International Women’s Day : निता अंबानींचे महिलांसाठी खास ‘Her Circle’, कसं करणार काम?
दरवर्षी 8 मार्च हा दिवस जागतिक महिला दिन म्हणून साजरा केला जातो. (Nita Ambani launched Her Circle)
मुंबई : दरवर्षी 8 मार्च हा दिवस जागतिक महिला दिन म्हणून साजरा केला जातो. आंतरराष्ट्रीय महिला दिनाच्या पार्श्वभूमीवर रिलायन्स फाऊंडेशनच्या अध्यक्षा नीता अंबानी यांनी महिलांसाठी एक विशेष घोषणा केली आहे. Her Circle हे एक प्रेरणादायक आणि सर्वसमावेशक, सोशल मीडियावरील डिजीटल प्लॅटफॉर्म आहे. या डिजीटल प्लॅटफॉर्मचा उद्देश महिलांना सक्षम बनवणे, त्यांच्यातील सुसंवाद वाढवणे हा आहे. (Nita Ambani launched Her Circle)
Her Circle ही एक वेबसाईट आणि अ‍ॅप आहे. हे अ‍ॅप गुगल प्ले स्टोअर आणि माय जिओ अ‍ॅप स्टोअरवर उपलब्ध आहे. हे अ‍ॅप पूर्णपणे फ्री आहे. सध्या हे अ‍ॅप इंग्रजी भाषेत उपलब्ध आहे. त्यानंतर त्यात इतर अनेक भाषा लाँच केल्या जाणार आहेत.
“जेव्हा एक स्त्री दुसऱ्या स्त्रीवर अवलंबून असते, तेव्हा अविश्वसनीय गोष्टी घडतात. रिलायन्स फाऊंडेशनच्या स्त्रिया असो किंवा मी काम केलेल्या राष्ट्रीय आणि आंतरराष्ट्रीय स्तरावरील महिला नेत्या. त्यांच्या सर्वांच्या अनुभवावरुन एक गोष्ट दिसते ती म्हणजे आपले संघर्ष आणि विजय एकमेकांशी एकत्र होतात. Her Circle द्वारे महिलांचे कलागुण आणि त्यांच्या उपक्रमांचे स्वागत करेल,” अशी प्रतिक्रिया नीता अंबानी यांनी दिली.
Her Circle नेमकं काय?
Her Circle हे एक महिलांचा एक विशेष समूह असेल. याद्वारे महिलांचे एक विशिष्ट ध्येय साध्य केले जाईल. तसेच महिलांच्या आकांक्षा, महत्वाकांक्षा, सर्व सामाजिक पार्श्वभूमी, महिलांची स्वप्ने आणि क्षमता पूर्ण करेल. (Nita Ambani launched Her Circle)
असे करेल काम?
Her Circle हे महिलांशी निगडीत एक वन स्टॉप डेस्टिनेशन आहे. यात महिलांसाठी विविध प्रकारची माहिती असेल. तसेच व्हिडीओ असतील. त्याशिवाय राहणीमान, स्वास्थ्य, आर्थिक, काम, पर्सनॅलिटी डेव्हलपमेंट, कम्युनिटी सर्विस, ब्यूटी, फॅशन, इंटरटेनमेट इत्यादी इतर गोष्टींच्या संबंधित लेख असतील. यात महिलांना आरोग्य, निरोगीपणा, शिक्षण, वित्त, मार्गदर्शक, उद्योजकता इत्यादी तज्ञांकडून माहिती मिळेल.
तसेच महिलांना नवीन व्यावसायिक कौशल्ये शिकण्यास आणि त्यांच्या प्रोफाइलनुसार नोकरी मिळवण्यासाठी मदत मिळणार आहे. विशेष म्हणजे या अ‍ॅपद्वारे तुम्ही कॉम्प्लिमेंटरी डिजीटल कोर्सही करु शकता. यात अनेक महिला त्यांच्या आयुष्यातील प्रेरणादायी घटना शेअर करतील.
यातील सोशल नेटवर्किंग भाग हा केवळ महिलांसाठी मर्यादित असेल. तर व्हिडीओ आणि इतर लेख हे कोणीही वाचू शकते. तसेच एखाद्या वैद्यकीय आणि आर्थिक सल्ल्यांसाठी गोपनीय चॅटरूमही असणार आहे. यात एक अ‍ॅप ट्रकरही असणार आहे. त्याद्वारे तुम्हाला फिटनेस, फायनान्स आणि मासिक पाळी ट्रॅक करता येणार आहे. (Nita Ambani launched Her Circle)
संबंधित बातम्या :
