9.0 IMDb रेटिंग, 16 भाग… 8 वर्षांपूर्वी आलेली थ्रिलर सीरीज, वादात अडकली, नंतर बनली प्रेरणा आणि रचला इतिहास!
गेल्या काही वर्षांत भारतीय मनोरंजन उद्योगात मोठे बदल झाले आहेत, ज्यामुळे प्रेक्षकांमध्ये के-ड्रामा मालिकांची मागणी वाढत चालली आहे. अशाच एका मालिकेने केवळ प्रेक्षकांचे मनोरंजनच केले नाही, तर त्यांच्या विचारांवर आणि जीवनावरही खोलवर परिणाम केला आहे. ही सीरिज कोणती चला जाणून घेऊया...
अनेकदा आपण असे चित्रपट, सीरीज आणि शोज पाहतो ज्यांचा प्रभाव आपल्या मन आणि मेंदूवर खूप काळ राहतो. एकीकडे साउथ सिनेमे प्रेक्षकांचे जबरदस्त मनोरंजन करत आहेत, तर दुसरीकडे के-ड्रामा अशा कहाण्यांवर लक्ष केंद्रित करत आहेत ज्या या पूर्वी कधीही पाहायला मिळाल्या नव्हत्या. आजकाल कोरियन इंडस्ट्रीमध्ये अनेक उत्तम ड्रामा येत आहेत, जे केवळ रोमँटिक कथांपुरते मर्यादित नाहीत, तर त्यात जबरदस्त सस्पेन्स, थ्रिल आणि क्राईमने भरलेल्या कहाण्या पाहायला मिळतात.
1 / 5
आज आपण अशाच एका के-ड्रामाबद्दल बोलणार आहोत, ज्याचे १६ एपिसोड पाहूनही प्रेक्षकांचे मन भरले नाही. ही सीरीज २०१८ मध्ये रिलीज झाली होती आणि कोरियामध्ये मोठ्या वादाचा विषय बनली होती. याच्या ऑनलाइन स्ट्रीमिंगवर बंदी घालण्याची मागणी देखील करण्यात आली होती. काही लोकांनी या सीरीजची कहाणी ‘डेटिंग व्हायोलन्स’ला प्रोत्साहन देते असा आरोप करत तक्रार नोंदवली होती.
2 / 5
वादाचा भाग बनल्यानंतरही या सीरीजने के-ड्रामा इतिहासातील अनेक जुने रेकॉर्ड्स तोडले आणि प्रचंड यश मिळवले. 9.0 IMDb रेटिंगसह ओटीटीवर राज करणाऱ्या या सीरीजचे नाव आहे ‘माय मिस्टर’ (My Mister). हा के-ड्रामा सुरुवातीला थोडा कंटाळवाणा आणि डार्क वाटू शकतो, पण जसे जसे कथानक पुढे सरकते, तसे नवीन ट्विस्ट आणि टर्न्स पाहायला मिळतात.
3 / 5
‘माय मिस्टर’ मध्ये मुख्य भूमिकेत अभिनेता ली सन-क्यून आणि अभिनेत्री ली जी-यून (IU) दिसतात. या लोकप्रिय सीरीजचे दिग्दर्शन किम वोन-सियोक यांनी केले आहे. ही सीरीज २०१८ मध्ये tvN वर प्रसारित झाली होती आणि सध्या Netflix आणि Prime Video या दोन्ही ओटीटी प्लॅटफॉर्मवर उपलब्ध आहे.
4 / 5
वादामध्ये सापडल्यानंतरही या सीरीजची कहाणी प्रेक्षकांना इतकी आवडली की, तिला ५५व्या बॅक्सांग आर्ट्स अवॉर्ड्स मध्ये ‘बेस्ट ड्रामा’ ची ट्रॉफी मिळाली. सीरीजमध्ये ली सन-क्यून यांनी शांत आणि जबाबदार व्यक्तीची भूमिका साकारली, तर लोकप्रिय के-पॉप गायिका आणि अभिनेत्री IU यांनी संघर्ष करणाऱ्या तरुणीची भूमिका करून प्रेक्षकांचे मन जिंकले. या सीरीजमधील IU ची अभिनय सर्वात मजबूत आणि महत्त्वाचा भाग मानला जातो. ही भूमिका तिच्या करिअरचा टर्निंग पॉइंट ठरली.
