विधानसभा अध्यक्षपद निवडणुकीसाठी विशेष अधिवेशन बोलावलं जाण्याची शक्यता
एक महत्वाची माहिती सूत्रांकडून मिळतेय. विधानसभा अध्यक्षपद निवडणुकीसाठी विशेष अधिवेशन बोलावलं जाण्याची शक्यता सूत्रांकडून व्यक्त केली जातेय.
मुंबई : विधानसभा अध्यक्षपद निवडणूक पावसाळी अधिवेशनातच घ्यावी अशी मागणी सत्ताधारी महाविकास आघाडीतील घटकपक्ष असलेल्या काँग्रेसनं लावून धरली आहे. तसंच भाजपकडूनही विधानसभा अध्यक्षपदासाठी निवडणूक घेण्याची मागणी होतेय. अशावेळी एक महत्वाची माहिती सूत्रांकडून मिळतेय. विधानसभा अध्यक्षपद निवडणुकीसाठी विशेष अधिवेशन बोलावलं जाण्याची शक्यता सूत्रांकडून व्यक्त केली जातेय. (special session is likely to be convened for the Assembly Speaker election)
विधानसभा अध्यक्षपदासाठी विशेष अधिवेशन बोलावलं जाण्याची शक्यता आहे. मुख्यमंत्री उद्धव ठाकरे अध्यक्षपद निवडणुकीसाठी सकारात्मक आहेत. नागपूरमध्ये पार पडणाऱ्या हिवाळी अधिवेशनापूर्वी विधानसभा अध्यक्षपदासाठी विशेष अधिवेशन बोलावलं जाण्याची शक्यता व्यक्त केली जात असल्याची माहिती मिळत आहे.
विधानसभा अध्यक्ष कोण होणार?
नाना पटोले यांनी राजीनामा दिल्यानंतर विधानसभा अध्यक्ष कोण होणार? पुढचा विधानसभा अध्यक्ष काँग्रेसचाच असणार का? असे प्रश्न उपस्थित केले जात आहेत. विधानसभा अध्यक्षपदासाठी काँग्रेसकडून अनुभवी नेते पृथ्वीराज चव्हाण, ऊर्जामंत्री नितीन राऊत, मराठवाड्यातील काँग्रेस नेते सुरेश वरपुडकर, मंत्रीपद न मिळाल्यानं नाराज असलेले आमदार संग्राम थोपटे आणि आदिवासी विकासमंत्री के. सी. पाडवी यांच्या नावांची चर्चा सुरु आहे.
‘विधानसभा अध्यक्षपदाची निवडणूक होईल असं वाटत नाही’
देवेंद्र फडणवीस यांनी अधिवेशनापूर्वीच विधानसभा अध्यक्षपदाची निवड इतक्यात होणार नाही, असे म्हटले होते. तुमच्याकडे बहुमत आहे तर एवढं महत्त्वाचं पद रिकामं का ठेवत आहात? ते भरत का नाही? असा सवाल करतानाच आता जी परिस्थिती दिसते, त्यात काही बदल झाला नसेल तर, विधानसभा अध्यक्षपदाची निवडणूक होईल असं वाटत नाही, असं फडणवीस म्हणाले होते.
विधानसभा अध्यक्षांचं काम काय?
विधानसभा अध्यक्ष हे विधानमंडळ आणि विधानसभा सचिवालयाचे प्रमुख, पीठासीन अधिकारी असतात. विधानसभा अध्यक्षांना घटना, कार्यपद्धती, नियम आणि संसदीय परंपरांच्या अंतर्गत व्यापक अधिकार आहेत.
विधानसभा अध्यक्षांची निवड सदस्यांद्वारे मतदान प्रक्रियेद्वारे होते. सत्ताधारी आणि विरोधीपक्षाकडून उमेदवार विधानसभा अध्यक्षपदासाठी उमेदवारी अर्ज दाखल करतात.
सदनाच्या आवारात विधानसभा अध्यक्षांना सर्वोच्च अधिकार असतात. विधानसभेची व्यवस्था टिकवून ठेवणे ही त्यांची जबाबदारी आहे आणि विधानसभेतील सदस्यांनी नियमांचे पालन केले आहे, की नाही, यावर ते देखरेख करतात.
सभागृहातील सर्व सदस्यांनी विधानसभा अध्यक्षांचं म्हणणं आदरपूर्वक ऐकणं अपेक्षित असतं. ते सभागृहाच्या चर्चेत सहभाग घेत नाहीत, परंतु ते विधानसभेच्या कामकाजादरम्यान आपला निर्णय देतात. विधानसभा अध्यक्षांच्या अनुपस्थितीत उपाध्यक्ष कामकाज पाहतात.
सभागृहातील एखाद्या सदस्याला आमदारकीचा राजीनामा द्यायचा असेल, तर तो विधानसभा अध्यक्षांकडे सुपूर्द (Assembly Speaker Rights) करतो.
Modi Cabinet Reshuffle : केंद्रीय मंत्रिमंडळात 20 नव्या चेहऱ्यांना संधी, महाराष्ट्र-बिहार-उत्तर प्रदेशला प्राधान्य https://t.co/92H3PhVXsI @narendramodi @BJP4India @MeNarayanRane @JM_Scindia @JPNadda #CabinetExpansion #CentralCabinet #NarayanRane #JyotiradityaShinde #NarendraModi
— TV9 Marathi (@TV9Marathi) July 6, 2021
संबंधित बातम्या :
भाजपच्या प्रति विधानसभेला भास्कर जाधवांचा आक्षेप, नियम दाखवत म्हणाले, ‘त्यांचा स्पीकर जप्त करा’
special session is likely to be convened for the Assembly Speaker election
