राज्याच्या राजकारणात मोठी खळबळ, बडा नेता करणार शिवसेना शिंदे गटात प्रवेश? मिळणार थेट मोठं पद

विधानसभा निवडणुकीत महायुतीला मोठं यश मिळालं होतं. तर महाविकास आघाडीला मोठ्या पराभवाचा सामना करावा लागला होता. दरम्यान विधानसभा निवडणुकीनंतर महाविकास आघाडीला गळती लागल्याचं पहायला मिळालं. महाविकास आघाडीमधील अनेक दिग्गज नेत्यांनी भाजप आणि शिवसेना शिंदे गटात प्रवेश केला. दरम्यान  अजूनही शिवसेना शिंदे गटात इनकमिंग सुरूच आहे. शिवसेना ठाकरे गटातील अनेक नेत्यांनी शिवसेना शिंदे गटात प्रवेश केला आहे. मात्र आता राष्ट्रवादी अजित पवार गटातून मोठी बातमी समोर येत आहे. ती म्हणजे राष्ट्रवादी अजित पवार गटाचे मुख्य प्रवक्ते आणि नेते आनंद परांजपे हे शिवसेना शिंदे गटात प्रवेश करण्याची शक्यता आहे.  त्यांनी काही दिवसांपूर्वीच उपमुख्यमंत्री एकनाथ शिंदे याची भेट घेतली होती.

आनंद परांजपे यांनी गुरुवारी राष्ट्रवादी काँग्रेसमधील आपल्या सर्व पदांचा तडकाफडकी राजीनामा दिला आहे. राजीनामा दिल्यानंतर ते नॉटरिचेबल झाले आहेत. मी पक्षाती माझ्या सर्व जबाबदाऱ्या पार पाडल्या आहेत, असं त्यांनी राजीनामा देताना म्हटलं आहे. समोर आलेल्या माहितीनुसार आनंद परांजपे हे विधान परिषदेसाठी इच्छुक होते. मात्र यावेळी झिशान सिद्दिकी यांना राष्ट्रवादीच्या वतीनं विधान परिषदेवर पाठवण्यात आले, त्यामुळे परांजपे हे नाराज होते, अखेर त्यांनी आज राष्ट्रवादीचा राजीनामा दिला आहे.

दरम्यान आनंद परांजपे हे शिवसेनेच्या वाटेवर आहेत, अशी देखील आता चर्चा सुरू आहे. त्यांनी काही दिवसांपूर्वीच एकनाथ शिंदे यांची भेट घेतली होती. राजकीय सूत्रांकडून मिळालेल्या माहितीनुसार  आनंद परांजपे यांच्या राजीनाम्यानंतर शिवसेनेत हालचाली वाढल्या आहेत.  आनंद परांजपे यांनी जर शिवसेनेत पक्ष प्रवेश केला तर त्यांना एका महामंडळांचं अध्यक्षपद मिळण्याची शक्यता आहे. तसेच शिवसेना पक्षात मोठी संघटनात्मक जबादारी देखील मिळण्याची शक्यता आहे. त्यामुळे आता आनंद परांजपे हे शिवसेना शिंदे गटात प्रवेश करणार का?  की आणखी दुसऱ्या एखाद्या पक्षात जाणार हे पहाणं महत्त्वाचं ठरणार आहे. परांजपे यांचा राजीनामा हा राष्ट्रवादीसाठी मोठा धक्का मानला जात आहे.