Corona : आधी राष्ट्रपती भवन, आता लोकसभा सचिवालयात कोरोनाची एन्ट्री, स्वच्छता विभागाच्या कर्मचाऱ्याला कोरोना

नवी दिल्ली : दिल्लीतील राष्ट्रपती भवनानंतर आता लोकसभा सचिवालयातही (Corona In Lok Sabha Secretariat) कोरोनाने प्रवेश घेतल्याची शक्यता आहे. लोकसभा सचिवालयात कार्यरत असणाऱ्या एका कर्मचाऱ्याला कोरोनाची लागण झाली आहे. तो स्वच्छता विभागात (हाऊस कीपिंग) कामाला होता. सध्या दिल्लीतील राम मनोहर लोहिया (Corona In Lok Sabha Secretariat) रुग्णालयात त्याच्यावर उपचार सुरु असल्याची माहिती आहे.

लोकसभा सचिवालयापूर्वी राष्ट्रपती भवन परिसरात कोरोनाने प्रवेश केला होता. या परिसरात राहणाऱ्या एका कर्मचाऱ्याच्या नातेवाईकाला कोरोनाची लागण झाली होती. त्यानंतर या कुटुंबासह परिसरातील 125 जणांना क्वारंटाईन करण्यात आलं होतं. माहितीनुसार, कोरोनाची लागण झालेली महिला आणि तिचं कुटुंब हे गावी एका नातेवाईकाच्या अंत्यसंस्कारासाठी गेली होती. कोरोनाग्रस्त महिलेच्या आईचा कोरोनामुळे मृत्यू झाला होता.

अमेरिकेत स्थलांतरबंदी, नागरिकांच्या नोकऱ्या वाचवण्यासाठी डोनाल्ड यांचे ‘ट्रम्प’ कार्ड https://t.co/RVS5bwfpAO #DonaldTrump #usimmigration

— TV9 Marathi (@TV9Marathi) April 21, 2020

त्यानंतर या महिलेलाही कोरोनाची लक्षणं दिसून (Corona In Lok Sabha Secretariat) आली आणि तिची कोविड-19 चाचणी करण्यात आली. त्यामध्ये तिलाही कोरोनाची लागण झाल्याचं समोर आलं. मात्र, तिच्या कुटुंबातील इतर सदस्यांच्या कोविड-19 चाचणीचा अहवाल निगेटिव्ह आला.

देशात कोरोनाची स्थिती काय?

कोरोनामुळे आतापर्यंत देशात 590 जणांचा बळी गेला आहे. तर देशात कोरोनाबाधितांची संख्या ही 18 हजार 600 वर पोहोचली आहे. आतापर्यंच 590 जण बरे होऊन घरीही गेले आहेत. कोरोना संसर्गाचा धोका पाहता केंद्रीय मंत्रालयं, विभाग आणि कार्यालयांमधील कॅन्टीन आधीच बंद करण्यात आले आहेत.

महाराष्ट्रात कोरोना रुग्णांची संख्या 5 हजाराच्या मार्गावर

राज्यातील कोरोनाबाधितांची संख्या दिवसेंदिवस वाढत आहे. राज्यात सध्या 4,666 कोरोना रुग्ण आहेत. तर 232 जणांना कोरोनामुळे बळी गेला आहे. राज्यात संपूर्ण संचारबंदी असूनही कोरोनाचा विळखा दिवसेंदिवस वाढत आहे.

Corona In Lok Sabha Secretariat

संबंधित बातम्या :

Corona Update : देशभरात 2546 रुग्णांची कोरोनावर मात, गेल्या 24 तासात 1553 नवे बाधित

मास्क, सॅनिटायझर, ग्लोव्जवरील जीएसटी कर रद्द करा, राहुल गांधीची मागणी

Corona : भोपाळमध्ये 9 दिवसांच्या बाळाला कोरोना, प्रसुती करणाऱ्या डॉक्टरांकडून संसर्ग

देशभरात ‘ग्रीन झोन’मधील जिल्ह्यात कोणकोणत्या क्षेत्रात अंशत: सूट?