महुआ मोईत्रा यांच्या वक्तव्यावरुन वादंग, खरंच म्हणाल्या का, सेक्स हा त्यांच्या ऊर्जेचा स्त्रोत? व्हायरल व्हिडिओचे सत्य तरी काय

तृणमूल काँग्रेसच्या नेत्या महुआ मोईत्रा या बेधडक वक्तव्यासाठी ओळखल्या जातात. लोकसभेतील त्यांची अनेक भाषणं गाजली आहे. सरकारवर त्यांनी अनेकदा हल्लाबोल केलेला आहे. त्यासध्या पश्चिम बंगालमधील कृष्णानगर लोकसभा मतदारसंघातून टीएमसीच्या तिकिटावर लढत आहेत. याठिकाणी राजामाता अमृता राव यांना भाजपने त्यांच्याविरोधात उतरवले आहे. निवडणुकीचा प्रचार शिगेला पोहचलेले असताना सोशल मीडियावर त्यांचा एक व्हिडिओ व्हायरल झाला आहे. त्यात त्यांना तुमच्या ऊर्जेचा स्त्रोत काय आहे, असा सवाल विचारण्यात आला. त्यावर महुआ यांनी जे उत्तर दिले, त्यावरुन मोठे वादंग उठले आहे.

सोशल मीडियावर युझर्सचे दोन गट

महुआ मोईत्रा यांच्या उत्तरावरुन असा दावा करण्यात येत आहे की, त्यांनी त्यांच्या ऊर्जेचा स्त्रोत हा सेक्स असल्याचे म्हटले आहे. त्यावरुन सोशल मीडियात उलटसुलट प्रतिक्रिया उमटत आहे. काहींनी यावर कमेंट करताना, राहुल गांधी यांचे नाव न घेता, केरळमध्ये कुणीतरी या उत्तरामुळे खूश झाले असेल असा टोला लगावला आहे. मोईत्रा आणि गांधी दोन्हीपण निवडून येणार नसल्याचा दावा युझर करताना दिसतो. तर दुसरीकडे मोईत्रा यांच्या बाजूने पण काही नेटकरी उतरले आहे. मोईत्रा यांनी सेक्स नाही तर एग्स हा शब्द प्रयोग केल्याचा दावा नेटकरी करत आहेत. टीएमसी नेत्यांचे वक्तव्य चुकीच्या पद्धतीने मांडले जात असल्याचा दावा करण्यात येत आहे.

Let me clarify, since this is my interview.

I asked @MahuaMoitra : What’s your source of energy in the morning.

Mahua Moitra replied : EGGS …(anda, dim)

This is ridiculous how the bhakt mandali has distorted it to make it sound like s*x. The audio is being tampered…

— Tamal Saha (@Tamal0401) April 18, 2024

मग सत्य तरी काय?

ही मुलाखत पत्रकार तमल साह यांनी घेतली होती. वाद विकोपाला गेल्यानंतर साह यांनी सोशल मीडियावर याविषयीचा खुलासा केला. साह यांनी त्यांच्या एक्सवर एक पोस्ट लिहिली.

‘ मी स्पष्ट करतो की, मी मुलाखत घेतल्यानंतर सोशल मीडियावर जे पण काही सांगितले जात आहे. मी महुआ मोईत्रा यांना तुम्ही सकाळीच्या वेळी एनर्जी सोर्स काय असतो, असे विचारले होते. त्यावर त्यांनी उत्तर दिले की, एग्स(अंडे). त्यामुळे अत्यंत लाजीरवाणे आहे की, काही भक्तमंडळी त्यांचे विधान अत्यंत गलिच्छ पद्धतीने सादर करत आहेत. या भक्तांनी सेक्स असा शब्द येण्यासाठी या क्लिपमध्ये छेडछाड केलेली आहे. ऑडिओ मुद्दाम बदलला आहे.’