Pune Election Results 2026 LIVE : पुण्याच्या प्रभाग क्रमांक 31, 32 मध्ये राष्ट्रवादी, भाजपात काटे की टक्कर, यावेळी कोण मारणार बाजी?
Pune Election Results 2026 LIVE: पुण्याच्या प्रभाग क्रमांक 31 आणि 32 मध्ये राष्ट्रवादी काँग्रेस आणि भाजपात चुरस पहायला मिळत आहे. गेल्यावेळी या दोन प्रभागामधील 8 जागांपैकी, तीन जागा या भाजपला मिळाल्या होत्या, तर पाच जागांवर राष्ट्रवादी काँग्रेसचे उमेदवार विजयी झाले.
गेल्या निवडणुकीत पुणे महापालिका निवडणुकीत भाजपला मोठं यश मिळालं होतं. तब्बल 97 जागा या महापालिका निवडणुकीत भाजपानं जिकंल्या होत्या, पुण्यातील असे अनेक प्रभाग होते, जिथे चारही जागा भाजपला मिळाल्या होत्या, मात्र प्रभाग क्रमांक 31 आणि 32 मध्ये वेगळी परिस्थिती होती. या दोन्ही प्रभागामध्ये गेल्या निवडणुकीत राष्ट्रवादीचा दबदबा पहायला मिळाला. प्रभाग क्रमांक 31 मध्ये करवे नगर या भागाचा समावेश होते, गेल्यावेळी या प्रभागात तीन जागा भाजपला तर एक जागा या राष्ट्रवादीला मिळाली होती. तर प्रभाग क्रमांक 32 मध्ये मात्र चारही जागांवर राष्ट्रवादीच्याच उमेदवारांनी विजयाचा गुलाल उधळला. या प्रभागात भाजपला खातं देखील उघडता आलं नव्हतं, दरम्यान यावेळी या दोन्ही वार्डात काय होणार? कोण बाजी मारणार? याबद्दल मोठी उत्सुकता निर्माण झाली आहे.
प्रभाग क्रमांक 31 – प्रभाग क्रमांक 31 मध्ये करवे नगरचा समावेश होतो, या प्रभागात गेल्यावेळी एका जागेवर राष्ट्रवादी काँग्रेसचा उमेदवार विजयी झाला होता, तर तीन जागा भाजपला मिळाल्या होत्या. प्रभाग क्रमांक 31 अ मधून भाजपचे उमेदवार सुशील शिवराम मेंगडे हे विजयी झाले होते, तर प्रभाग क्रमांक 31 ब मधून राष्ट्रवादीच्या उमेदवार लक्ष्मी दुधाने या विजयी झाल्या होत्या. तर क मधून भाजपच्या उमेदवार वृषाली चौधरी या विजयी झाल्या आणि ड मधून देखील भाजपचेच उमेदवार राजाभाऊ बराटे यांनी बाजी मारली होती.
पुणे महापालिका निवडणूक निकाल लाईव्ह
प्रभाग क्रमांक 32 – प्रभाग क्रमांक 32 मध्ये गेल्या निवडणुकीत चारही जागांवर राष्ट्रवादी काँग्रेसचाच विजय झाला होता. प्रभाग क्रमांक 32 मध्ये वारजे, माळवाडी या भागाचा समावेश होतो. प्रभाग क्रमांक 32 अ मधून राष्ट्रवादीचे उमेदवार दिलीप बराटे हे विजयी झाले होते. तर ब मधून राष्ट्रवादीच्या उमेदवार सायली वांजळे या विजयी झाल्या होत्या, तर क मधून राष्ट्रवादीचे उमेदवार दिलीप धुमाळ यांनी बाजी मारली, तर प्रभाग क्रमांक 32 ड मधून सचिन दोडके हे विजयी झाले. दरम्यान यावेळी मात्र परिस्थिती वेगळी आहे, काही राजकीय समीकरणं देखील बदलली आहेत, त्यामुळे या प्रभागातून कोण बाजी मारणार? याबाबत आता उत्सुकता निर्माण झाली आहे.
महत्त्वाच्या लिंक्स
महाराष्ट्र महापालिका निवडणूक निकाल 2026 मतमोजणीचे लाईव्ह अपडेट्स
बीएमसी महाराष्ट्र निवडणूक निकाल LIVE TV
महाराष्ट्र महानगरपालिकेचा सर्वात वेगवान निकाल पाहा फक्त टीव्ही 9 मराठीवर LIVE
