Marathi News Photo gallery Tuljabhavani temple donation in 17 years 247kg gold silver strong room insufficient dharashiv
TuljaBhavani: आई तुळजाभवानीच्या चरणी सोनं-चांदीचा अक्षरशः वर्षाव; 17 वर्षांचा आकडा पाहून विस्फारतील डोळे, स्ट्राँगरूमही पडली अपुरी!
TuljaBhavani: तुळजाभवानीच्या चरणी भाविकांकडून कोट्यवधींचं सोनं-चांदी अर्पण होत असून हे सोनं आणि चांदी ठेवण्यासाठीची स्ट्राँगरुमही आता अपुरी पडू लागली आहे. गेल्या 17 वर्षांत देवीच्या चरणी किती सोनं-चांदी अर्पण झालं, याची माहिती समोर आली आहे.
महाराष्ट्राची कुलस्वामिनी म्हणून ओळखल्या जाणाऱ्या आई तुळजाभवानीवरील भाविकांची श्रद्धा किती मोठी आहे, याची प्रचिती मंदिर संस्थानच्या तिजोरीत जमा झालेल्या सोन्या-चांदीच्या आकडेवारीतून येते. मागील काही वर्षांत सोन्याचे दर विक्रमी पातळीवर पोहोचले असतानाही भाविकांकडून तुळजाभवानीच्या चरणी सोनं-चांदी अर्पण करण्याची परंपरा कायम आहे.
1 / 5
मोठ्या प्रमाणात जमा झालेल्या सोन्या-चांदीमुळे मंदिरातील स्ट्राँगरूमही आता अपुरी पडू लागल्याची माहिती समोर आली आहे. 1 जानेवारी 2009 ते 31 मार्च 2026 या 17 वर्षांच्या कालावधीत तुळजाभवानी मंदिर संस्थानला विविध माध्यमातून मोठ्या प्रमाणात सोने-चांदी प्राप्त झाली आहे.
2 / 5
सिंहासन पेटी, दानपेटी, नहाणी गृहपेटी, गुप्तदान तसेच स्वतंत्र पावतीद्वारे भाविकांनी अर्पण केलेल्या वस्तूंमध्ये 247 किलो 997 ग्रॅम 500 मिलीग्रॅम सोन्याचा समावेश आहे. याच कालावधीत तब्बल 3 हजार 298 किलो 775 ग्रॅम 360 मिलीग्रॅम चांदी मंदिर संस्थानच्या तिजोरीत जमा झाली आहे.
3 / 5
त्यामुळे गेल्या 17 वर्षांत भाविकांनी तुळजाभवानीच्या चरणी किती मोठ्या प्रमाणात मौल्यवान धातू अर्पण केले, याचा अंदाज येतो. मंदिरात जमा होणाऱ्या सोन्या-चांदीचे प्रमाण वाढत असल्याने ते सुरक्षित ठेवण्यासाठी असलेली स्ट्राँगरूमची क्षमता अपुरी पडू लागली आहे.
4 / 5
त्यामुळे आता जुन्या पद्धतीने हे मौल्यवान धातू साठवून ठेवण्याऐवजी त्यावर प्रक्रिया करण्याचा निर्णय मंदिर संस्थानकडून घेण्यात आला आहे. 2009 नंतर जमा झालेल्या सोन्याचे वितळवण्याचा ठराव मंदिर संस्थानने मंजूर केला आहे. मात्र, यासाठी अद्याप विधी आणि न्याय विभागाच्या परवानगीची प्रतीक्षा आहे. परवानगी मिळाल्यानंतर मंदिर संस्थानकडील सोने मुंबईला, तर चांदी हैदराबादला पाठवून वितळवण्यात येणार असल्याची माहिती आहे.
