पेन्शन स्कीममध्ये पैसे गुंतवताय; मोदी सरकार ‘हा’ मोठा निर्णय घेण्याच्या तयारीत

नवी दिल्ली: कोरोनाच्या संकटामुळे देशातील नागरिकांची आर्थिक परिस्थिती बिकट झाली आहे. त्यामुळे आता मोदी सरकार नागरिकांच्या हातात पैसा खेळता कसा राहील, यासाठी विविध उपाययोजना राबवताना दिसत आहे. याच पार्श्वभूमीवर मोदी सरकार पेन्शन योजनेत (Pension Scheme) पैसे गुंतवणाऱ्या लोकांच्यादृष्टीने मोठा निर्णय घेण्याच्या तयारीत आहे. (Modi govt is planning to extend withdraw money limit in pension fund)

सध्या कोरोनाच्या संकटामुळे अनेकांना आर्थिक चणचण जाणवत आहे. तसेच ज्या वित्तीय योजनांमध्ये पैसे गुंतवले आहेत त्यामधूनही विशेष उत्पन्न मिळत नाही. त्यामुळे आता मोदी सरकार आता पेन्शनधारकांना त्यांच्या फंडातील पूर्ण पैसे एकरकमी देण्याचा विचार करत आहे. जेणेकरून हे पैसे त्यांना चांगले उत्पन्न मिळवून देणाऱ्या योजनांमध्ये गुंतवता येतील.

सध्याच्या घडीला राष्ट्रीय पेन्शन योजनेतून 2 लाखांपर्यंतची रक्कम काढता येऊ शकते. त्यापेक्षा जास्त रक्कम असल्यास ग्राहकांना केवळ 60 टक्केच वाटा काढता येतो. तर 40 टक्के योगदान हे सरकारकडून दिले जाते.

एकरकमी पैसे काढता येणार

सूत्रांच्या माहितीनुसार, पेन्शन नियामक, पेन्शन फंड नियामक आणि विकास प्राधिकरण सध्या राष्ट्रीय पेन्शन स्कीमच्या ग्राहकांना फायदेशीर पर्याय उपलब्ध करुन देण्याचा विचार करत आहे. त्यानुसार ग्राहक पाच लाखांपर्यंतचा कॉर्पस रक्कम एकत्र काढू शकतात.

मर्यादा वाढवण्याचा विचार

पेन्शन फंडातील पैसे काढण्याची मर्यादा वाढवल्यास ग्राहकांना त्याचा लाभ मिळू शकतो. त्यामुळे वेळ पडल्यास ग्राहकांना पैसे मिळू शकतात.

व्यवहार डिजिटल होणार

पेन्शन पेमेंट ऑर्डर जारी केल्यानंतर ती सेंट्रल अकाऊंटिग ऑफिस किंवा बँकेत पोहोचली नाही तर पुढील प्रक्रिया कंट्रोल जनरल ऑफ अकाऊंटसकडून (CGA) पूर्ण केली जाईल. CGA संबंधित पेन्शन प्रोसेसिंग सेंटर आणि बँकेला पुढील निर्देश देईल. हे सर्व व्यवहार डिजिटल पद्धतीने पार पडतील.

संबंधित बातम्या:

आयसीआयसीआय बँकेच्या ग्राहकांसाठी महत्वाची बातमी, एटीएममध्ये जाण्याआधी जाणून घ्या नवा नियम

Flipkart Electronic sale : सॅमसंग, रियलमी आणि पोकोच्या ‘या’ स्मार्टफोन्सवर बंपर डिस्काऊंट

Income Tax: गुंतवणूक करताना ‘या’ गोष्टी पाळा आणि 40 हजारापर्यंत टॅक्स वाचवा

(Modi govt is planning to extend withdraw money limit in pension fund)