खराडी, मुंढवा घोरपडीत पायाभूत सुविधांवर भर, रस्त्यांच्या विकासासाठी महापालिकेचं नियोजन

आयटी (IT) आणि स्टार्टअप (Start Up) कंपन्यांमुळे पुणे आणि आसपासच्या परिसराचा मोठ्या प्रमाणावर विस्तार होत आहे. त्यात खराडी (Kharadi), मुंढवा (Mundhwa) आणि घोरपडी (Ghorpadi) या भागातही शहरीकरण वाढत आहे.

खराडी, मुंढवा घोरपडीत पायाभूत सुविधांवर भर, रस्त्यांच्या विकासासाठी महापालिकेचं नियोजन
पुणे महानगरपालिका

पुणे : पुणे (Pune) आणि परिसरात शहरीकरणाची गेल्या काही वर्षांत झपाट्याने वाढ होत आहे. आयटी (IT) आणि स्टार्टअप (Start Up) कंपन्यांमुळे पुणे आणि आसपासच्या परिसराचा मोठ्या प्रमाणावर विस्तार होत आहे. त्यात खराडी (Kharadi), मुंढवा (Mundhwa) आणि घोरपडी (Ghorpadi) या भागातही शहरीकरण वाढत आहे. त्यामुळे या भागात पायाभूत सुविधा उपलब्ध करण्यासाठी पुणे महापालिकेने (Pune Municipal Corporation) नवे पायाभूत प्रकल्प हाती घेतले आहेत. (Pune Municipal Corporation has started projects to provide basic facilities in Kharadi, Mundhwa and Ghorpadi)

पीपीपी अंतर्गत रस्त्यांचा विकास

पुढच्या २५ वर्षांची या भागाची वाढ आणि गरज लक्षात घेता पब्लिक-प्रायव्हेट- पार्टनरशीप अंतर्गत (पीपीपी) नवीन रस्ते, आणि रस्त्यांची पुनर्रचना करण्याची योजना आखण्यात आली आहे. यासोबतच वाहतूक कोंडीवर तोडगा ठरणारे घोरपडीतले रेल्वे उड्डाणपूलही वर्षभरात पूर्णत्वास जातील अशी माहिती महानगरपालिकेने दिली आहे.

बंडगार्डन ते मुंढवा असा मार्ग प्रस्तावित

गेल्या दोन दशकांमध्ये आयटी पार्क्समुळे हिंजवडी आणि तळवडे भागासोबतच मुंढवा आणि खराडी भागातही नागरीकरण मोठ्या प्रमाणात वाढलं आहे. या भागात एका मोठ्या पुलासह आठ नवे रस्ते, पीपीपी तत्वावर विकसिक केले जाणार आहेत. नगर रस्त्यावरचा वाहतूकीचा ताण कमी करण्यासाठी या रस्त्याला समांतर असा बंडगार्डन ते मुंढवा असा मार्गही पीपीपीअंतर्गत प्रस्तावित आहे. मुळा-मुठा नदीच्या उजव्या पात्रालगत हा मार्ग विकसित केला जाणार आहे.

वर्षभरात रेल्वे उड्डाणपूल प्रवासासाठी खुले

घोरपडी गावातला रस्ता अरूंद असल्यामुळे रेल्वे क्रॉसिंगवर रोज वाहतूक कोंडी होते. ही वाहतूक कोंडी आणि रेल्वे क्रॉसिंगची समस्या कायमची सोडवण्यासाठी इथं दोन उड्डाणपूल बांधण्याचा निर्णय घेण्यात आला. या उड्डाणपुलांमुळे घोरपडी गावातून पुणे रेल्वे स्थानक, ससून रुग्णालयासह शहरातल्या इतर भागांमध्ये प्रवास करणं सुलभ होईल. या उड्डाणपुलांचं २० टक्क्यांहून अधिक काम पूर्ण झालं आहे. वर्षभरात हे उड्डाणपूल प्रवाशांना प्रवासासाठी खुले होतील.

बी. टी. कवडे रस्त्याच्या देखभालीसाठी स्वतंत्र निधी

अर्बन स्ट्रीट डिझाइननुसार शहरातल्या बहुतांश रस्त्यांची पुनर्रचना टप्प्याटप्प्याने केली जाणार आहे. या अंतर्गत बी. टी. कवडे रस्त्यावरच्या तीव्र उतारावर कायमस्वरूपी तोडगा काढला जाणार आहे. व्हीआयपी रस्त्याअंतर्गत बी. टी. कवडे रस्त्याच्या देखभालीसाठी स्वतंत्र निधीही देण्यात आला आहे.

संबंधित बातम्या :

पिंपरी-चिंचवड लाचखोरी प्रकरणात सूडबुद्धीने कारवाई नाही, विरोधकांच्या आरोपांना अजित पवारांचं उत्तर

येरवड्याचं मनोरुग्णालय कात टाकणार, सुधारणांसाठी 400 कोटीचा निधी मंजूर

पुणे विद्यापीठाच्या ‘स्वच्छ वारी निर्मल वारी’ कार्यक्रमाच्या गैरव्यवहाराची होणार चौकशी, बडे मासे जाळ्यात अडकणार?

Read Full Article

Click on your DTH Provider to Add TV9 MARATHI