PHOTO | जगातील सर्वात लहान गेम कन्सोल पाहिला आहे का? स्वतः नवीन गेम तयार करू शकता, जाणून घ्या वैशिष्ट्ये
हा गेम कन्सोल सर्वात लहान उत्पादन बनवणाऱ्या ओहियोच्या टायनी सर्किट्स या कंपनीने तयार केला आहे. कंपनीचे म्हणणे आहे की, यूजर्स त्याचे सॉफ्टवेअर स्वतः अपडेट करू शकतील. या कन्सोलमध्ये बॅटरीसोबतच गेम प्ले बटण, ओएलईडी स्क्रीन, पॉवर स्विच आणि मायक्रो-यूएसबी पोर्टही देण्यात आले आहेत.
TV9 मराठी डिजीटल टीम | Edited By: वैजंता गोगावले |
Updated on: Nov 23, 2021 | 1:01 AM
Share
जगातील सर्वात लहान गेम कन्सोल अमेरिकेत सादर करण्यात आला आहे. हे जगातील सर्वात लहान उत्पादन बनवणाऱ्या ओहियो-आधारित कंपनी टायनी सर्किट्सने तयार केले आहे. कंपनीचे म्हणणे आहे की, यूजर्स त्याचे सॉफ्टवेअर स्वतः अपडेट करू शकतील. या कन्सोलमध्ये बॅटरीसोबतच गेम प्ले बटण, ओएलईडी स्क्रीन, पॉवर स्विच आणि मायक्रो-यूएसबी पोर्टही देण्यात आले आहेत. याच्या मदतीने गेम कन्सोल चार्ज करता येईल.
1 / 5
गेम कन्सोलमध्ये OLED स्क्रीन डिस्प्ले आहे. जे खूप खास आहे. यामध्ये युजरला आधीपासून इन्स्टॉल केलेले 5 गेम मिळतील. कंपनीचे म्हणणे आहे की, त्याची सुरुवातीची किंमत 1425 रुपये ठेवण्यात आली आहे. त्यासोबत इतर अॅक्सेसरीज घेतल्यास किंमत वाढेल.
2 / 5
गेम कन्सोलची रचना करणारे अभियंता बेन रोज म्हणतात की, हा कन्सोल 90 च्या दशकाची आठवण करून देणारा आहे. कंपनीला जगातील सर्वात लहान गेम कन्सोल बनवायचे होते आणि आम्ही ते बनवण्यात यशस्वी झालो. हे एक उच्च दर्जाचे उत्पादन आहे, जे की-चेनमध्ये ठेवून कुठेही नेले जाऊ शकते.
3 / 5
कंपनीचे म्हणणे आहे की, या गेम कन्सोलमध्ये 5 गेम उपलब्ध असतील. यामध्ये टेट्रिस, स्पेस इनव्हॅडर्स आणि स्नॅक सारख्या खेळांचा समावेश आहे. MicroPython भाषा वापरून वापरकर्ते त्यांचे स्वतःचे मल्टीप्लेअर गेम तयार करू शकतात. हे या गेम कन्सोलचे सर्वात खास वैशिष्ट्य आहे.
4 / 5
बेन म्हणतात, ते लहान करण्यामागचे आणखी एक कारण हे आहे की कोणतीही व्यक्ती ते कुठेही, कधीही खेळू शकते. जगातील सर्वात लहान उत्पादन करणारी कंपनी Tiny Circuits ने 2012 मध्ये त्यांचे पहिले उत्पादन, Tiny Duino लाँच केले. याशिवाय कंपनीने टीव्ही, आर्केड कन्सोल आणि व्हायोलिन देखील सादर केले आहेत.
