Pune crime : नोकरी नाही, त्यातच 24 लाखांची फसवणूक; बॅडमिंटन कोर्ट बांधण्याच्या नावाखाली गंडा घालणाऱ्याला खावी लागतेय तुरुंगाची हवा
अमितकुमार पटेल यांनी गणेश ढोरे याच्या ओळखपत्रांची पडताळणी न करता ऑनलाइन व्यवहाराद्वारे पैसे ढोरेच्या बँक खात्यात हस्तांतरित केले. ढोरे हे काम पूर्ण करण्यात अपयशी ठरल्यानंतर पटेल यांनी परताव्याची मागणी केली, परंतु ती त्याने पैसे देण्यास टाळाटाळ केली.
पुणे : बॅडमिंटन कोर्ट बांधण्याच्या बहाण्याने फसवणूक (Fraud) करणाऱ्याला अटक करण्यात आली आहे. मागील वर्षी हा प्रकार घडला होता. एका बेरोजगार तरुणाची जवळपास साडे 25 लाख रुपयांची फसवणूक झाली होती. आता या फसवणूकप्रकरणी कारवाई करण्यात आली आहे. लोहगाव येथील डीवाय पाटील महाविद्यालयासमोर बॅडमिंटन कोर्ट (Badminton court) बांधण्याच्या बहाण्याने हा प्रकार करण्यात आला. मागील वर्षी 25 सप्टेंबरपासून एका 33 वर्षीय तरुणाला 24.49 लाख रुपयांची फसवणूक करण्यात आली. याप्रकरणी बुधवारी रात्री एकाला अटक (Arrested) करण्यात आली. विमानतळ पोलिसांनी ही कारवाई केली. राजगुरूनगर येथील गणेश ढोरे असे संशयिताचे नाव आहे. पटेल यांनी आधी संबंधित व्यक्तीला समजावून सांगण्याचा प्रयत्न केला, मात्र सहा महिन्यांत देतो, असे सांगून अखेरपर्यंत टाळाटाळ केली. शेवटी पोलिसांनी आरोपीला अटक केली आहे.
ऑनलाइन जाहिरात आणि बोली
उपनिरीक्षक अशोक गंधाले यांनी गुरुवारी सांगितले, की तक्रारदार, लोहगाव येथील अमितकुमार पटेल (33) यांना त्यांच्या सासरच्यांनी बॅडमिंटन कोर्ट बांधण्यासाठी आणि खेळाडूंना भाड्याने देण्यासाठी आर्थिक मदत केली. कारण त्यामुळे त्यांना दर महिन्याला काही पैसे मिळतील. ते म्हणाले, की पटेल यांनी ऑनलाइन जाहिरात जारी केली होती, ज्यात बॅडमिंटन कोर्ट बांधण्याचा अनुभव असलेल्या लोकांकडून बोली लावण्यात आली. राजगुरूनगर येथील गणेश ढोरे याने या बोलीस प्रतिसाद देत पटेल यांच्याशी संवाद सुरू केला. त्यानंतर त्यांनी पटेल यांची भेट घेतली आणि बांधकाम सुरू करण्यासाठी 24.49 लाख रुपये हप्ते जमा करण्यास राजी केले.
कागदपत्रांची पडताळणी न करता व्यवहार
गंधाले म्हणाले, की पटेल यांनी गणेश ढोरे याच्या ओळखपत्रांची पडताळणी न करता ऑनलाइन व्यवहाराद्वारे पैसे ढोरेच्या बँक खात्यात हस्तांतरित केले. ढोरे हे काम पूर्ण करण्यात अपयशी ठरल्यानंतर पटेल यांनी परताव्याची मागणी केली, परंतु ती त्याने पैसे देण्यास टाळाटाळ केली. ढोरे याने जीवे मारण्याची धमकी दिल्यानंतर पटेल यांनी तक्रार अर्ज दाखल केला. ढोरे याला बोलावले असता सहा महिन्यांत पैसे परत करू, असे लेखीही दिले, पण काहीही झाले नाही. अखेर पोलिसांनी कारवाई करत त्याला अटक केली. त्याच्यावर विविध कलमांतर्गत गुन्हा दाखल करण्यात आला आहे.
