Vaibhav Sooryavanshi ला पदार्पणाची संधी मिळणारी की नाही? बॉलिंग कोच मॉर्ने मोर्कलने काय सांगितलं?
Morne Morkel On Vaibhav Sooryavanshi Debut : वैभव सूर्यवंशी याला आंतरराष्ट्रीय पदार्पणाची संधी केव्हा मिळणार? याची चाहत्यांना 26 जूनपासून प्रतिक्षा आहे. मात्र ही प्रतिक्षा दिवसेंदिवस वाढत चालली आहे. त्यामुळे वैभवला संधी मिळणार की नाही? असा प्रश्न आता चाहत्यांकडून केला जात आहे.
भारताचा युवा फलंदाज वैभव सूर्यवंशी याला आयर्लंड विरुद्ध टी 20I मालिकेत पदार्पणाची संधी मिळाली नाही. त्यामुळे वैभवला इंग्लंड विरुद्ध संधी मिळेल, अशी आशा चाहत्यांना आहे. मात्र टीम इंडियाच्या सपोर्ट स्टाफनुसार त्याला संधी मिळण्याची शक्यता फार कमी आहे. टीम इंडियाचा बॉलिंग कोच मॉर्ने मोर्कल याने दुसऱ्या सामन्याच्या पूर्वसंध्येला दिलेल्या प्रतिक्रियेमुळे वैभवला इंग्लंड विरुद्ध पदार्पणाची संधी मिळणार नाही, असं म्हटलं तर चूक ठरणार नाही. (PC-GETTY IMAGES)
1 / 5
वैभव पदार्पणाच्या उंबरठ्यावर आहे. मात्र त्याला संधी कशी द्यायची हा प्रश्न आहे. तसेच अभिषेक शर्मा आणि संजू सॅमसन या दोघांनी वर्ल्ड कप स्पर्धेत चांगली कामगिरी केलीय. त्यामुळे या दोघांना कसं बाहेर करायचं? असा प्रश्नही मोर्कलने उपस्थित केला. तसेच आम्ही खेळाडूंना पूर्ण संधी देणार, असंही मोर्कलने स्पष्ट केलं. (PC-GETTY IMAGES)
2 / 5
मॉर्ने मोर्कलआधी टीम इंडियाच्या बॅटिंग कोचनेही हा मुद्दा उपस्थित केला. इतकंच काय तर कर्णधार श्रेयस अय्यर यानेही वैभवला संधी न मिळण्यामागील कारण सांगितलं. त्यामुळे वैभवला संधी तरी केव्हा मिळणार? असा प्रश्न यानिमित्ताने जोर धरु लागला आहे. (PC-GETTY IMAGES)
3 / 5
वैभवच्या पदार्पणाची प्रतिक्षा केवळ भारतीयांनाच नाही तर दिग्गज खेळाडूंनाही आहे. तसेच अनेक माजी खेळाडूंकडूनही वैभवला संधी का दिली जात नाही? असा प्रश्न उपस्थित केला जात आहे. इतकंच नाही तर दिग्गज माजी कर्णधार कपिल देव यांनीही वैभवला पदार्पणाची संधी देण्याबाबत भाष्य केलंय. (PC-GETTY IMAGES)
4 / 5
वैभवला दुसऱ्या सामन्याआधी फलंदाजीचा सराव करण्याचीही संधी मिळाली नाही. मात्र वैभवने सहकाऱ्यांसह बॉलिंगचा सराव केला. आता वैभवचं पदार्पण केव्हा होतं? याकडे साऱ्या क्रिकेट विश्वाचं लक्ष असणार आहे. (PC-GETTY IMAGES)
