Wine | सरकार म्हणतं वाईन दारू नाही, मग वाईन पिऊन गाडी चालवल्यास दंड होणार ? मुंबई पोलीस म्हणाले…
वाईन आणि दारु याच्यात नेमका फरक काय आहे. असा प्रश्न विचारला जात आहे. तसेच सरकारने वाईन विकायची परवानगी दिली असेल तर वाईन पिऊन गाडी चालवल्यास सरकारला दंड घेण्याचा अधिकार असेल का ? असा सवाल विचारला जात आहे.
मुंबई : राज्य सरकारने सुपर मार्केट आणि किराणा दुकानात वाईन (wine) विक्रीला परवानगी दिली आहे. तसा निर्णय राज्य मंत्रिमंडळाने घेतलाय. या निर्णयानंतर आता राज्य सरकारवर सडकून टीका केली जातेय. भाजपने (BJP) तर हा मुद्दा चांगलाच लावून धरला असून महाराष्ट्राचे मद्यराष्ट्र होऊ देणार नाही, अशी भूमिका विधानसभेचे विरोधी पक्षनेते देवेंद्र फडणवीस (Devendra Fadnavis) यांनी घेतली आहे. तर दुसरीकडे या निर्णयामुळे शेतकऱ्यांच्या उत्पन्नात वाढ होईल, असा दावा सत्ताधारी करत आहेत. या सर्व गोंधळाच्या पार्श्वभूमीवर वाईन आणि दारु याच्यात नेमका फरक काय आहे ? असा प्रश्न विचारला जात आहे. तसेच सरकारने वाईन विकायची परवानगी दिली असेल तर वाईन पिऊन गाडी चालवल्यास सरकारला दंड घेण्याचा अधिकार असेल का ? असा सवाल केला जात आहे.
वाईन पिऊन गाडी चालवल्यावर दंड होणार ?
वाईन विक्रीस परवानगी दिल्यामुळे सरकारवर मोठ्या प्रमाणात टीका केली जातेय. दिग्दर्शक केदार शिंदेय यांनी तर सोशल मीडियावर सकारला थेट प्रश्न विचारला आहे. ‘वाईन आणि दारु यात फरक आहे, असं सरकार म्हणतं. मग लोकांनी वाईन पिऊन गाडी चालवल्यावर त्यांच्याकडून दंड घेण्याचा अधिकार सरकारला आहे का ?’ असं केदार शिंदे यांनी विचारलंय. तर दुसरीकडे शिवम वहिया यांनी मुंबई पोलिसांना उद्देशून मजेशीर पद्धतीने अशाच आशयाचा प्रश्न केलाय.
मी वाईन पिऊन वाहन चालवले तर मुंबई पोलीस मला तुरुंगात टाकतील की जवळचा बार दाखवतील असं शिवम यांनी मिश्कीलपणे विचारलंय. या प्रश्नाला मुंबई पोलिसांनीदेखील तेवढ्याच चपखल पद्धतीने उत्तर दिले आहे. जर तुमची चाचणी केल्यानंतर तुमच्या शरीरात अल्कोहोल आढळले तर आम्ही तुमच्यावर निश्चित कारवाई करु. तुम्हाला तुरुंगात जावं लागेल, असं मुंबई पोलिसांनी सांगितले आहे.
Sir, we recommend your raise your bar & ride in a chauffeur driven car, after drinking, like a ‘responsible citizen’. Else if the breathalyzer detects the alcohol content in the wine you drank (which it will to be frank), you will have to be our guest behind the bars https://t.co/KS0WnOZ6pP
— Mumbai Police (@MumbaiPolice) January 29, 2022
इतर बातम्या :
Breaking News | पुणे-मुंबई महामार्गावर भीषण अपघात, पाच जणांचा जागीच मृत्यू, कारचा चक्काचूर
Pimpri Chinchwad Crime|विनयभंग करणाऱ्या आरोपीला अवघ्या 72 तासात दिली 18 महिन्यांची शिक्षा
