Thane Corona Update: कोरोनाचा प्रादुर्भाव वाढला, 24 तासांत 1685 नवे रुग्ण

मुंबईप्रमाणेच ठाण्यात देखील कोरोनाचा प्रादुर्भाव वाढत आहे. गेल्या 24 तासांमध्ये तब्बल 1685 जणांना कोरोनाची लागण झाली आहे. सध्या शहरात कोरोनाचे एकूण 2715 सक्रिय रुग्ण असून, कोरोनामुळे आतापर्यंत 2110 जणांचा मृत्यू झाला आहे.

TV9 मराठी डिजीटल टीम | Edited By: Ajay Deshpande | Updated on: Jan 06, 2022 | 7:10 PM

ठाणे : मुंबईप्रमाणेच ठाण्यात देखील कोरोनाचा प्रादुर्भाव वाढत आहे. गेल्या 24 तासांमध्ये तब्बल 1685 जणांना कोरोनाची लागण झाली आहे. सध्या शहरात कोरोनाचे एकूण 2715 सक्रिय रुग्ण असून, कोरोनामुळे आतापर्यंत 2110 जणांचा मृत्यू झाला आहे. समाधानाची बाब म्हणजे सुमारे 85 ते 90 टक्के रुग्णांमध्ये कोरोनाची लक्षणे आढळून आलेली नाहीत, तर काही जणांमध्ये सैम्य लक्षणे आहेत. असे सर्व रुग्ण हे घरूनच उपचार घेत आहेत.

लसीकरणासाठी गर्दी

संभाव्य कोरोनाची तिसरी लाट लक्षात घेता, पंतप्रधान नरेंद्र मोदी यांनी लहान मुलांच्या लसीकरणाची घोषणा केली होती. या पार्श्वभूमीवर ठाणे महापालिकेच्या वतीने 15 ते 18 वयोगटातील मुलांच्या लसीकरणाला सुरुवात केली आहे. लसीकरणाला चांगला प्रतिसाद मिळत असून, लसीकरण केंद्रावर लस घेण्यासाठी गर्दी होत असल्याचे दिसून येत आहे. आपल्या पाल्याचे लसीकरण करून घेण्याचे आवाहन महापालिकेच्या वतीने पालकांना करण्यात आले आहे.

कोरोना नियमांचे पालन करण्याचे आवाहन

शहरात कोरोनाचे रुग्ण वाढत आहेत, नागरिकांनी कोरोनाचे नियम पाळावेत, गर्दी करू नये, योग्य सोशल डिस्टन्सिंग ठेवावे. काम असेल तरच घरातून बाहेर पडावे, घरातून बाहेर पडताना मास्कचा वापर करावा. सॅनिटायझर वापरावे, बाहेरून घरात आल्यानंतर हात साबणाने स्वच्छ धुवावेत असे आवाहन महापालिकेच्या वतीने करण्यात आले आहे. तसेच कोरोनाच्या पार्श्वभूमीवर कडक निर्बंध देखील घाण्यात आले आहेत.