाट गाडी चालवित होता. त्यामुळं अपघात झाल्याचे प्रत्यक्षदर्शी सांगतात. या सुसाट वेगामुळं प्रकाशचा तर जीव गेलाच शिवाय समोरून येणाऱ्या चालकालाही आपले प्राण गमवावे लागले. त्यामुळं दुचाकी चालविताना वेगावर नियंत्रण ठेवणे गरजेचे आहे.

नागपुरात 23 वर्षीय तरुणीचा अर्धवट जळालेला मृतदेह सापडला, शेजारी पेट्रोलची रिकामी बाटली

Nagpur Cultural Festival | खासदार सांस्कृतिक महोत्सव शनिवारपासून, हेमामालिनी, शंकर महादेवन येणार

Video – Nagpur Holi | लाकडं नव्हे शेणापासून तयार केलेले गो कास्ट जाळा, नागपुरात गोरक्षणनं शोधला पर्याय

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें