पार्थ पवारांना Y प्लस नव्हे तर…; सुरक्षेच्या मुद्द्यावरून रोहित पवारांचा खोचक टोला

अजित पवारांच्या पत्नी सुनेत्रा पवार आणि त्यांचे पुत्र पार्थ पवार यांनी वाय प्लस दर्जाची सुरक्षा देण्यात आली आहे. यावरून राष्ट्रवादी शरदचंद्र पवार पक्षाचे नेते, आमदार रोहित पवार यांनी टोला लगावला आहे. पार्थ पवारांना खूप कमी दर्जाची सिक्युरिटी दिलेली आहे. पंतप्रधानांना जी सिक्युरिटी वापरली जाते ती सिक्युरिटी द्यायला पाहिजे होती, असा खोचक टोला रोहित पवार यांनी लगावला आहे. पुण्यात माध्यमांशी बोलताना त्यांनी हा टोला लगावला आहे. तसंच बारामतीतील लढतीवरही रोहित पवार यांनी भाष्य केलं आहे.

रोहित पवारांचा टोला

पार्थ पवारांच्या वाय प्लस सुरक्षेबाबत काही विश्लेषक याबद्दल वेगळ्या अर्थाने बोलत आहेत… मध्ये गाडी असते, दोन्ही बाजूला दोन गाड्या असतात. या इलेक्शन मध्ये जो पैसा वापरला जाणार आहे. या इलेक्शनचा पैसा या गाड्यामधून जाईल की काय असं शंका व्यक्त केली जाते. सिक्युरिटी गाड्या एका राजकीय व्यक्तीच्या मुलाला दिल्या जात असतील तर अनेक शंका निघू शकतात. लोक याबद्दल वेगवेगळी चर्चा करत आहे. पोलीस गाड्या आणि ॲम्ब्युलन्सचा वापर देखील पैसे देण्यासाठी वापरला गेला. असं बोललं जात होतं, असं रोहित पवार म्हणालेत.

बारामती मातदारसंघावर म्हणाले…

बारामती सुप्रिया सुळेंची लीड आम्ही तीन लाख धरत होतो. बारामती निवडणुक आता लोकांनी निवडणूक हातात घेतली आहे. सुप्रिया सुळे आधी तीन लाख मताने येतील, असं वाटत होतं. मात्र आता चार लाख मताधिक्याने त्या निवडून येतील. खडकवासलामधून लीड लोकच देणार आहेत. मोठे नेते सोसायटीतमध्ये जाऊन प्रचार करत नाहीत. तर राज्यभर फिरत आहेत. काही नेत्यांना आता सोसायोटी लेव्हल जावं लागत आहे.भाजपचा दबाव आहे. काही लोक दबाव सहन करतात काही दबाव सहन करत नाहीत. लोक आमची वाट बघत बसतात. भाजपला वाटत ते अजित पवार यांच्याबाबत केलं आहे, असं रोहित पवार म्हणाले.

आधी अजितदादा बैठक बोलवत असे. आता दादांना बोलवावं लागत आहे. हे दुर्दैव आहे. राज ठाकरेंची सभा बारामती लोकसभा मतदारसंघात झाली तर सुप्रियाताईंचं लीड 40 हजाराने वाढेल एवढं मात्र नक्की, असा विश्वासही रोहित पवारांनी व्यक्त केला आहे.